ما فهمتش عقليه زوجي ؟سؤال موجه للرجال خاصة...

[amira19]

بارك الله فيك اخيه و ربي يرحم امك و يكرم مثواها

[amira19]

المشاركة الأصلية كتبت بواسطة bilel seffah

يبدو أن زوجك لم يستوعب بعد فكرة أنه متزوج و عليه مسؤوليات و الامر يختلف تماما عن العزوبية لذا أنصحك بالتحاور معه و محاولة تضخيم الفكرة في رأسه أن الأبناء قادمون و مسؤوليات أكبر تحتاج مال و تخطيط و حرص شديد ... أيضا أشعريه بحلاوة الاستقلالية و العيش أنت و الانسان الذي تحب فقط دون تدخل أطراف خارجية ... نصيحة أخوية : مهما كان الرجل شديد فهو ضعيف أمام الكلام اللين ... قال رسول الله صل الله عليه و سلم : مَا رَأَيْتُ مِنْ نَاقِصَاتِ عَقْلٍ وَدِينٍ أَذْهَبَ لِلُبِّ الرَّجُلِ الْحَازِمِ مِنْ إِحْدَاكُنَّ . تحري الطريقة و الوقت المناسب فقط ... كان الله في عونك

فعلا اخي الكريم انه يتهرب من المشكله و من المسؤوليه و شكرا جزيلا على النصيحة الذهبيه

[melissa lola]

انا من راي الاخ اللي قالك روحي رحلة حاولو تنساو مشاكلكم واهدري معاه بالعقل بالاك جاتو حشمة يخرج من دار باباه على اساس اللي يخرج من دار باباه مرتو تحكم فيه وراكي تقولي مواليه قاع ساكنين في دار وحدة امالا صعيبة شوية وتتطلب وقت انا نعرف وحدة كانت مع دار الغاشي وماعندهاش الذراي صاري فيها العجب كان وسط الدار او الحوش محرم عليها تنشر حوايجها في الدوش اكرمكم الله تفاقمت المشاكل بينها وبين ناس البيت وراجلها يحبها قاتلو كريلي وانا نخلص رجليه باستهملو وهو رفض الفكرة تماما بحجة الناس تضحك عليه ساعفت ساعفت حتى ربي فرج وخرجت المهم انت ماتخسريش راجلك على جال مشاكل عاءلية راجلك افضل واسبق وقاع عندنا مشاكل المهم المراة تعرف كيفاه تسير لازم تساعفي اختي باه تحافظي على دارك وبالتوفيق

[amira19]

المشاركة الأصلية كتبت بواسطة melissa lola

انا من راي الاخ اللي قالك روحي رحلة حاولو تنساو مشاكلكم واهدري معاه بالعقل بالاك جاتو حشمة يخرج من دار باباه على اساس اللي يخرج من دار باباه مرتو تحكم فيه وراكي تقولي مواليه قاع ساكنين في دار وحدة امالا صعيبة شوية وتتطلب وقت انا نعرف وحدة كانت مع دار الغاشي وماعندهاش الذراي صاري فيها العجب كان وسط الدار او الحوش محرم عليها تنشر حوايجها في الدوش اكرمكم الله تفاقمت المشاكل بينها وبين ناس البيت وراجلها يحبها قاتلو كريلي وانا نخلص رجليه باستهملو وهو رفض الفكرة تماما بحجة الناس تضحك عليه ساعفت ساعفت حتى ربي فرج وخرجت المهم انت ماتخسريش راجلك على جال مشاكل عاءلية راجلك افضل واسبق وقاع عندنا مشاكل المهم المراة تعرف كيفاه تسير لازم تساعفي اختي باه تحافظي على دارك وبالتوفيق

فعلا هو جاتو حشومه يخرج من دارهم و زيد هارب من المسؤوليه

شكرا على النصيحة اخيتي

[nilly]

Waqil ana f ni3ma maranich hassa fiha

anaya okhti 3ajozty rahi ki lkhatam f sab3i nya bazaf t3raf ghir lbssa w sbirate w
w lhamdo llahzawji 3ando okhtewahda mathdarche w tzawjate min bakri w b3ida w

Chofi qolilo ydirlak cuisine wahdak bah matchofihomche basah balaki tbqay hakda li ano hakda rahyatzawj alik w nti ytalqak ghir raj3i w diri kima qoltlak

[ALGDZ]

لا ياالاخت ليس بهذه السرعة ثم في الاخير هو راجلك يعني اهلو ديريهم كما اهلك و تتقبلي هذه الظروف و لازم تنساي نهائيا هذا الموضوع و ابسطي و امرحي و قسري زعقي معاهم و امشي معاهم عادي بلا حيل و بلا نيات شينة و بلا اشياء تافهة لازم تحطي نفسك مثل بنتهم لالا انت بنتهم ورااكي حرة كما دار اهلك باش يحسو فيك لاخاطر انتِ بنتهم يحبولك الي فيها الخير و نتمنى لك الخير ، اما بالنسبة لراجلك يصرف في مصرف زايد عن اللزوم و على نفسو هذا شيء عادي انا نضن اذا عاتبتيه ووجهك في جهة اخرى واذا حاسبتيه و صوتك مرفوع و في الاخير مبينة روحك متقشة و كارهة ..اكيد نحن الرجال لا نرضى بهذه لانه تعتبر اهانة وزايدة شوي رايح تحسيه بالكره و ما يعرفش واش يدير و يصير في الاموبالات و تعكرلو حياتو و اهدافو و تعرقليه حتى في انشغالاتو ...بهذه الاسباب تتربالو العقد و النرفزة ..اكيد هو يغير عليك و يخاف عليك و يحبلك الا الخير لانه راجلك ماداكش بقوة ولااا من التاقة اي بمعنى انه متفاهمين
اذن ما تتعصبيش و اهدائي شوي و افتحي عينيك لانه اذا كنت حابة تغيري راجلك من ساسو لاراسو فهذا غير ممكن ليس دمية او لعبة لانك انتِ قبلتي برجل و ارتحتي له في بدايتكم ،لو فكرتي شوي ستكون ايجابيات ان شاء الله
اذا ما صبرتيش و مازالك كارهة (اتفكري يوم عرسك) و سلام

[مناع]

ارجعي لدار زوجك واكثري من المشاكل وكل مرة اسقطي على الارض مغمى عليك مدة 10 أيام تلقاي نفسك في دارك وحدك ,, إذا لم يتحرك للبحث عن الكراء فسيكريلك شيخك وانا متأكد ,,, لكن من دون أن تنفعلي مع هذه المشاكل خذيها على انها خطة متقنة وخلاص كوني ندك واثقة من نفسك
الراجل هذا معندك ماديري معاه هو راه يمشي بعقلية نتاع النساء بيناتهم كيما هاك وساع ويسكتو ويطايبوا وانا منربحش العيب مع أمي وخواتاتي ,,,,, تعرفي معنى أن يشريلك فريجيداروحدك و كذا وكذا يحل على روحو جبهة

[ALGDZ]

المشاركة الأصلية كتبت بواسطة مناع

ارجعي لدار زوجك واكثري من المشاكل وكل مرة اسقطي على الارض مغمى عليك مدة 10 أيام تلقاي نفسك في دارك وحدك ,, .................................................. .................................................. .................................................. .................................................. ...................................

بفكرتك هذي تلقى روحها في غرفة الانعاش .. ما ضنش ماهيش فكرة يا اخي لان الامور فيها نوع من العقلية

[مناع]

الحل الوحيد اذا كان راجلها رغم اللي شافه ومتحركش يا اما تتخذ موقف يا اما تسكن معلهم وتسكت

[ALGDZ]

المشاركة الأصلية كتبت بواسطة مناع

الحل الوحيد اذا كان راجلها رغم اللي شافه ومتحركش يا اما تتخذ موقف يا اما تسكن معلهم وتسكت

اذا جيت انت في بلاستو مع الظروف الحتمية الي كما هو حسب ما ذكرته بموضوعها ، انت واش رايح دير ؟

[حبيبة زوجها]

انا قبل الزواج كانت عادي عندي فكرة السكن مع العايلة بصح كي جربتها وبالرغم معنديش مشاكل معاهم وكل واحد حاكم سابعه
لكن السكن بعيد عليهم احسن وتحسي بالاستقلالية وواحد مايعس فيك
ربي يفرج عليك وعلينا ويحسس زوجك بيك لانه انت لي راكي تسوفري سورتو مع الحمل والوحم

[أم احمد3]

راك در تي خطأ فادح.....خليتي زوجك لوحده...لازم تقعدي معاه..تخرجي معاه..ّّّهو منفرد لذا سيغيرون له رأيه..راك اخرجتي من الدار إخلات اعليك...الرجالة عندهم أراك كثيرة...ويقدر يستغنى عنك بكل سهولة....لن يحس بذلك إلا بعد فوات الأوان....لذا ارجعي لدارك معاه....بكل سرعة....المشكل بنحل من بيت راجلك وليس من بيت أبوك....

[ام مهدي2010]

المشاركة الأصلية كتبت بواسطة تفاحة12

ربي يصبرك اختي
ادخلي غرفة المتزوجات
بطلب الكود من المشرفات
هناhttps://www.djelfa.info/vb/forumdisplay.php?f=290

ان شاء الله تلقى الحل

[staifia]

مساء الخير أميرة وشراكي
عاش من شافك كنت حابة نشوفك و نلقاك في وضعية مليحة بصح ربي يفرج عليكـ اختي
واصبري الناس كامل تتمرمد وواحد ما لقاها واجدة ,,, لازم تسوفري شوي في الاول اومبعد يفرجها ربي
وش راح ديري هكدا جا مكتبوك ,,, اعرفي كيفاش تتعاملي معاه فهميه بالعقلية وما تنسايش بلي هادوك والديه مايقدرش يخليهم
بالعكس لازم وين يكون راجلك تكوني ,,,, وحاولي تقنعيه بحكمة ,,,, وان شاء الله ربي يفرج عليك و يسهلك وتسلكي بخير يا رب
سلاااام

[blanche rose]

بعد الزوجين عن بعضهما مشكلة
لان التدخلات تكثر
و الزوج يصبح اكثر ترددا
لا ادري بما انصحك عزيزتي
ربي يصلحلك امورك.
و اكثري من الاستغفار و التسبيح و الحمد
و صلي و ادعي كثيرا
ربي يسعدك