تكاليف الزواج ومتوسط عمر الزوجين في منطقتكم ؟؟

[asalaa]

شكرا لك
وبارك الله فيك

[toumi ali]

سلام عليكم حنا هنا في تيارت الزواج للبنت من 16ال 30سنة و الراجل من 27 حتى 40سنة والفارق بيناتهم يوصل حتى 15 سنة والمهر من 10الى 15 والذهب لازم وكاين لي يمد20 وصاي وكلش منعند اهل العروسة

[salamandal]

انا تزوجت قوة بعد ما جمعت المهر و التكاليف الاخرى و التي قاربت 60 مليون دفعتها لاهل الزوجة ثم بدات اسمع كلام من قبيل الصوف الحنة القاطو و شيء من هذا الخرطي ذهبت واخرجتها مباشرة من بيت اهلها لا عرس لا حنة لاشطيح و رديح لا خرطي و لا هم يحزنون ....امضينا اسبوع في ولاية ساحلية و عند العودة جهزت وليمة ليومين للاقارب المقربين وليس من هب ودب و الآن انا مستقر والحمد لله
بصراحة فقط شروط اهل الزوجة هي التي اتعبتني قليلا لكن لا مفر فهي شروط والباقي كامل ملغى تركت فقط ما ذكرته في اول الموضوع

[karime amrs]

تزوجت في السن 31 و زوجتي 22 سنة و المهر كان 5 ملايين سنتيم

[صمت الرجوله]

المشاركة الأصلية كتبت بواسطة karime amrs

تزوجت في السن 31 و زوجتي 22 سنة و المهر كان 5 ملايين سنتيم

ما شاء الله مهر ممتاز ,وين لقيتها هاذي خويا ..ربي يهنيك ان شاء الله و ربي يرزقنا بزوجة تراعي الضروف مثل زوجتك

[karime amrs]

المشاركة الأصلية كتبت بواسطة صمت الرجوله

ما شاء الله مهر ممتاز ,وين لقيتها هاذي خوي ..ربي يهنيك ان شاء الله و ربي يرزقنا بزوجة تراعي الضروف مثل زوجتك

شكرا اخي
زوجتي من ضواحي ولاية بجاية

[ابو سليمان10]

100 مليون فما فوق دون احتساب مشكل السكن و ما قد تشتريه من اثاث ان كنت ستسكن وحدك
السن بالنسبة للنساء الملاحظ هو تقدم سن الزواج الى ما فوق 25 ....28 سنة و حتى 29
اما الرجال يتزوج نهار يقدر يجمه راس المال...مجبر اخاك لابطل

[ابو منذر]

المشاركة الأصلية كتبت بواسطة محارب الحمق

[/size]
لحكاية هاذي تاع ناس لبويرة قالولي عليها, هو كلش مكاتيب بصح راني نخمم نديها سكيكدية او قبايلية (من البويرة على الارجح) بصح راني خايف من حكاية البعد والمسافة بين اهل الزوج والزوجة وزيد اللي تربحوا في شروط الزوجة القبايلية تخسروا في البعد والشورا (ما تحضره الزوجة الى بيت زوجها من متاع) على خاطرش لقبايلية كي تجيبها تجيبها خفيفة لا تحمل الكثير على الاقل هذا ما اعلمه عن تلك المنطقة على عكس الزواج في الشرق, لمرا كي تخرج من دارها تخرج بشاحنة مطارح وصوف واثاث واكسيسوارات[/size]

يسر الله لك اخي

لكن ملاحظة اخي الشرق و خاصة سكيكدة و عنابة معروفون بالغلو في الذهب و المصاريف
المهر عادي لا يصل لعشرة ملاين لكن الذهب يشرطو محزمة بخمسين او ستين مليون او مقايس و هي نفس السعر زوجها يجيب المحزمة و باباها المقايس او الكعس
و عي في كل الحالات غلو على الزوج و على الاهل
ناهيك عن الخطبة المكلفة جدا من خاتم لسلة الكوسميتيك و الورد و الكثير من الامور التي رايتها و في العيد كذلك ياخدون الذهب و الملابسد
عكس الغرب لا يشترطون الذهب جيب بارير يكفي او حتى سلسال و الخطبة كذلك تارت و ارواح اخطب

في الحقيقة الشرق مكلف جدا على الزوج و على الوالدين يعني الزواج كارثة عندنا نشوف في اصحابي لي كل واحد ره حاصل في روحو

ربي يسرلك و اهم حاجة يرزقك زوجة صالحة عفيفة

[ابو منذر]

المهر طلبولي سبع ملاين و الذهب محدوش مديت بارير عشرين مليون و الباقي ربي يسرها الحمد لله علما اني خطبت من الغرب و يسروهالي الحمد لله

انوي الزواج اخي و ربي يسرلك و من نهار الاول اقبل بلي عندك مش على حساب شروطهم

و ربي هو الموفق

انا كذلك لما خطبت كنت نخدم اعمال حرة بسيطة و خطبة بنية الرزق و الاستعفاف و درك الحمد لله من نهار خطبت حتى اليوم رزق يزيد و لله الحمد

و تذكر دائما في معنى حديث رسول الله من اراد الزواج بنية الاستعفاف حق على الله رزقه

[محمد جديدي التبسي]

المشاركة الأصلية كتبت بواسطة ابو منذر

المهر طلبولي سبع ملاين و الذهب محدوش مديت بارير عشرين مليون و الباقي ربي يسرها الحمد لله علما اني خطبت من الغرب و يسروهالي الحمد لله

سبع وعشرين مليون وترى أنهم يسرو لك الأمر؟؟
أم انهم لم يطلبوا شيئا وكان هذا كرما منك؟؟
اسمحلي اخي المهر الذي دفعته موظف يعجز عنه وستطول خطبته سنتين على الاقل فما بالك بعامل يومي اللهم الا اذا كان من اصحاب الحرف وشخص جاد في طلب الرزق
على العموم يجب ان لا نغالي في المهر ولو كان في مقدورنا اكرام الزوجة وأهلها لأنك بذلك تسن سنة سيئة فمثلا لو يتقدم شاب متوسط الحال لأخت زوجتك او ابنة عمتها ستطلب منها مهر يشبه مهر مثيلاتها يعني مثل ما دفعت انت او اكثر
اكرام الزوجة يكون بعد الزواج افضل منه قبله . ربي يهنيك اخي ويتم زواجك على خير.

[SAMI005]

السلام عليكم ..

[dede2000]

احنا في البرج وحسب علمي ولو يشرطو كلش مع بعضاه من 13الي 21 مليون +النعجة +الخاتم + تكاليف الاعياد والمناسبات+ الوليمة ....وزيد شومبرا ووووو علي الاقل 60 مليون
يا خوتي يا حليل لراهم مساكن مقبليين علي الزواج والله ندعولهم ربي يسهل

[dounia el amani]

العمر للرجل 25-30 و المراة 18فما فوق
نضن هكا مليحة احسن من لي يحوس على لي مخلصة لقراية و تخدم باه تعمرلو الجيب
التكاليف الله اعلم نضن كثر من 100 مليون