طوركة التفاح ممممممم

[*جوهرة الجنة*]

المقادير
:250غ فرينة؛
125غ زبدة طرية
؛2مغارف كبار سكر؛1
بيضة ،
2مغارف كبار ماء بارد؛
التزين
تفاح انا درت 2 تفحات كبار
لاصوص
بيضة
2ملاعق كبار سكر عادي
حوالي 2ملاعق كبار زبدة ذايبة
شوية قرفة
نخلطوا فرينة مع زبدة حتى تدخل زبدة في فرينة نزيد السكر نزيد البيضة لازم تخلطيها قبل متْزديها باش ميْبانش لصفر وحدوا،...
نزيد الماء نغطيها و نديرها في الثلاجة 10دقائق
نوجدوا التفاح ونقطعوه بطول رقيق قدر المستطاع
، نجبد العجينة من الثلاجة و نحلوها بالحلاَّل
ندروها في صنية مدهونة ومرشوشة بالفرينة بواسطة الفرشات نثبها مليح
نسَتَف عليها التفاح ودرتها طيب في هاداك الو قت لي راها طيب فيه وجدت
هذيك لاصوص الي هوا سر نتاعها

ديري بيضة وسكر خلطيهم مليح حتى يتضاعف حجمهم زيدي الزبدة الذايبة والقرفة و نرجعوا للتارت يكون بقا عليها 10دقائق باش يكمل طيابها نخرجها من الفور و نديرلها هاديك لاصوص لي وجدتها من قبل،ونوزعها عليها من الفوق ونرجعها للفرن ونشعللها من الفوق حتي تحمار حوالي 10دقائق وشهية طيبة
دعواتكم لي يربي يعطيلي لي راني ننتاضر فيه ولكم بالمثل