كل من تبحث عن دواء لزيادة ذكاء ابنها وتركيزه تدخل

[بعيدة المنال]

في الحقيقة هده الوصفة كتبتها اشحال من خطرة لكن في ردود على مواضيع ولتعميم الفائدة قلت نديرها موضوع هكذا كل الأخوات يتطالعوا عليها
الوصفة لا تقتصر على تنمية الذكاء بل لها كثير من المنافع منها على سبيل المثال لا الحصر :
-- زيادة تركيز الأطفال المتمدرسين خاصة وقت الامتحانات
- زيادة الوزن بشكل طبيعي
- محاربة الانيمي
- نقص الشهية
- هشاشة العظام
.
.
.
.
-(القمح + العدس + الحمص ) محمصين في الطاجين ومرحيين ناعمين + الحلبة +كمية قليلة من القرفة + كمية قليلة من الزنجبيل كذلك مطحونين ناعمين + المكسرات أنت ومقدورك مرحيين خشين وأهم شيء في المكسرات الجلجلان بشرط تكون كل المكسرات والجلجلان نيئة غير محمصة تجمعي الكل في بلارة وكل إفطار أو مع قهوة العشية تديري منهم طمينة حبيتي تاع العسل والزبدة إذا كان العسل حر و بدل العسل تاع السكر نفضل الغرس محلول في قليل من الماء تحيه حتى قريب يغلى طفي النار ودوبي فيه الزبدة يكون الغرس برد شوية ثم تحطي الخليط السابق باه ما يجيكش معجن و يعطى للكبار والصغار بالصحة والهناء طريقة التقديم انت ودوقك ممكن تديريها أشكال كالحلوى لإغراء الأطفال بها وأهم ما نذكرك بيه ما تخبريش الطفل بلي راهي دواء رايح يمتنع عن أكلها كولوها على أنها حلوى

[**افنان**]

بارك الله فيك
على الوصفة

[دائمة الشكر]

شكرًا اختي بعيدة المنال على الوصفة
عندي سؤال ممكن نديرها في عسل الحر ويأكلوا بالملعقة وشكرا مرة اخرى

[بعيدة المنال]

كيفك حبيبتي دائمة الشكر ؟؟ واش هذي الغيبة توحشناك
طبعا حبيبتي راني قلت إذا كين العسل الحر أفضل وإذا ماكانش أنا نفضل الغرس لفوائده على العسل تاع السكر أما طريقة التقديم أنت حرة قدميها بذوقك الفني لي يشهي الآكلين وبصحتكم

[ام تقوى 34]

يعطيك الصحة على الوصفة

[حبيبة امها]

بارك الله فيك اختاه على الوصفة

[ماريا.م]

بارك الله فيك على الوصفة الغنية والمفيدة
ممكن نحشي بها الشوكولا في قوالب السيليكون ونعطيهالهم في مكان الحلوى
وكاين بزاف قوالب مخصصة للأطفال

[سائلة عفو ربها]

إن كانت وصفة مجربة وناجحة فقد أفدت الكثيرات ولك الأجر...بارك الله فيك وجزاك خيرا
أنا أستعمل لإبني ملعقة زيت الحبة السوداء في كأس عصير البرتقال على الريق والزبيب أضعه أمامه كلما أراد أن يأكل يجده في متناول يده ووجدت لها نتائج فعلا...وهذه الوصفة من نصيحة للشيخ الشافعي...ربما أفرد لها موضوعا...

[kikimnarim2]

بارك الله فيك

[دائمة الشكر]

المشاركة الأصلية كتبت بواسطة بعيدة المنال

كيفك حبيبتي دائمة الشكر ؟؟ واش هذي الغيبة توحشناك
طبعا حبيبتي راني قلت إذا كين العسل الحر أفضل وإذا ماكانش أنا نفضل الغرس لفوائده على العسل تاع السكر أما طريقة التقديم أنت حرة قدميها بذوقك الفني لي يشهي الآكلين وبصحتكم

اختي بعيدة المنال الله لا يغيبك ويتوحشك الخير حبيبتي انّا عندي عسل النحل الصافي جبتو من عند الأهل بابا الله يحفظو يربي النحل وكي قطع العسل أعطاني هو نديرو دواء كي يمرضو ولادي بالسعلة ولا التهاب اللوز مع عصير القارص قلت نجرب طريقتك هذه خاصة مع اقتراب الدخول المدرسي تنفعهم بزاف وشكرا مرة اخرى على الوصفة

[بعيدة المنال]

المشاركة الأصلية كتبت بواسطة ام تقوى 34

يعطيك الصحة على الوصفة

الله يسلمك حبيبتي

[بعيدة المنال]

المشاركة الأصلية كتبت بواسطة حبيبة امها

بارك الله فيك اختاه على الوصفة

وفيك بركة حبيبتي وحبيبة أمها ربي يحفظهالك

[بعيدة المنال]

المشاركة الأصلية كتبت بواسطة ماريا.م

بارك الله فيك على الوصفة الغنية والمفيدة
ممكن نحشي بها الشوكولا في قوالب السيليكون ونعطيهالهم في مكان الحلوى
وكاين بزاف قوالب مخصصة للأطفال

فكرة رائعة وبارك الله فيك على الاثراء

[بعيدة المنال]

المشاركة الأصلية كتبت بواسطة سائلة عفو ربها

إن كانت وصفة مجربة وناجحة فقد أفدت الكثيرات ولك الأجر...بارك الله فيك وجزاك خيرا
أنا أستعمل لإبني ملعقة زيت الحبة السوداء في كأس عصير البرتقال على الريق والزبيب أضعه أمامه كلما أراد أن يأكل يجده في متناول يده ووجدت لها نتائج فعلا...وهذه الوصفة من نصيحة للشيخ الشافعي...ربما أفرد لها موضوعا...

ولك بالمثل حبيبتي وشكرا على وصفتك أيضا سأحرص على تطبيقها أيضا فهؤلاء فلذات أكبادنا يرخص لهم كل غال

[ayaranim]

مشكورة حبيبتي على الوصفة و جعلها الله في ميزان حسناتك انشاء الله
عندي سؤال بالنسبة للمقادير تع القمح و العدس و الحمص تكون متساوية؟