من فضلكم اللى عندها معلومة تقولهالى عن flying man

فرح العمر · 2012-12-09, 14:33

السلام عليكم و رحمة الله و بركاته
من فضلكم اللى عندها مشينة مركة فلينغ مان انديستريال تقولى كيفاش ركبتها انا شريت وحدة و ماعرفتش طريقة تركيب الطاولة مع المشينة
اللى عندها معلومة تفيدنى بيها و الشكر للجميع

بوعنينبة · 2012-12-10, 00:10

للاسف ما نعرفش

linda tadj · 2012-12-10, 10:13

سلام انا رانى عندى واحدة نحاول نشرحلك ركبى اولا القاعدة يعنى الرجلين نتاع الطابلة ثم ثبتيها على اللوحة نتاع الطابلة ثم ثبتى الموتور فى الثقب يلى فى اللوحة وبعد ركبى لبيدال فى لحديدة نتاع الرجلين ثم تركب مع الموتور بزوج حداد مربوطين ببولون بعد ما تخلصى حطى الماشينة نتاعك فى بلاصتها ثم جيبى لحديدة لى تركب عند الركبة ومركيلها بلاصتها بحيث كى دزى بركبتك تتحرك لبرى يعنى تعراض النفدة ونبعد ركبيها بالبولونات وفى الختام ركبى لباطة نتاع تريسيتى ارجو ان اكون افدتك ولو بالقليل سلام

فرحة العمر · 2012-12-10, 11:10

إذا ماشينتك صناعية الأفضل تشوفي واحد يخدم آلات الخياطة يركبهالك باه متركبيش الموتور غالط وتفسديها

النخبة2011 · 2012-12-10, 11:54

استعيني بمختص أفضل لسلامة الآلة
وألف مبرووووووووووووووووووك

archi06 · 2012-12-20, 15:07

من المفروض يلي يبيع الماشينات هو يركب هالك

مـــيار · 2015-12-18, 12:54

اخواتي هذي الماركة مليحة ولا ؟
لقيت وحدة حابة نشريها و مترددة انصحوني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري