تحضيرا لرمضان ان شاء الله

[أم شاهين]

مساء الخير
ربي يبلغنا الشهر الفضيل يا رب ونصوموه بالصحة ولهنا بصح انا من نظري لازم نوجدولو من درك ربحا للوقت وتوفير الوقت والجهد للعبادة
بديت بالطماطم رحيتها وطيبتها وقسمتها ومازال نزيد نوجد شوية ونقسمها في الصاشيات الصفر
شويت الفلفل وقطعتو وكمية من الحار قليتو ودرتلو زيت وخل وملح وحطيتو في بلارة زجاج
شريت الثوم مازال ما قشرتو والقارص مازال ما عصرتوش ومازال ما شريتش لفريك للشربة
شريت الجلبانة فصصتها وغسلتها ودهنتها بالزيت وحطيتها في لي ساشي وشريت شوية نتاع الدجاج نقيتو وقسمتو
ما عرفش طريقة لحفظ السلق لي تعرف فيكم تنورني
وبارك الله فيكم

[Rati Ne]

المشاركة الأصلية كتبت بواسطة الريفية

كل وحدة كيفاش وحسب الظروف
انا مثلا وجدت عصير الليمون و البرتقال والباقي نحب كلش جديد
وزيد عايلتي ماتكلش بزاف في رمضان ربي يبلغنا صيامو ويتقبل منا عبادته

سلام اختي حبيت نسقسيك كيفاش درتي الليمون عندي منو وراهو يفسدلي

[smahi_hb]

المشاركة الأصلية كتبت بواسطة هبة الله26

ولا رد 61مشاهدة ولا حياة لمن تنادي شكرا للجميع والله تفاعل كبير منكن

ما دام لا توجد ردود وخاصة ان شهر رمضان الكريم على الأبواب ، هذا يعني أن كل واحد داير حسابو واش ياكل في هذا الشهر:

.
.
.
.
.
.
.
.
.
.
.
.
.
.
.
.
.

[أم شاهين]

اختي rati ne نقوللك على طريقتي في حفظ الليمون حتى ترجعلك الاخت لي سالتيها انا نغسلو مليح ونبرشلو لقشور نسحقهم في القاطو ولا بسبوسة ولا ومن بعد نعصرو ونحطو اما في هادوك لي كاري نتاع لفريجيدار ولي يبقى عصير نفرغو في زجاجةمن بعد كي يجمدو نحطهم في ساشي ونزيد نحط من هاديك الزجاجة مرة اخرى وهكا حتى نخلص كمية العصير
ودرك لقيت فكرة عملية خير وهي اني نلم لي بوات نتاع بتيسويس نغسلهم مليح ونحط فيهم وبنفس الطريقة غير يجمدو ننحيهم ونحطهم في ساشي كل ما نسحق نجبد قيس ما نسحق
ان شاء الله نكون افدتك

[ام حمزة22]

https://www.djelfa.info/vb/showthread.php?t=1618760
السلام عليكم
اختي الكريمة انا ما نحضرش نخلي كل يوم وبراكتو
وهاد الرابط للمشرفة الغالية فيفي ان شاء الله يفيدك
تحياااااتيييييي

[Rati Ne]

المشاركة الأصلية كتبت بواسطة أم شاهين

اختي rati ne نقوللك على طريقتي في حفظ الليمون حتى ترجعلك الاخت لي سالتيها انا نغسلو مليح ونبرشلو لقشور نسحقهم في القاطو ولا بسبوسة ولا ومن بعد نعصرو ونحطو اما في هادوك لي كاري نتاع لفريجيدار ولي يبقى عصير نفرغو في زجاجةمن بعد كي يجمدو نحطهم في ساشي ونزيد نحط من هاديك الزجاجة مرة اخرى وهكا حتى نخلص كمية العصير
ودرك لقيت فكرة عملية خير وهي اني نلم لي بوات نتاع بتيسويس نغسلهم مليح ونحط فيهم وبنفس الطريقة غير يجمدو ننحيهم ونحطهم في ساشي كل ما نسحق نجبد قيس ما نسحق
ان شاء الله نكون افدتك

شكرا جزيلا اختي طريقتك عجبتني بزاف يعطيك الصحة و راني عملت بيها وفعلا افدتيني ربي ينورك اختي ام شاهين

[Rati Ne]

فيما يخص تجميد السلق ا كنت فيما سبق نجمدو لكن نصحون بعدم تجميده لانه يتاكسد و يصبح ضار بالصحةوالله اعلم انا كنت نغليه و نقطرو من بعدفلي صاشي دو كونجيلاسيون