طريقة أكيدة لتصبحي ربة بيت سعيدة - الصفحة 15

ام شمسو محمد · 2017-01-04, 15:41

الدقيقتين تاع المساء أقترح أنهم يكونو في المكان اللي يفرغو فيه جيوبهم و يحطو كواغطهم و حوايجهم :
_طاولة المدخل .
أو
_طاولة الطعام.
أو
_طاولة المرآة
أو
......
بالنسبة ليا طاولة المدخل.
الهدف في هاذو الدقيقتين أنك تزيلي الفوضى و ترتبي المكان .
باش تكوني سريعة طبقي قاعدة : الفرز : رمي ، صدقة ، حفظ .
لحوايج اللي يترماو أو يتعطاو تخلصي منهم بسرعة و اللي يتحفظو إلقاي لهم مكان فورا .

ام شمسو محمد · 2017-01-04, 15:46

حبيبتي سيي نتوما ربحتو نهار زيادة ، كملي ديريه في المدخل أو شوفي أي منطقة ساخنة عندك برديها نهار الجمعة ، حنا اللي ممكن ما يكفيناش الوقت ،لكن مش مشكل إذا ما كملناش هاذ الشهر ، للشهر الجاي ان شاء الله.

Sii · 2017-01-04, 15:48

اوكي حنونة ان شاء الله ساعود بعد تطبيقي للعشرين الدقيقة ان شاء الله

om wafaa · 2017-01-04, 16:07

مررررررررررررررررررررررررررررررررررررررررررررررررر رررررررررررررررسي

ام هزار · 2017-01-04, 16:15

السلام عليكم حبيباتي و رحمة الله تعالى و بركاته
اختي ام شمسو .. جزاك الله خيرا على مبادراتك الطيبة . و شرف لي كبير ان اكون ضمن هذا السرب المخضرم . فقط نقول حاليا لا يمكنني الاشراف على الدورة لاني عاملة و هذا تقريبا ياخذ مني نهاري كلو . و مع هذا ساكون معكن قلبا و قالبا . و اساهم قدر الاستطاعة في الدفع بهذا الركب الى المزيد من التالق و الابداااااااع رفقة اخواتي الرائعات . دمتن جميعا متالقات

حياتي كلها امل · 2017-01-04, 18:24

السلام عليكم شكرا لك ام شمسو على المبادرة الطيبة والراءعة وان شاء الله نكون كلنا معا على الدرب الصحيح يارب

Sii · 2017-01-04, 19:59

صح عشاكم جميعاااا بدون استثناء
طبقت 20د في الدخل مسحت خزانة الاحذية جيدا ورتبت الاحذية و مسحت مفاتيح الكهرباء و الانترفاون و شوفاج وغسلت تابي غدوة نكمل الباقي باذن الله
وشكون لطبق اليوم يرفع صبعو هههههه نضحك معاكم

ام شمسو محمد · 2017-01-04, 20:50

مساء الخير سيي ،أنا ثاني طبقت مسحت الضواو و القفالي ، رتبت و نظفت لبلاكار ماعنديش بزاف ملي بردتها ، نظفت الأبواب ،غدوة ان شاء الله نغسل الفايونص و الأرضية

ام شمسو محمد · 2017-01-04, 20:58

نذكركم بروتينات الصباح و مهمة الغد " بإذن الله " :
_إبدئي يومك بالقرآن و بذكر الله .
_إمنحي نفسك لحظة جمال كل صباح .
_رتبي السرير .
_نظفي الحمام .
_تفقدي الغسيل .
المهمة : تنظيف المدخل لعشرين دقيقة .
لاتنسي المبادئ المريحة للعمل المنزلي :إعملي بسرعة ،لا تتركي شيئا وراءك ،نظفي و أعيدي ما تستعملينه إلى مكانه ، مكان لكل شيء و كل شيء في مكانه.....

Sii · 2017-01-04, 21:38

شكرا على التذكير ام شمسو
غدا ان شاء الله تصبحون على رضا الله
سورة الملك والنوم على وضوء
سلااااااام

غزالة1 · 2017-01-04, 21:43

السلام عليكم
بارك الله فيك اختي ام شمسو على المبادرة الا انو اقترح انو و ان كنا في استضافة فراشة هذا لا يمنع انو الاجابة على التساؤلات تكون للجميع يعني التي تدخل. و تكون عندها الاجابة تجيب و هذا لهدف واحد و هو التخفيف على الفراشة المضيفة لانو المهام الاخرى راح تاخذ منها وقت و مجهود

غزالة1 · 2017-01-04, 21:47

الاخت سي راكي نجيبة و ناشطة طبقتي مباشرة
انا لم اقرا الاقتراح في النهار لكن سابدا غدا باذن المولى عز وجل

ام صفصف · 2017-01-04, 21:52

مساؤكم سعيد يا فراشات المنتدى
نبدى بالوافدات الجدد،نقولهم مرحبا بكم فائدات ومستفيدات
حبيبتي سيي بشوي على روحك، ربي يسهلك ويسلك على خير.
حبيبتي ام شمسو،بارك الله فيك على المجهود والوقت،ربي يجازيك عنا كل خير، بالنسبة لفكرة التناوب الشهري،فهي فكرة رائعة،وكما قلتي كلنا لنا التزامات ومسؤوليات ومشاغل،وبما ان لنا هدف واحد فعلينا التعاون ، وبذل المجهود للوصول الى مانريد.
اما عن بداية التنظيفات فقد جاءت في الوقت المناسب.

mariamalak · 2017-01-04, 22:20

السلام عليكم واش راكم حباباتي شحال فرحت باللمة اللي راكم فيها اسمحولي عذا وين شفت الموضوع كنت مشغولة نحاول نقرا بعض الصفحات و نلتحق بيكم ان شاء الله اذا تقبلوني طبعا هههه
احبكم في الله

أريج13 · 2017-01-04, 23:16

السلام عليكن
سعيدة بتواجدي مع هذه المجموعة النشيطة و ان شاء الله سابدا التطبيق من الغد
ام] شمسو جزاك الله خيرا على الاستضافة فكرة روعة
سي ربي يقدرك ويسهل عليك
مرحبا بكل المشتركات الجديدات ان شاء الله نرتقي مع بعض
ليلة مباركة و سعيدة