svp urgent

[cerinecerine]

recette besbas

[ام سراج وملاك]

اختي فهمينا وشمن وصفة تحبيها كاين وصفات بزاف نتاع بسباس

[nina.imy]

السلام عليكم اختي لعزيزة نعطيك اروووع واشهى طاجين البسباس انا موالفا نديرو في الدار والعائلة يحبوه بزاف نحتاج الى

5 حبات بسباس النوع المدور ماشي الطويل
لحم او دجاج
حبة بصل مرابية
كمية تاع زيتون اخضر على حسب عائلتك انا عيني ميزاني
سنينات توم مرابي
ورقة رند_ملح _ فلفل اسود_كركم_وسكنجبير _مغرف فرينة_زيت
طريقة التحضير

اولا نحطو الزيتون يغلي في الماء باش تنقصلو الملوحة ونكرر العملية 3 مرات والمرة الاخيرة نغليه مع ملعقة سكر

في قدر نقلي البصل والتوم في الزيت مع اللحم و التوابل والملح ثم نمرقها ونضيف حبات البسباس المقطعة الى اربعة الا كانت صغيرة على زوج ملاحظة فقط عندما نمرقو منكتروش الماء بزاف لان البسباس يطلق الماء عند الطياب نغطيو عليها ونخليوه اطيب
بعد ما اطيب اللحم والبسباس وتنقص المرقة تاعو نحلو مغرف فرينة في شوية ماء ونضيفوه للمرق ثم نضيفو الزيتون في الاخير ونخليوه تغلي شوية ونطفيو عليه لازم المرقة متكونش بزاف تكون شووية وخاثرة
عند التقديم يرش عليها القصبر و نعصرو عليه شوية تاع قارص

ملاحظة اذا طيبتيه باللحم لازم حتى يطيب عاد نحطو البسباس يطيب لانو ميطولش في طيابو اما بالنسبة للدجاج نطيبوه معاه عادي

راه يجي بنييييييين بزااااف