في عشنا و ينشنا

[رجاها 22]

السلام عليكم ورحمة الله تعالى وبركاته


هده الفترة في بيتنا معضلة

الله غالب ممكن عيب علييا اللي راني نقول فيه ولكن حقا معضلة اشكالية صعبة الحل

في بيتنا ضيفة غريبة عنا
اكيد الكل سيقول لي اكرام الضيف واجب وهدا امر لابد منه والحمد لله نحن نقوم بالواجب قدر المستطاع
لكن لما تكون هد الضيفة وقحة و غير محترمة الامر صعب صعب التاقلم مع هكدا فتاة
* اختي ضيفتك لاتحترمك (تتكبر عليك وانت في دار والديك )
* تفتش احيانا اغراضك الخاصة دون علمك طبعا (حقيبة اليد الخزانة الهاتف ..)
* تسالك عن ادق تفاصيل حياتك الخاصة وادق ادق ادق التفاصيل
* عند اجتماع العائلة تحشمك وتتكلم بلمعاني وتشوف فيك (اكيد انت متاكدة ان كل تلك المعاني تستهدفك) تحب تخرجك للعيب بسسسييييف اااه والله استغرب
.............
صرت اشعر انها تراقبني
لا اعلم ما اقول اكتب الان وانا مضغوطة لانه في اي لحظة قد تاتي فقد صارت تشاركني في كل شيئ وهدا لايعجبني فاقرب الناس الي كابنة خالي او ابنة عمتي لا يفعلون ما تفعله هده الضيفة

والله اخوتي مليت خصوصا اني في فترة امتحانات وهدا عامي الاخير تصرفاتها وترتني بزاف وقاحتها تدخلاتها في شؤوني الخاصة زادتلي المرض
بت اشعر ان المثل القائل ( في عشنا وينشنا ينطبق علي 100/100)


انتم يا اعضاء المنتدى هل عانيتم يوما من هكدا ضيف
ما قولكم في تصرفاتها مع انه لم استطع كتابة الموضوع بشكل لائق لكن اظن فكرته وصلت والله انا متوترة بسببها وخائفة انفجر بوجهها فاقامتها ستطول نوعا ما عندنا
تفاعلوا تفاعلو ا

[mohamed160]

شكران الاخت على الموضوع الرائع حوزيها هههههههه

[sofienesofienedouaa]

يا أختي قوللها بكل صراحة ريحي بعيد عليا وإذا مافهمتش حاوزيها بكل بساطة ويصرا اللي يصرا

[BAROUD]

اخلاص لازم تصبري زيادة

لانو في كل عش تخرج بيضة مارجة

[yassine kobi]

بسم الله الرحمان الرحيم

موضوع في القمة وهو يعالج قضية مهمة أعطاها الإسلام أهمية أما الضيف قليل الأدب غير الرغوب فيه لازم نوضعله حد .شكرا

[djfr]

ربي يكون في عونك

[رجاها 22]

المشاركة الأصلية كتبت بواسطة mohamed160

شكران الاخت على الموضوع الرائع حوزيها هههههههه

شكرا عى مشاركاتكم
لكن اخي راه صعيب تحاوز الضيف + لو كان الامر بيدي منستقبلهاش من اليوم الاول (لاني نعرف واش في نيتها وكلنا نعرفو فالدار لكن ماباليد حيلة هناك ظروف تجبرنا على استقبالها ) بارك الله فيك

المشاركة الأصلية كتبت بواسطة sofienesofienedouaa

يا أختي قوللها بكل صراحة ريحي بعيد عليا وإذا مافهمتش حاوزيها بكل بساطة ويصرا اللي يصرا

والله ماقدرت جاتني عيب كبير نقوللها ريحي بعيد عليا مباشرة كي كترت من وقاحتها معي شنفت في وجها و احيانا كي تهدر منرجعلهاش ولا نخبط اللي كان في يدي اعلم جيدا انها تتقصد تلك التصرفات
اما باه نحاوزها ارواحي حاوزيها ربي يعيشك انا منقدرش

المشاركة الأصلية كتبت بواسطة baroud

اخلاص لازم تصبري زيادة

لانو في كل عش تخرج بيضة مارجة

راني صابرة متحمله وساكته اما البيضة المارجة اظن راح نكون انا هيا لاني قد انفجر في اي لحظة والعيب يرجع كلو فيا

المشاركة الأصلية كتبت بواسطة yassine kobi

بسم الله الرحمان الرحيم

موضوع في القمة وهو يعالج قضية مهمة أعطاها الإسلام أهمية أما الضيف قليل الأدب غير الرغوب فيه لازم نوضعله حد .شكرا

شكرا الموضوع في القمة بتفاعلكم
هناك ضيوف لا اشك انه يمكن وضع حد لهم متل مده الضيفة بالدات
شكرا

المشاركة الأصلية كتبت بواسطة djfr

ربي يكون في عونك

اللهم امين يارب العالمين

[ترب الندى]

كل انسان يفرض اسلوب تعامل غيره معه

[خولة 96]

انتي تاني اصبري

[مريم الصابرة]

السلام عليكم اختي
اواه راكي كيما انا ما نصبرش على هكذا عباد تقلقني نحاوزها الضيف عندك واجب تقيميه تضيفيه يبقى إذا حب طول الدهر لكن يلوم حدو
مرة كانت بنت خالي صغيرة عليا عندنا جاتنا ضيفة
تخيلي تنوض فالليل تهدر فالتلفون ويمى تصبح خدامة وتقهقه وتضحك فوتنها نصحتها قتلها عيب وراكي صغيرة واخطيك نرمالم ما سمعتنيش
رجعت تفتشلي صوالحي وتهدر عليا تحرش يمى عليا سمعتها بوذني في دارنا
عمرت عمرت قلبي خليت يمى راحت للخدمة نضت مع الصباح القرمود طاير شربت قهوتها كالعادة جات راحا للبرتابل تعطي قتلها ايا طيري لداركم خفي
ايا روحي خلعتها قتلها وهذا الباب تنساي جدو ضرك طيري لدراكم جايا لدارنا ودايرة عليا عزريل ايا برا حوازت جدها تهنيت منها كي نتفكرها شعري يشيب
كاين عباد ما يحشموش الله غالب
من ٍاي زيديها شويا وحطي منها العين طيري فيها اهدري بزعاف تفهم روحها ما فهمتش خلي حدها حوازيها بالناقص

[la princesse]

لوكان برك قلتيلنا صلة القرابة بيناتكم وما فهمتش عارفينها صامطة واكيد عارفة روحها ثقيلة وماهوش مرغوب فيها هادي وقاحة قولولها تشد سابعها كما يقولو ولا قولوها لامها
اما اذا كانت زوجة خوك مثلا الموقف صعيب صراحة ونورمالمو والديك يدخلو
الله يفرج عليك

[رجاها 22]

المشاركة الأصلية كتبت بواسطة ترب الندى

كل انسان يفرض اسلوب تعامل غيره معه

صحيح كلامك لكن الامر معقد بعض الشيئ مع هده الفتاة على كل مشكورة و رسالتك من هدا الكلام وصلت بارك الله فيك

المشاركة الأصلية كتبت بواسطة taha kaira

انتي تاني اصبري

يا اختي والله للصبر حدود + ماشي غير هيا اللي قعدلي نصبر عليها لكن مابليد حيلة راني صابرة
بارك الله فيك

[رجاها 22]

المشاركة الأصلية كتبت بواسطة مريم الصابرة

السلام عليكم اختي
اواه راكي كيما انا ما نصبرش على هكذا عباد تقلقني نحاوزها الضيف عندك واجب تقيميه تضيفيه يبقى إذا حب طول الدهر لكن يلوم حدو
مرة كانت بنت خالي صغيرة عليا عندنا جاتنا ضيفة
تخيلي تنوض فالليل تهدر فالتلفون ويمى تصبح خدامة وتقهقه وتضحك فوتنها نصحتها قتلها عيب وراكي صغيرة واخطيك نرمالم ما سمعتنيش
رجعت تفتشلي صوالحي وتهدر عليا تحرش يمى عليا سمعتها بوذني في دارنا
عمرت عمرت قلبي خليت يمى راحت للخدمة نضت مع الصباح القرمود طاير شربت قهوتها كالعادة جات راحا للبرتابل تعطي قتلها ايا طيري لداركم خفي
ايا روحي خلعتها قتلها وهذا الباب تنساي جدو ضرك طيري لدراكم جايا لدارنا ودايرة عليا عزريل ايا برا حوازت جدها تهنيت منها كي نتفكرها شعري يشيب
كاين عباد ما يحشموش الله غالب
من ٍاي زيديها شويا وحطي منها العين طيري فيها اهدري بزعاف تفهم روحها ما فهمتش خلي حدها حوازيها بالناقص

والله صح عليك فاللي درتي لوكان غير نقدر نعمل نفس الشيئ ونحاوزها لكن الامر مش بيدي واللي راني حكيتو قليل مع واش راهي تعمل وحتى انها تتكلم كلام نحس انها تهددني ببيه انت تحرش فيماك عليك وانا تحرش في عمتي غير ملتحت للتحت اللي مفهمتوش علاه راهي اتالب فيا احيانا نقول راهي حابا تشوهلي صورتي امام عمتي لانها اي شيئ تعرفو عليا تبدا بلمعاني والنظرات الساخرة مفهمتش وين راهي حابا توصل

المشاركة الأصلية كتبت بواسطة la princesse

لوكان برك قلتيلنا صلة القرابة بيناتكم وما فهمتش عارفينها صامطة واكيد عارفة روحها ثقيلة وماهوش مرغوب فيها هادي وقاحة قولولها تشد سابعها كما يقولو ولا قولوها لامها

اما اذا كانت زوجة خوك مثلا الموقف صعيب صراحة ونورمالمو والديك يدخلو

الله يفرج عليك

مافيه حتى صلة قرابة بيني وبين هد البنت راهي امها صديقة عمتى فقط وحنا رانا مخليينها تقعد عندنا لانها محبتش تبعد على عمتى وين تروح تكون معاها على جال مصلحتها حابا تبروفيتي فقط اما والديا راهم ساكتين على وجه عمتي فقط
والله احترت فواش نعمل يا ناس معلباليش شحال مزال نقدر نصبر

[عائشة07]

السلام عليكم
اختي انصحك بان توضحي لهذه الضيفة بكل هدوء وصراحة بان تصرفاتها تضايقك فلا يوجد احسن من الصراحة واذا بقات على حالها فصارحي والدك باشارتك لدراستك والمذاكرة فلا يجب ان تكوني مشغولة بغيرالمذاكرة هكذا سيساعدك في وضع حد للمشكلة
وما تحوزيهاش لان هذا لا يجوز في حق الضيف وفي حق عمتك اتركي هذا لوالديك هم يعرفو كيف يتصرفو.
بالتوفيق

[هيا الجزائر]

أخـتي هآته الضيفـة قليـلة الأدب
و هـي إذآ تجآوزت حدُودهآ معكـ فعليكـ بمُوآجهتهآ

لآ تقُولـي أنكـ حشمتـي منهآ
فهـي لمـ تستح أيضاً

أنا الحمـد لله لمـ أعآنـي من هذآ الموقف
يخآفونـي ههه