فطت روحي شايشة من اتنباط *********** فرفرقلبي كاللي مطلوق اسراحو
حسيتو معصور جا من صدري فاط ********* كاللي راجع صاد يحنن لمراحو
حال اللي يهمص عالشوك بلا سباط ********احليلومخطوف عقلو ودر اصلاحو
ركب مزني دار سحاب بلا تحطاط ********** دك اركايز شور المرسم طاحو
يا و خذي اسواد كافو يا عياط *********** و جار عليا كي الجاهل بسلاحو
ماضنيت ابعاد الزايخة يعود اقناط ********** بحر هواها هاج بمواجو لاحو
يا حصراه! أيام فيها قلبي حاط *********** متهنيي كيفاش... طايربجناحو
و اليوم اشهيلي راه علينا ساط***********غربي لافح راه موذي بارياحو
صدري ضاق و حاس قلبي زرياط********وفاضو عينيا بدموعهم عني ساحو
غرامك يا زايخة ما عرفوه ارهاط******** ما حسوه اجيال ولا بسرارك باحو
كامي سرك في داخلي ماني لغاط********* حين اعشقتك واه اجوارح راحو
أبعدك عني كل شي راه اسماط **********فكري و اعظايا من غيرك جاحو
هايم مسركب في المقاسم عياط********* وانلولب مجنون كاللي امودرمفتاحو
امغيم سكران ولا وسط أحواط ********* امنشبني جني طيار واعر بارماحو
لالي حاكم افقيه يعرف لتسواط ********* داري بالعلوم الخافية يفك اسراحو
يا قلبي من وجعك راني قماط***********ماني طايق للصبر حنضل باملاحو
الله لالي طبيب ألجرحي خياط ***********ويصأسل مشعال من الكبدة لاحو
خيالك في داخلي عنو لهباط *********** وسوسني يا قاهرة و كثر تنباحو
ابعد وكرك بينا و بينو لخراط***********لالي كاسح فنظرتو طاير بجناحو
يرفدني و يطير بيا ماهو حاط ********** ايفاجي عن ضباب عينيا يصحاحو
أنشف ريقي يازينة ارمقة شاط********** غير انشوفك تهدى لخواطر يرتاحو
يسعد شوفك ياريم اللهبا نطاط *********** و نتفاجى و يزول ذالغيم اوشاحو
يا شومة في حبها ماني فراط *********** واش فراكم في الحديث و تلماحو
وكل واحد يلهى بروحو يا سماط*********** ما شاورتوني ما قتلكم ارواحو
نمرمد روحي في ربيعك بالتخلاط ********* و نغنم حسن لياس بزهارو فاحو
مشمومك دقول راهب من لقباط ********* اخيالك و شوايرو ع العين تلاحو
قدك يا زايخة ما نقولش مطاط************وصدرك للملهوف يشهي تفاحو
يا ليعة و غرامك راه عني ساط********** واسجن قلبي جور واكثر تنواحو
وارماني في برور طايرها وطواط********** وين احنانة قلبك وين اسماحو؟
اقهرتيني كاللي عاقب ع السيراط ********** و سجانك قاسي عليا بسلاحو
دخلتيني في بحورك بلا تشراط*********** اقفلتي بابك و درقتي مفتاحو
ما شفيتك فكي عليا ذالترباط *********** ارصدتيني في غرامك و اجماحو
عدت انهاذي وانهوم في لرباط*********** تايه كي المهبول وافكاري راحو
نحس قلبي دقول مشدود بلقاط***********واضراري قيس التماسي يكساحو
اعفارك اصعيب فيه سبع اشواط********** ما طقتش رنديت مصعب تكواحو
جرحك يدمى ماشفى ديما نفاط ********** كي فصل الخريف يدمى بجراحو
ساهر باكي نبات ليلي لهاط ************ و محماح الكبدة ماحرش تنواحو
شيطانك امشوم شاطر فتنقاط *********** املكني عنتير حبك واعر سفاحو
حشمتك بالله انهي ذالبطاط************** ما قلتي مسكين كثرت اقراحو
قلبك قاسي كاللي رافد مسواط************ وما دار امزيات للخير أملاحو
يا محبوبي محبتك عادت تسماط***********جافيتي بلا سباب وسبابك طاحو
ما عندي عقار يرصد ذالعفاط ***********يبعدني يا خاوتي يقضي اصلاحو
بهدلني هواها ماعادش حاط ************شفى ذالعديان و انسيت افراحو
اردمني في القبر حط المقاط *********** نسمى مرحوم فاني واهلي ناحو
ما نسمح لك قد ماحاط و ماط************ وذنوبي راهم قاع عليك اتلاحو
نوكل عنك خالقي ماكادو مهباط*********** ما يبهدل موحال حاضي مداحو
نتمنى اتنور حالتي في لغواط*********** وتسعد ايام القوال وتزيد ارباحو
مول العهدة وين جميلك ياخراط********** و كمل خيرك بالنصايح يفلاحو
أمليلو ذوك القراير أولصماط*********** ابدعوات الخير في اجنانو فاحو
بجاه الأنبياء والرسل كامل تلقاط *********مع الصلاح و الأوليا واللي راحو
هذا حد روايتي هذا ما خاط************* شاهي زورة للنبي يا سراحو.
آميييييييييييييييييييييييييييييين.
تمت بقلمي medcherif03 و شكرا.
( تقرير عن مشاركة سيئة )، و الموجودة أسفل كل مشاركة .
2016-02-12, 15:23
يا همي
العرض العادي
