بدرون قطعة واحدة تلبيتا لطلب غاليات المنتدى

[ام حمزة22]

السلام عليكم ورحمة الله تعالى وبركاته

اخواتي الكريمات كنت درت موضوع من قبل نتاع البدرون وحطيت صور المراحل لاكن باش نحط شرح المراحل مالقيتش ايقونة التعديل جربت شحلل من طريفة بصح ما قدرتش ندخل لصور لوضع الشرح
مالقيت غير هاد الحل ان نعاود الموضوع وامري لله سبحانه وتعالى

وهدا الرابط نتاع الموضوع السابقhttps://www.djelfa.info/vb/showthread.php?t=1807969
قبل ما نبدا اشرح المراحل نقلك سيدتي الكريمة لازملك قماش قد طولك 2مرات


في هاد المرحلة نبداو بطي القماش بالطريقة لي راكم التشوفوا فيها بحيت لي طويناه يكون الكتفين والوسط خليناه لرقبة
هنا لي عملناه فالمرحلة الاولة نزيد نطويه على 2 لنضع جهة الكتف على الكتف الاخر
هنا نفصل الكتفين والرقبة والكمين مثل ماراه مبين فالصورة وطبعا الابعاد لي تحدديها انت بعد ما تقيسي طول الكتفين ودائرة الرقبة وطول دائرة الكم من الابط حتى للكتف نعطيك ملاحضة الا حبيتي الكم شوية طويل ما تنقسيش منو شقي فتحة قيس ما دخلي اليد وخلاص او تحبي زيدي طرف صغير حوالي 6او 7سم هدا للكم
هنا نفتح القماش نتحصل على اعلى البدرون
نخيط الكتفين
هاد المرحلة تبين الجهة التانية من البدرون نخلوه على حالو ما نقصوش العرض نطويه على 2 ونفصل وفالطوية نحبط ب6سم ونقطع الزائد مثل ماراه مبين فالصورة
نفصل الطرف الاعلى لصدر








هاد المرحلة والمراحل لي فاتوا تبين كيف نخيط اعلى الصدر وكيف ندخل شريط لاستيك في القطعة لي راه تساعد باه يتبث البدرون كما انك تقدري تستغناي على طريقة لاستيك تبدليها بشريط من القماش لاكن انا نشوف ان هاده الطريقة هي الافضل باه تضمني ان اعلى البدرون ما يزلقش وما يتحركش من بلاصتو
هاد المرحلة تبين كيفية وضع القالون على البدرون انا درت لي عندي فالارشيف باه نوريلكم الطريقة وهي نقلب القماش وكانك تعملي لوغلي لاكن بالمقلوب ونحط عليه القالون
وهدا الحزام ان شاء الله الصور تكون واضحة




اخواتي الكريمات ان الشاء الله الشرح يكون مفهوم والا ما فهمتوش شرحي انا بالخدمة لاي سؤال
ان شاء الله ما نسيتش وماغلطش في اي شرح لاني بعد ارسال الموضوع لا وجود للايقونة لتعديل ماوضعت
تحياتي للجميع