ألغاز جد صعبة

[أحلام]

السلام عليكم

هذه الألغاز من الثرات الجزائري القديم الشاوي
أتمنى أن اكون قد وفقت وتخدموا راسكم


1-باب الشفشافة دخل من باب خرج من ثلاثة؟

2-شجرة رحراح هبة عليها الأرياح كل عام تطيح ورقة؟؟

3-هايشة جات من الجبل مطايشة فيها فمين و 14 عين؟؟

4-على عمي سخسوخ الوسخ في كتافو هو ما يولد و يمد في بناتو؟

5-تبدأ بالسين وعندها (6) ست عينين هي ميتة ورافدة الحيين؟؟؟

6-طولو طول التكة نقشوا كي نتخالف شكون يعرف عارف بن عارف ويحل هذ اللغز الشارف؟؟ التكة هي طريق السكة الحديد

7-تبدأ بالسين والسين سلسلة قديمة 8منها في الشمس و12 في الظل ديما؟؟

8-جماعة في حانوت اللي يخزج منهم يموت؟؟؟

9-سعد سعودها الوردة تفتحت من غير عودها؟؟؟

10-اجبدو من شنايفو ودز طويلك فيه؟؟؟

بالتوفيق (كيما في الامتحانات ههههههههه)

[YACINO2006]

1-القميص
2-العمر
3-الخشبة
8-الكبريت

[aniss_kattou]

يعطيك الصحة احلام على الالغاز التراثية

بصح راه جاري تحميل الاجابات

[أحلام]

أخي ياسين الكبريت صحيح و القميص تاني
الباقي اعد المحاولة
أنيس واعرة أحلام ههههههههههههههههههههههههههه

[أحلام]

اذا فشلتم اطلبوا الحل سأقدمه لكم

[mahfoud]

صعبة
في إنتظار الحل

[hamidi hachemi]

1- القميص
3- الناي
5- السفينة
6- لفليج
8- الكبريت
10- الشكوة

[أحلام]

القميص والكبريت صحيح
لفليج مانيش عافة ماهي
لكن أظن خاطئ أعد المحاولة

[aniss_kattou]

1= القميص
5 السفينة
8 الكبريت


+++++++++++++++ ممكن تحدفي 7 الباقيين؟

[أحلام]

القميص قالوها الكبريت قالوه ماجبتش الجديد ههههههههههههههههههههههههههههه
الباقي هو الصح

[hamidi hachemi]

رقم 3- الخشبة التي تستعمل فى النسيج

[أحلام]

صحيح أخي هي السداية المستعملة في النسيج
حاول لايجاد الباقي

[هاوي تصميم]

السؤال 9 اعتقد أنها الشمس

[أحلام]

نعاونكم شوية
2-مناسبة تحل مرة في السنة وراهي قريبة
4-يستعمل في المطبخ
5-تستعمل لحيوان
6-حيوان
7-في جسم الانسان
9-شيئ يستعمل في الزينة عند العرب خاصة وهي نبتة
10-لباس

عاونتكم بزززززززززززززززززززاف
انتظر الحلول ولازم تكون صحيحة هههههههههههههههههههههههههههه

[الحمريطي]

محاولة اتمنى ان تكون صحيحة:
1/ القميص
2/ رمضان
3/ السداية
4/ الكانون او الموقد
5/ السرج
6/ الحنش او الثعبان
7/ الاسنان
8/ علبة الكبريت
9/
10/ السروال