باتيسري بثلاث نكهات من مطبخي وبطريقتي الخاصة - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

باتيسري بثلاث نكهات من مطبخي وبطريقتي الخاصة

إضافة رد
 
أدوات الموضوع انواع عرض الموضوع
قديم 2013-02-25, 16:24   رقم المشاركة : 1
معلومات العضو
ninafret
عضو مبـدع
 
إحصائية العضو










B10 باتيسري بثلاث نكهات من مطبخي وبطريقتي الخاصة

السلام عليكن اخواتي وكيما وعدتكم بالجديد من مطبخي حبيت نقدملكم باتيسري بطريقتي الخاصة فاني وفراز وشوكولاوحبيت نقدمو بصفة خاصة للاخوات اللي يسكنو شوية بعيد على البلاد ومرات يسخفو يشربو قهوة العشية مع شوية باتيسري ومايصيبوهش في المحلات اللي جنبهم وزيد سعرو مرتفع بزاف وممكن توصل الحبة الى 100دج وقادر يكون قديم ولا ماشي خفيف المهم اليوم نقدملكم طريقتي وراح تلقاوها ساهلة ساهلة بزاف وزيد اقتصادية وماتتعبكمش علابالي تحبو الساهل نخليكم مع الدرس وراني عملتهولكم بالتفصيل الممل صورة وصوت قصدي صورة وكتابة هههههههههههههههه

لتحضي الجينواز
في صحن حطي 2بيضات+نصف كاس سكر وقرصة فاني


اشريو نتاع الميزان مافيش احلى منها عن تجربة خبطيهم مليح مليح بالباتور حتى يتضاعف حجمهم ويبياض زيديلهم نصف كاس زيت وزيدي خلطي مليح


وزيدي كاس ونصف فرينة مغربلة مع كيس +قرصة خميرة الحلوى وماننساوش قرصة ملح خلطي بملعقة الخشب تتحصلي على خليط ثقيل





زيديلو نصف كاس ماء دافي ماشي بارد وخلطي بملعقة الخشب



ادهني مول يكون مربع نتاع الفرن العادي بالزبدة ورشيه مليح بالفرينة واتخلصي من باقي الفرينة الزايدة فيه
صبي الخليط وعدليه مليح حتى يجي سطحو متساوي ودخليه للفرن حتى يطيب الفرن يكون ساخن على 200درجة


خليه يبرد شوية واقلبيه فوق بلاطو نتاع حديد حتى تسهلي العمل بالسكين انزعي 1سم من الجوانب الاربعة لانها تجي شوية يابسة واحتفضي بيها على جنب ثم قيسي المسكوتة اللي تحصلتي عليها وقطعيها الى 3 مستطيلات متساوية من نفس الطول والعرض وخليها على جنب

عاودي حضري جينواز بنفس الطريقة الاولى لكن انزعي ملعقة فرينة وعوضيها بملعقة كاكاو






وكي تطيب قطعيها على 3 بنفس الطريقة الاولى
وفي الوقت اللي تكون تطيب فيه حضري لاكرام باتيسير اللي تتباع في الاكياس سبق ووريتهالكم في درس لابياس موني
انا حضرت 3 نكهات فاني ولا بنان +فراز وللامانة ماكانتش عندي شوكولا قسمت الفاني على 2 وزدت للخليط الثاني شوية شوكولا دايبة
حطيهم في الثلاجة
في هدا الوقت حطي في صحن ثلاث ارباع الكاس حليب بارد جدا جدا حتى يعمل طبقة من الجليد وزيدي معاه 200غ غبرة الشانتيي انا نشري نتاع الميزان


وطلعيهم مليح بالباتور تتحصلي على كريمة ثقيلة جدا


قسميها على 3
الاولى زيديلها شوية فاني ولا عطر الموز انا عملت الفاني
والثانية زيديلها شوية من لاكرام باتيسيار و من عطر الفراولة



والثالثة زيديلها شوية شوكولا سوداء دايبة


نبداو التشكيل
حطي قطعةمن المسكوتة البيضاء اللي من غير كاكاو وادهنيها بطبقة من الكرام باتيسيار فاني

وحطي فوقها قطعة اخرى من المسكوتة ضميهم فوق بعض حتى يلصقو وخليهم على جنب

حطي قطعة من المسكوتة البني اللي فيها الكاكاو وفوقها طبقة من الكرام باتيسيار نتاع الشوكولا

واغلقيها بقطعة من المسكوتة وضميهم حتى يلصقو

تبقى عندنا قطعة مسكوتة سوداء واخرى بيضاء لاننا كل بلاطو قطعناه على 3
حطي القطعة البيضاء وفوقها طبقة من لاكرام باتيسيار نتاع الفراز

واغلقيها بالقطعة البنية تتحصلي على هاد النتيجة



حطي فوق نتاع الفاني طبقة من الشانتيي دوق الفاني وعدليها بالسكين
وحطي فوق نتاع الكاكاوطبقة من الشانتيي اللي بالشوكولا
وحطي فوق اللي محشية بلاكرام باتيسيار فراز طبقة من الشانتيي نتاع الفراز


بالمسطرة قيسي طولهم وقطعيهم بالتساوي الى 6 قطعه انا كل قطعة طلعلي فيها 4.5 سم



كي تكمليهم حطي الكرام شانتيي فاني في الكيس الحلواني واعملي وردات صغيرة على جوانب حبات الفاني
كي تكملي حطي الشانتيي اللي بالفراولة في نفس الكيس وزيني حبات الباتيسري دوق الفراز بنفس الطريقة
زيدي ديري في الكيس شانتيي الشوكولا وتبعي نفس الخطوات

زينيها بالفواكه ولا بالمكسرات ولا بالقوفريط سيجار وماتنسايش تدهني الفواكة بلاجولي وتدري البراق الغدائي انا استعملت الفضي

فاني

شكولا

فراز

ومن بعد حطيهم في ليكيسات الكبار نتاع المادلان وقدميهم





والمسكوتة اللي كنت قطعتها بسمك 1سم من الحواف مارميتهاش في الغد عملت بيها لي كوبلي روايال
خديت قطع منها
اسقيتها ببرتقال معصور

وشوية شانتيي بقاتلي بدوق الفراولة

وزدت كمية من المسكوتة وزدت سقيتها


واخيرا طبقة من الشانتيي وزينت بالفواكه وجات روعة روعة وتنفع للمناسبات



ملاحظة
ماشي شرط تعملو كل الكمية اللي عملتها انا لانها عملتلي 18 حبة باتيسري
ممكن تعملو 6 حبات واللي تبقى من المسكوتة اعملوه كوبلي روايال
اللي تحب الباتيسري المسقي ممكن تسقيه بسيرو ولا شاربات مخلطة بماء الزهر ولا تسقيه بعصير من اي نوع انا عن نفسي مانحبوش مسقي لانو يجي حلو بزاف نحبو يبقى خفييييييييييييييييف
ممكن تحتفضي بيه في الثلاجة لغاية 5 ايام انا ماجربتش نخبيه اكثر علاهادا مانضمنلكمش










 


رد مع اقتباس
قديم 2013-02-25, 16:31   رقم المشاركة : 2
معلومات العضو
أم محمد تاج
عضو ماسي
 
الصورة الرمزية أم محمد تاج
 

 

 
الأوسمة
فعالية المطابخ المركز الثالث 
إحصائية العضو










افتراضي

الله يبارك أنا لولا وأنا لي هربت بالصحونة هههههه يعطيك الصحة خيتي وبارك الله فيك










رد مع اقتباس
قديم 2013-02-25, 16:31   رقم المشاركة : 3
معلومات العضو
ميمة.
عضو مشارك
 
إحصائية العضو










افتراضي

يعطيك الصحة هايل وباين بنين










رد مع اقتباس
قديم 2013-02-25, 16:56   رقم المشاركة : 4
معلومات العضو
الوهرانية 1
عضو محترف
 
الأوسمة
المرتبة الرابعة 
إحصائية العضو










افتراضي

الله يبارك حبيبتي الغالية ماشاء الله ابداع










رد مع اقتباس
قديم 2013-02-25, 17:22   رقم المشاركة : 5
معلومات العضو
oum anas 69
مشرف سابق
 
الصورة الرمزية oum anas 69
 

 

 
إحصائية العضو










افتراضي

haylin khir men machri ya3tik asaha










رد مع اقتباس
قديم 2013-02-25, 17:22   رقم المشاركة : 6
معلومات العضو
*ام رامي*
مشرف سابق
 
الصورة الرمزية *ام رامي*
 

 

 
الأوسمة
لقبة سنة 2013 المرتبة الاولى وسام التميز في قسم الطبخ 
إحصائية العضو










افتراضي

يا سلاااااااااااااااااام
روعة تسلم الايادي
وبصحتكم










رد مع اقتباس
قديم 2013-02-25, 17:27   رقم المشاركة : 7
معلومات العضو
feuilleblanche17
عضو مميّز
 
إحصائية العضو










افتراضي

شكراااااااااا راه يبان مشري يعطيك الصحة










رد مع اقتباس
قديم 2013-02-25, 18:48   رقم المشاركة : 8
معلومات العضو
بوعنينبة
عضو مميّز
 
إحصائية العضو










افتراضي

بارك الله فيك










رد مع اقتباس
قديم 2013-02-25, 18:50   رقم المشاركة : 9
معلومات العضو
الصوامعية
عضو فضي
 
الصورة الرمزية الصوامعية
 

 

 
الأوسمة
وسام الوفاء وسام التميز في قسم الطبخ 
إحصائية العضو










افتراضي

ماشاء الله تقولي عليه باتيسري نتاع المحلات
يعطيك الصحة وشكرا على الشرح المفصل










رد مع اقتباس
قديم 2013-02-25, 19:13   رقم المشاركة : 10
معلومات العضو
لمسة حنية
عضو محترف
 
الصورة الرمزية لمسة حنية
 

 

 
الأوسمة
وسام نجمة التطبيقات 
إحصائية العضو










افتراضي

وااااو ماشاء الله
اكثر من رااااائع يعطيك الصحة اختى
بتيسري وعليه الكلاااام










رد مع اقتباس
قديم 2013-02-25, 19:22   رقم المشاركة : 11
معلومات العضو
ninafret
عضو مبـدع
 
إحصائية العضو










افتراضي

الله يسلمكن اخواتي كل واحدة باسمها والحمد لله انو نال اعجابكم
وادا تحبو المزيد خبروني لاني نقدم دروس في الطبخ والحلويات










رد مع اقتباس
قديم 2013-02-25, 19:25   رقم المشاركة : 12
معلومات العضو
karmen01
عضو مشارك
 
الصورة الرمزية karmen01
 

 

 
إحصائية العضو










افتراضي

ماشاء الله روعة










رد مع اقتباس
قديم 2013-02-25, 20:09   رقم المشاركة : 13
معلومات العضو
YAKMISSOU
عضو مميّز
 
الصورة الرمزية YAKMISSOU
 

 

 
إحصائية العضو










افتراضي

يعطييييييييييييييييك الصحة هايل مشكورة
زيدينا اختي وصفات اخرى










رد مع اقتباس
قديم 2013-02-25, 20:39   رقم المشاركة : 14
معلومات العضو
ام يوسف 2737
عضو مميّز
 
الصورة الرمزية ام يوسف 2737
 

 

 
إحصائية العضو










افتراضي

الله يبارك










رد مع اقتباس
قديم 2013-02-25, 20:47   رقم المشاركة : 15
معلومات العضو
أم ياسين الزهراء
عضو ماسي
 
الصورة الرمزية أم ياسين الزهراء
 

 

 
الأوسمة
وسام الوفاء وسام نجمة التطبيقات وسام نجمة التطبيقات وسام نجمة التطبيقات 
إحصائية العضو










افتراضي

رغم اني اسكن في قلب البلاد بصح ماكانش كيما خدمة اليد وخصوصا من عند اخت متالقة كيما انت الله يبارك فيك روووووووووووووووووووووووووووعة










رد مع اقتباس
إضافة رد

الكلمات الدلالية (Tags)
مطبخي, الخاصة, باتيسري, بثلاث, وبطريقتي, نكهات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 15:57

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc