كم بقي من عمر وزارة المجاهدين.?

[solo128]

المشاركة الأصلية كتبت بواسطة أسماء أمينة

ا اخي واحد مايقدر يهدر على المجاهدين و الشهداء و كلنا نفتخر بهم ولكن ماجيش تقولي واحد زايد في 1950 مجاهد فالمجاهدين تاع الصح مابقاش منهم بزاف وهاذو مانش نهدرو عليهم يا اخي انت مافهمتش النقاش الي راهو مطروح من الاول فكل جزائري عندو في العائلة تاعو شهيد ولا مجاهد

شكرا علي تدخلك القيم.

[سفير الأيام]

الصحاح جاهدوا على جال الوطن وفي سبيل الله

ربي يجازيهم من نعيم الجنة ان شاء الله


بصح

حتى تبقى الوزارة لابنائهم وابناء ابنائهم والله غير عيب كبير على جال حنا ماناش حركى ولا ولادهم

وادا كملوا بهاد العقلية يعني نهار تحب بلاد تحتلنا مكان لاه ندافوا عليها

قالوها الرجالة الصحاح نص المجاهدين اللي راهم مسجلين .......... عمرهم ما شافوا السلاح وا الجبل في وقت الاستعمار

[يوسف زكي]

حتى و إن اندثرت فهم يُحضِّرون لمنظمة أحفاد الشهداء و المجاهدين ،
ومن ثَمَّ منظمة أحفاد أحفاد أحفاد ...... المجاهدين و الشهداء .
و منطقيا وإيديولوجيا ولمواصلة هيمنة الشرعية الثورية سنفكر إن شاء الله مستقبلا بعد التاريخ الذي تكهنته أنت ، سنفكر في وزارة أحفاد أحفاد أحفاد ..... المجاهدين.
و بعملية رياضية بسيطة مع شيء من الإحتمالات فستبقى الوزارة إلى أن يرث الله الأرض و من عليها.
مادامت الشرعية الثورية غطاء للحصول على مزايا لا تأتيك أنت حتى في المنام.

طبعا تحية إكبار لهؤلاء الذين سقطو في ساحات الوغى.نسأل العلي القدير أن يسكنهم فسيح جناته.
والشرفاء الذين ضحوا وهم أحياء يرزقون نسأل المولى عزوجل أن يطيل أعمارهم و يصلح أفعالهم ويختم لهم بالصالحات أعمالهم

[كمال الاسلام]

راهم يحوسوا على الغازي الصخري باه يكملوا ينهبوه

مجاهدين يخموا غير على بطونهم

ما يخموا على الاجيال القادمة كاش ما يخلولها حاجة من ثروة


نضحك كي تسميهم مجاهدين


المجاهدين ماتو ربي يرحمهم

ولي مزالوا دار فيها حجة و راه في فراشوا يستنى


اما الباقي اصحاب الحقوق والتجارة

لي يكروا الطاكسيات ولقهواي والحااااااااااااناااااااااااات
ويشروا السيارات بنصف ثمن و يعاودي البيع

و عندهم تخفيضات 80 في 100 في كل حاجة

نقولهم فل تذهبوا الى الجحيم

[you92cef]

كاين الدراهم !!!!

[solo128]

ربما نحن الوحيدين في العالم اللي عندنا هدي الوزارة.

[سفير الأيام]

المشاركة الأصلية كتبت بواسطة solo128

ربما نحن الوحيدين في العالم اللي عندنا هدي الوزارة.

إن كان هدفهم ليس السرقة ... نهب حقوق الزوالة بطرؤق ملتوية...............................

وغرضهم شريف

لما لم يجعلوا وزارة الحرس البلدي والباتريوت ....................

هادوك ثاني عندهم ما قاسوااا لعشرة سنوات مريرة وم هرب كبار الجزائر بعائلاتهم الى الخارج بينما الزوالي بقى هنا يعاني بسبب تضاربات سياسية

[أسماء أمينة]

كاين مجاهد قال ليت الاستعمار يعود يوما لاحكي له مافعل بي الاستقلال

[طيف السعادة]

اذا راحت وزارة المجاهدين تجي وزارة اولاد المجاهدين

[سهومةج]

هههههههههههه
موضوع مسلي
في انتظار اتقراضهم عسى ان توجه نقودهم إلى مشريع أخرى في الجزائر

[amine eco]

عمرها = يساوي عمر مخزون الديناصورات المتحللة في صحراء الجزائر

[aymen01]

كل واحد يشوف في رزقو

راكم حاسدينهم

[moh140]

راك تحلم وكتاااه تزووووووووووووووووووووووووووووول

[papino]

الشهداء و المجاهدين الحقيقيين على الراس اخي لكن ان نرى و نسمع عن حركى ضمن قائمة المجاهدين فهنا السؤال و اظن ان من جاهد لوجه الله لا ينتظر المقابل .لكن سؤالي لماذا لا يخرج المجاهدين الحقيقيين عن صمتهم و يفضحو المجاهدين المزيفين؟؟؟

[باهي جمال]

الجهاد مثل الايمان
هناك مجاهدون حقيقيون مثل المؤمنين
وهناك المزيفون مثل المنافقين