وصفات حراير الكوزينة الجزء الثاني - الصفحة 25

idron0 · 2015-02-11, 17:53

الرفيس البسكري badr75

ندوه مع الشخشوخة نتاع صباح العروسة نديرو 25كغ نتاع سميد المهم سميد ونزيدلو كمية مليحة نتاع الزيت وملح نبسوه مليح ومنبعد نجمع بالماء دون ما ندلكها ياسر ونطيبها في الطاجين ثم نهرسها ونمررها في السيار الخشين نوجد كل الكمية وليلة العرس نعاود نفوروه مع الرش بماء الزهر ونسمغ بالزبدة ستار ونزيد كمية مليحة نتاع الكوكاو مقلي ومرحي ونكونو فوتناه ايضا في السبار ونزيدو العسل وحلوة الترك ومنحكيلكش على البنة كنا نديروه في قصعة كبيرة والان نححطوه في علب نتاع الامنيوم ونزينوه بالمكسرات.

idron0 · 2015-02-11, 18:02

lahna moka tarte tropezienne

320 غ فرينة- 2 حبات بيض- 90 ملل حليب دافئ- 60غ سكر ناعم- رشة ملح- ملعقة صغيرة فانيلا- 100غ زبدة أو مرغرين طرية- 1 ملعقة كبيرة خميرة الخبز الفورية
التحضير:
ديري الخميرة فالحليب الدافئ و خليها تخمر 15د
في اناء خلطي الفرينة و السكر و الملح و البيضة و الفانيلا و الزبدة و اعجني مليح باش تتداخل المكونات
ثم زيدي عليها الحليب الي خمرت فيه الخميرة و اعجني الكل باليد او بالبيتران (رايحة تكون العجينة لاصقة أبدا ما تزيديش الفرينة اعجنيها هاكا 5د)
خليها تخمر و بعدها شكليها كرات يخرجولك 8 ديريهم على صينية بها ورق خبز و سطحيها شوية لسمك 1 سم غير بيدك, خليها تخمر مرة ثانية
دخليها للفرن السااااااااااااااخن على درجة 180 و خليها حتى تشوفيها تحمرت, خرجيها و خليها تبرد تماما
هي الكريمة الي فالوسط لازم تكون كريمة موسلين و انا كي عجزت عوضتها بالكريمة شانتيلي بصح جات مممممممم
كي يبردو قطعيهم بالعرض الى 2 و احشيها بالكريمة ثم زيني برشة سكر ناعم
و ألف صحة و هناء .
ملاحظة:

الوصفة الاصلية تدهنيها بصفااار اللبيييض و ترشي عليها لوز ايفيلي وسكر حبيبااات و الا مكسراااات تجي كيما paris brest

إضغط هنا لرؤية الصورة بحجمها الطبيعي.

ام امان · 2015-02-11, 20:31

نشكركم بزاف حرائر نتا الصح

um alaa · 2015-02-11, 20:44

قاطو مول الشاش alison dilaurentis
500غ زبدة +2كسان سكر +12 صفار بيض +كيلو نشاء +2 خميرة +عصير وقشور حبة قارس
خلطي لعجينة واعمليها بالمحقن واذا جاتك شوي جارية ضيفي شوي فرينة انا صراحة نضيفها فالمحقن باش نخرج الوردات ملاح هههه واعمليه على شكل دائري ...
وكي يطيب لصقي حبة فوق حبة بالمعجون وعلى الجوانب معجون وكوكاو مرحي او نواد كوكو او بيستاش
نتمنى اختي تجربو ويعجبها وتدعيلي ربي يشفيني
الكمية تجيك شوي بزاااف تقدري تستعملي فقط نصف الكمية

um alaa · 2015-02-12, 15:46

الطاجين المخفي لام محمد تاج

حبيباتي نحتاجو مرقة بيضا عادي ونطيب فيها جيهة وحدة من صدر الدجاج وشوي لحم باش نشبحو بيه كي يطيب اللحم وتوجد المرقة نحي الصدر ونرحيه بالفرشيطة ونخلط معاه اربع فرماجات وشوي معدنوووس وفلفل احمر مرحي ونعجنهم باليد احسن ونخليهم بجيهة
نقلي ثلاث بطاطات كبار على شكل دوائر ونحمرهم مليح ونحكم كمية من الصدر ونعملو خبزات ونحط كل خبزة على رونديلة بطاطا ونغلق برونديلا اخرى وهكذا حتان نكمل ونغلق البطاطات ونعدلهم باليد ونوجد بيض وفرينة وعدنوس وملح وفلفل اسود كيما نعملو بيض الالبروكلو بصح هاذي تجي شوي خاثرة ونغمس الحبات تاعنا ونقليهم ونحمرهم
نجيو للتقديم نحط البطاطات ولازم نسخن المرقة مليح ونحط في الوسط زيتون او حمص لكي الاختيار ولازم نسيح المرق على المخفي تاعنا على مرتين باش تتشرب ونزين بالمعدنوس وعصرة قارص ممممممم والله مايتشبع على ضمانتي حبيباتي وهام الصور تبين اكثر
ضرك نلحق الصور وااااع ههههههه

idron0 · 2015-02-12, 16:05

الخبز البلغاري tokio hotel

لعجينة 500غ فرينة و 2 بيضات ملعقة سكر ملح شوية زيت و ملعقة كبيرة معمرة مليح خميرة و ثوم غبرة و بليها بالحليب دافى نتحصلو على عجينة طرية تعجنيها و تخليها تخمر مليح كوريها 16 كرة و نطرح الكرة الاولى و ندهن بالزبدة دائبة نطرح التانية و ندهن هما دارو 4 طبقات انا درت غير 3 نحط الحشو و نلفها كما الرولى ونقطع مثلثات ستفيهم فى سنيوة ادهنى و خمريهم
الحشو كما تحبى انا درت 2 بصلات مقطعين دبليهم مليح زيدى صدر دجاج مقطع رقيق توابل سنة ثوم نطحنهم و زدت عليهم 2 ملاعق بيشاميل خفيفة و علبة جبن.

إضغط هنا لرؤية الصورة بحجمها الطبيعي.

idron0 · 2015-02-12, 19:03

تسكار التشارك ام سهام ام يسرا

نموت على هادو العفايس والله ام سهام فناااااااااااااانة وعندها بزاف اسرار حلويات وطبخ ما شاء الله عليها
شوفي الطريقة راها لام سهام بلا ما ننسى ام احمدي هي الي افادتني بيها

تغطسي التشارك في سيرو عبارة عن كاس ما الزهر و4م ك سكر ناعم و2م ك فرينة وم ك عصيرالليمون من بعد قطريهم في كسكاس وديريهم في جفنة صغيرة فيها السكر الناعموتغطيهم كامل بالسكر وتخليهم 20دقيقة من بعد تنحي الزيادة وتتحفي باليد.
ملاحظة :غطي التشارك بالبلاستيك باه ماييبس راهي السخانة و كاجي تقدميه ولا تمديه ذري فوقو بالصفاية سكر ناعم مخلوطة بالفانيلا .

.

*توبــــة* · 2015-02-12, 21:21

lahna moka
مملحات بالعجينة المورقة

درت العجينة مربعات و دهنتهم بالموتارد و درت عليهم طماطم مقطعة شرائح و مرشوشة بشوية ملح و فلفل أسود و شوية زعتر مرحي و غطيتها بالجبن و غلقت المربع على 2 دهنتو بالبيض و الى الفرن مممممممم

idron0 · 2015-02-12, 21:34

قلب اللوز um alaa
الشاربات
لتر ماء
رطل سكر
2كيسان تع لاتاي ماء الزهر وعصير قارص
نديرو السكر والما يطيبو لمدة 20دقيقة كي نطفيو عليها نضيفولها المازهر و القارص

عبرت بالكاس تع لاتاي
10 كيسان سميد خشين
5 كيسان سكر
3 كيسان ماء الزهر
ملعقة صغيرة لافاني \ تحكي السميد مع السكر مليح ممبعد زيدي لافاني و الماء زهر بدون عجن \نديروها في سنيوة مدهونة بالسمن و ندخلوها للفرن للي يكون مسخن غير مالتحت كي يحمارو الاطراف نشعلو مالفوق كي يطيب نشربوها و نخلوها ليلة كاملة .

إضغط هنا لرؤية الصورة بحجمها الطبيعي.

*توبــــة* · 2015-02-13, 11:59

ladymillion
وصفة المادلان لي نديروها ديما ديما

3 بيضات + 6 م ك سكر + رشة ملح اضربيهم مليح بالباتوغ +2 م ص فاني + 8 م ك زيت +باكي خميرة + 6 م ك فرينة
عمري لي كيسات ثلث و اذا تحبي ديري فيهم لي بيبيت ، وحطيهم يطيبو حتى يحماروا خليهم يبردوا بعد ماتخرجيهم ومن الاحسن احتافظي فيهم في علبة بلاستيك يخي شفتي نتاع برا يكونوا في ساشي عليها يزيدوا يطراو اكثر
وبالصحة

*توبــــة* · 2015-02-13, 14:58

زينب 83
خبز القمح و النخالة

كيلتين فرينة و كيلة دقيق اسمر مخلط بالنخالة يعني ماشي مصفي الكيلة كاس كبير
كاس و نص حليب دافئ
مغرف سكر
مغرف و نص خميرة فورية
و مغرف صغيرة خميرة تاع القاطو
زوج مغارف زيت الزيتون او نص مغرفة زبدة

تحطي لحليب مع الخميرة و السكر حتى تطلع الخميرة مليح و تدير الفقاعات و مباعد حطي الدقيق و الفرينة بليهم و خلي يرتاحو شوي و مباعد اعجني مليح كيما المطلوع و في الاخير زيدي الزيت و الملح و الخميرة تاع القاطو و خلي لعجينة تطلع جي كيما عجينة المطلوع ، كي تطلع مليح هبطيها و اطرحيها على بلاطو مدهون و مرشوش عليه النخالة و من الفوق ادهنيها بالحليب و رشي النخالة و خليها تطلع و طيبيها في فور سخون ، اذا عندك المروحة شغليها و اذا ماعندكش ديري كاسرونة فيها الماء داخل الفور و خليها تتبخر و بصحتك

*توبــــة* · 2015-02-13, 15:29

عازفة الناي
وصفة الرولي

3 بيضات
100غ سكر
100غ فرينة
فانيلا ، ام مبشور ليمونة
رشة ملح
التحضير :
* نضرب البيض مع السكر جيدا جيدا
* نغربل الفرينة ملييييييييح ونضيفها للبيض بالتدريج و نخلط بالملعقة
* نبسط العجين في المول قطره 37*27
* ندخلها للفرن مدة 10 دقائق و نروليها في منشفة مبلولة شوي حتى تبرد
* الحشو : عملت معجون التين جا امممممممممممممممم يهبل
* الزينة : كريم شانتيي و لوز افيلي محمص
ملاحظة:
* ممكن تنقصي ملعقة فرينة وتبدليها بملعقة كاكاو
* ممكن تعملي الحشو حسب المتوفر عندك و الرغبة تاعك.
* الزينة كما تحبي

*توبــــة* · 2015-02-13, 20:07

yasmalak
ميني بطبوووط

ديري 300 فرينة مع 100 سميد رطب و شوية ملح و مغرف خميرة و لمييه بالما دافييي و اعجنيييييييه و العجينة تكون طرييييييييييييييييية بزاااااف اعجنيييه حتى يولي ما يلصقش و زيديلو شوية زيت زيتون قيس مغرف و الا زوج و دخليه مليح فيه و خليه يخمر مليح وحد الساااعة
كي يخمر علييه على شوية سميييد و ادا جاك يلصق رشييه بالسميييد و حليييه ما يكونش خشين باش يجي فارغ الداخل و قطعيه دوايرات كيما تحبي صغار والا كبااار و الا صغييييورييين انا نحبهم صغيوريييين يجو شابين
وخلييه يريح
و السر ديالو باش يجي فااااارغ ما تخشنيهش و ما تخليييييهش يخمر المرة التانية بزاف خليه يريح برك ماكسيمون ربع ساعة
و الطياب يطيب في مقلة
بالصح انا نطيبو فالشوااااية تاع التريسيتي نحب نطيب فيييها
و احشيييه كيما تحبي
كيما شفتي اليوم حشيتو ببطاطا مقطعة كاريات و تون و فرماج و بيض مغلي وطوماطيش ومايونيز تاع الفرماااج وووووو تقدري تزيدي واش تحبييي

حقااااا جربووووها تجي فوووووووووووووووووووور خير من تاع البيض و زيد ما تخسرش بلخف

أم شيماءْ · 2015-02-13, 20:31

قراتان السبناخ او السلق لعازفة الناي
* ننقي السلق جيدا ونغسلوا ملييح و نقطعو و نذبلوا مع شوي زيت و ثوم وشوي بصل و ملح ، فلفل اسود
* نعمل مرق دجاج : نقلي البصل مع الثوم وفلفل حار في الزيت و نضيف لحم الدجاج ( الصدر) و نضيف الرند ، المعدنوس، الكركم، اكليل الجبل ، الملح، الفلفل الاسود، والبهارات و نمرق و نخليه حتى يطيب الدجاج .
* نفتت الدجاج و نصفي المرق.
* نجيب البيض ( حسب كمية الدجاج والسلق ) و نضرب البيض بالشوكة و نضيف له الدجاج و السلق و نزيد الفرماج و القليل من المرق و نص ملعقة خميرة كيميائية و اذا عندك كريم فريش ديري 2 ملاعق كبار و نصب الخليط في المول المدهون بزبدة و مرشوش بالخبز المرحي
ندخله للفرن حتى يطيب و يتحمر الوجه و بالف هناء
* ممكن تعمليه في قوالب فردية

idron0 · 2015-02-13, 20:51

مايونيز الفرماج yasmalak

ديري 3 حبات فرماج و كاس تاي حليب و رشة ملح وفلفل و عصرة قارص و خلطييهم مليييح
و زيديلهم زوج كيسان تاي زيت
انا نخدم بالبرا ميكسووور يجي هايلة و بنيينة تقول راكي تاكلي فالفرمااااج .