وصفات حراير الكوزينة الجزء الثاني

[idron0]

وصفة البسباس بالداند omomnia15

ندير طراف دند مع بصل وفلفل اسود وملح وحمص يطيبو
من جيهة اخرى ندير البسباس يفور مع رشة ملح بعد ما نكون غسلتو وقطعتوا هلالات كي يطيب المرق نخليه عاقد
ونحط طراف الدند والبسباس في بلا تع زجاج ونشربو بذبك المرقة وندخلو للفور يتحمر ونقدمو بالقارص والمعدنوس وشهية طيبة

إضغط هنا لرؤية الصورة بحجمها الطبيعي.

[LINA 97]

بارك الله فيكن

[idron0]

كيش بالسلق أم ياسين الزهراء

250غ فرينة + شوي ملح وشوي سكر وشوي خميرة الحلوة و50 غ زبدة طرية ونلم بالحليب نحل العجينة في المول ونوجد السلق

نحط السلق المقطع قطع صغيرة في مقلى وندير شوي عليه الزبدة والملح ونخليه يطيب ومن جهة نطيب اللحم مرحي والبصل مقطع والثوم ونزيد عليهم التوابل والملح طبعا ونحب ندير شوي هريسة والطماطم المرحية ويطيبو وفي الخير المعدنوس والسلقوالزيتون والشومبينو وكرام فراش وشوي فرماج والبيض وقبلها ندهن العجينة اللي حليتها في المول بالموطارد ونرمي الحشو ونحط في الفور يطيب.

[idron0]

النيسلي سعيدة8888

كنت ندير في نتاع ام انس
ومرة شفت وحدة مصرية ديرو بطريقة ثانية وعجبتني بزاف وليت ديما نديرها
نعبرو بكأس القازوز كبير
كاس حليب غبرة وكاس سكر قلاصي ( مرات نديرو بالسكر العادي ) ونص كاس ماء سخون في الميكسور ةخلطي مليح وزيدي 2 مغارف مرغرين طرية وخلطي يجيك هايل
حتى نتاع ام انس هايل وناجح بصح هدا يجي حاكم روحو على نتاع ام انس
حنونة هاذ العبر يخدملك 2 علب نيسلي نتاع المحلات

[idron0]

اللازانيا chez biba

درت الوصفة التقليدية
صوص بوليونياز (بصلة مرحية + ثوم + لحم مرحي + طماطم حبة مرحية + ملح توابل وزعيترة وورقة رند وفي الاخير طماطم مصبرة)
صوص بيشاميل (زبدة + فرينة + حليب + جبن وملح)
في مول زجاج مدهون بشوي زيت حطي شوي من صوص بيشاميل ورصي فوقها أوراق اللازانيا ثم طبقة من صوص بوليونياز وشوي صوص بيشاميل مبعد لازانيا وهكذا حتى ديري 4 طبقات او حسب الرغبة والطبقة الاخيرة صوص بيشاميل و جبن مبشور ولوحيها في الفور حتى تأخذ لون ذهبي وبالصحة ولهنا .

[rahma2014]

وصفة ام ياسين الزهراء خبز الدار باللبن

سخنت اللبن وزدتلو شوي ما وماء الزهر ودرت كيلة سميد وكيلة فرينة نخدم عيني ميزاني ياخي على بالكم عجوزة ديجيتال وشوي زيت مانحبش خبز الدار اللي فيه بزاف الزيت والسكر والملح والخميرة تاع الخبز والسانوج وبليتو باللبن وحطيتو في البيترا يتعجن وكل مرة نزيد اللبن المخلط بالماء والماء زهر الريحة ياعيني ونديرو جاري وخليتو يطلع منبعد عاودت عجنتو بشوي زبدة طرية ودرت خليط بياض البض وماء الزهر وخميرة الحلوة وعجنتو ماطولتش كيدخلو المكونات حبست ودهنت السنيوة بالزبدة تمدلو طعمة هايلة وطبعا العجين جاري عادي بليت يديا بالماء الدافئ وحليتو باش مايجيش خشين بزاف ودهنتو بصفار البيض والقهوة وخليتو يطلع ومنبعد سخنت الفور ودرت فيه طاس ماء الطريقة هدي روعة خرجلي خفيف وهايل وطري وحطيتو يطيب والريحة تفحفح تاع ماء الزهر وربي يعطينا الزهر

[rahma2014]

وصفة ام محمد تاج الكرمب بالياغورت الطبيعي حبيبتي راح ندير مرقة بيضاء بالكركم وكي طيب نخلط فيها باط ياؤورت طبيعي ونغلي الزيتون ونظيفو للمرقة ومن جيهة راح نفور اوراق الكرم الطرية تاع اللب ونقطرها مليح ونحشيها باللحم مرحي نيء ومداوي ونخلط معاه شوي روز مغلي نص طياب ونغلق ونردهم يطيبو في المرقة ونحط عليهم صحن لازم يلامس حبات المحشي باش مايتفتحوش ونخثر المرق مليح وكي نكمل عصرة ليموووووون وسيقان المعدنوس ونزين بالمعدنوس مقطع وبسسسسسسسسسسسسسس ونصور طبقي حبيبتي من عيوني

[ام احمدي]

طاجين الكرمب للمتالقة ام محمد تاج

حبيبتي راح ندير مرقة بيضاء بالكركم وكي طيب نخلط فيها باط ياؤورت طبيعي ونغلي الزيتون ونظيفو للمرقة ومن جيهة راح نفور اوراق الكرم الطرية تاع اللب ونقطرها مليح ونحشيها باللحم مرحي نيء ومداوي ونخلط معاه شوي روز مغلي نص طياب ونغلق ونردهم يطيبو في المرقة ونحط عليهم صحن لازم يلامس حبات المحشي باش مايتفتحوش ونخثر المرق مليح وكي نكمل عصرة ليموووووون وسيقان المعدنوس ونزين بالمعدنوس مقطع وبسسسسسسسسسسسسسس

[rahma2014]

وصفة ام ساجد
وصفة مشرملة بالفول الاخضر

إضغط هنا لرؤية الصورة بحجمها الطبيعي.

كمية من الفول الاخضر من الاحسن الرقيق ونقطع بالقشرة ونحطو يطيب

في الماء والملحوشوي خل او ليمون ولما يطيب نصفيه وفي مقلاة نحط شوي زيت زيتون وثوم مرحي وكمون اخضر نقليهم شوي ونضيف عليهم
الفول ونقليه مع بعض دقائق ونطفي
في مقلاه اخرى نحط شوي زيت زيتون + بصل الطويل مقطع ونص مغرفة معجون طماطم ونصف ملعقة هريسة وملح نقليهم شوي ونضيف عليهم الفول وزيتون اسود ونطفي النار ونضيف ملعقة خل وتقدم باردة او ساخنة

[أم ماجد]

اعشاش السباقيتي للاخت سعيدة
اولا تنصبي صوص تاع سباقيتي نورمال انا مالفة نديرها بصدر الجاج نحي اللحم و لعظم نديرو و ندير معاه بصلة ثوم ملح فلفل اكحل فاح فلفل احمر حار و حلو دبشة مقطعة ورقة رند و حبة زرودية مرابية رقيقة و شوي زيت تقلي مليح و تمرقي بشوي ماء و مبعد تزيدي الطماطم و تخليها حتان تخثار و في الاخير زيدي دبشة و راس حارو مغرفة صغيرة سكر ة خليها تغلي خمس دقايق و طفي
نروحو للجاج ترحيه ني و داويه ب لفاح و ملح فلفل اكحل فلفل احمر حلو و حار زنجبيل دبشة و معدنوس كمية مليحة و طرف زبدة و نص حبة طمامط مرابية و راس فلفل مقطع رقيق لي يحب الحار و تنة و لا زوج ثوم و كربعيه و اقليه
السباقيتي غليها و هي طويلة في الما و الملح و ورقات رند و كي تشوفيها طابت صفيها و ديريلها الزبدة
في بلا نتاع فور دري السباقيتي كي الاعشاش و حطي في الوسط بول نتاع جاج و دوري الزيتون اسود و اخضر و ذرذري الدبشة و لفروماج رابي و ديري لاصوص و الى الفرن قيسما تنشف برك حطراكش كلش طايب و بسسسسسسسسسسسسسسسس و بالصحة و لهنا
ملاحضة تقدري في بلاصة الجاج ديري لحم مرحي و جي ثاني مليحة كيما هنا انا درتها باللحم

الوصفة بلسان مريم الاميرة

[فايزة1207]

اسمهان79


وصفة الكروكي انا لقيتها في النت وهي تشبه وصفة الاخت الكريمة ام اماني حبيباتي مقادير الكروكي هي
6بيض اتخلطيهم مليح مع 2 كيسان سكر عادي
ثم 2 كيسان زيت 2 خميرة 1م ص فاني 2 م ك نشاء ونشفي بالفرينة
ثم اعملي حربوش واحشيه بالحشو اللي هو 3 كيلات كوكاو كيلة سكر فاني وبلي بماء الزهرثم لمي الحربوش
ولفيه في الكوكاو مرحي عادي ثم اعملي في الوسط بصبعك خط وطيبي غير من تحت لما يبرد ذوبي الشيكولة وضعيها في الوسط
ثم اعملي خطوط بالشوكولا البيضاء ولما تنشف قطعي

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

الرشتة و الجلبانة ام اماني
الرشتة :تتعمل بالدجاج,في قدر نحط الدجاج وبصلة مرابية ملح فلفل اسود عود قرفة شوية زيت نقليها جيدا من بعد نمرق بالماء,
من جهة نحل الرشتة نتاعي غير بالشوية نعملها كمية من الزيت ونحطها تفور للمرة الاولى ننزعها من الكسكاس ونسقيها بشوية ماء كي تتشرب كمية الماء نعاود نحطها تفور للمرة الثانية,
في هذا الوقت نقشر اللفت ونرميه في المرقة كاين لي يدير في لاكورجات انا نحبها باللفت,بعد ماتفور نسقيها بكمية من المرقة ونعاود نحطها تفور للمرة الاخيرة,من بعد نحطها في نسقيها بشوية مرقة ونجمرها لعدة داقائق غير شوية ,من بعد نحطها في صحن التقديم مع الحمص والدجاج واللفت ونقدم معاها لاصوص بلونش لي طابت فيها ونسقوها من فوق .

الجلبانة: نعمل مرقة بيضا بالدجاج سنة ثوم ملح فلفل اسود بعد ماتتقلى جيدا نضيف الجلبانة والجزر ونمرق ونخليها تطيب وتخثار,ممكن نضيفلها قرنون تجي هايلة في الاخير نعصر فيها القارص.

[rahma2014]

بطاطا بالمرقاز وصفة ام مروان نقلي بطاطا عادي
-نحط المرقاز في الماء حتى يتنحى منه هديك الرغوة انا هكذا نديرلو ثم نشلله ونحطه في مقلاة دون زيت ونخليه على نار هادئة حتى يتقلى و بعدها نضيف عليه حبة طماطم مرحية في لاراب نتاع الثوم و 3 سنات ثوم مرحييين و رشة ملح ورشة فلفل اسود و رشة كمون و رشة كسبر و اذاتحبي الحار كيما انا قصي معه شوية يكون رقيق و ملعقة او اقل طماطم باط و رشة سكر و نحطهم على المرقاز المقلي نقليهم مليح ثم نزيد عليهم كاس صغير الماء و نقصلها بعد الغلية و نغطيها و نخليها تتسبك مليييييح و قبل النقديم ب 5 دقائق نحط البطاطا تهز النكهة و عند التقديم نزيين بدبشة مقطعة و انا هذه الطريقة نديرها مع جنحين الدجاج او كرات اللحم المفروم و نحطها مع بطاطا او ارز او لا بيري او سباقيتي المهم نسقد و فرات و صحتين و هنا

[om kamilia]

الرشتة الجلبانة لام اماني

هلا غاليتي

فعلا راني شفت سوالك قبل كنت سالتني على الرشتة والجلبانة

اولا اعتذر على التاخير

بالنسبة للرشتة تتعمل بالدجاج

في قدر نحط الدجاج وبصلة مرابية ملح فلفل اسود عود قرفة شوية زيت نقليها جيدا من بعد نمرق بالماء

من جهة نحل الرشتة نتاعي غير بالشوية نعملها كمية من الزيت ونحطها تفور للمرة الاولى ننزعها من الكسكاس ونسقيها بشوية ماء كي تتشرب كمية الماء نعاود نحطها تفور للمرة الثانية

في هذا الوقت نقشر اللفت ونرميه في المرقة كاين لي يدير في لاكورجات انا نحبها باللفت

بعد ماتفور نسقيها بكمية من المرقة ونعاود نحطها تفور للمرة الاخيرة

من بعد نحطها في نسقيها بشوية مرقة ونجمرها لعدة داقائق غير شوية

من بعد نحطها في صحن التقديم مع الحمص والدجاج واللفت ونقدم معاها لاصوص بلونش لي طابت فيها ونسقوها من فوق

اما الجلبانة

نعمل مرقة بيضا بالدجاج سنة ثوم ملح فلفل اسود بعد ماتتقلى جيدا نضيف الجلبانة والجزر ونمرق ونخليها تطيب وتخثار

ممكن نضيفلها قرنون تجي هايلة في الاخير نعصر فيها القارص

[om kamilia]

- نقلي بطاطا عادي
-نحط المرقاز في الماء حتى يتنحى منه هديك الرغوة انا هكذا نديرلو ثم نشلله ونحطه في مقلاة دون زيت ونخليه على نار هادئة حتى يتقلى و بعدها نضيف عليه حبة طماطم مرحية في لاراب نتاع الثوم و 3 سنات ثوم مرحييين و رشة ملح ورشة فلفل اسود و رشة كمون و رشة كسبر و اذاتحبي الحار كيما انا قصي معه شوية يكون رقيق و ملعقة او اقل طماطم باط و رشة سكر و نحطهم على المرقاز المقلي نقليهم مليح ثم نزيد عليهم كاس صغير الماء و نقصلها بعد الغلية و نغطيها و نخليها تتسبك مليييييح و قبل النقديم ب 5 دقائق نحط البطاطا تهز النكهة و عند التقديم نزيين بدبشة مقطعة و انا هذه الطريقة نديرها مع جنحين الدجاج او كرات اللحم المفروم و نحطها مع بطاطا او ارز او لا بيري او سباقيتي المهم نسقد و فرات و صحتين و هنا