وصفات حراير الكوزينة الجزء الثاني - الصفحة 22

2015-01-30, 20:44

قراتان رااااااااااااااااائع على طريقة المتالقة روزا

تديري صوص بلونش وفيها صدر دجاج كي تطيب تفتيه وتحطيه في طوطوت صغار او رامكن وفوقه شوية صوص من بعد فرماجة كاملة لكل واحدة وفوقها الصوص شوية برك وبيضة هي زينت بالفلفل لحلو انا ماعندناش هههههههه
انا زينت بالطماطم من فوق والصر توضح اكثر

إضغط هنا لرؤية الصورة بحجمها الطبيعي.

idron0 · 2015-01-31, 19:11

الكروسون كاتي حياة

انا ندير كلش عيني ميزاني
الفرينة, ملح, مغرف سكر ,مغرف خمارة, ومغرف حليب, واقل شوية من نص كاس زيت + ماء دافي,
تخلطي كلشي عدا الزيت وتظيفي الماء تعجني شوية ومن بعد تديري الزيت لاعقل ,تعجنيها مليح وتخليها ترتاح ,
تنزليها مرتين ***ترتاح تنزليها وتعاودي تخليها تخمر ****
ومن بعد تشكل وندير الشكولا في الوسط ,و تدهنيها بالبيض وتديرها ترتاح في مكان رطب انا عليا درتها فوق طباخ فيه الماء شوية سخون ونديرهم قوق الشوفاج وتغطي البلا مليح بالبلاستيك وتخليه يخمر حتى يتضاعف حجمو ما تكبريهش كي تكوني تشكلي فيه ,ومن تطيبيه عادي
انا حشيت بالشوكولا رابيتها باه تذوب مليح وما تجمدش كي يبرد .
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
وهنا من الداخل خفييييييييييييييف
إضغط هنا لرؤية الصورة بحجمها الطبيعي.

idron0 · 2015-01-31, 21:14

محجوبة الكسرة عازفة الناي
3 كيلات سميد
كيلة فرينة
ملح
ونصف ملعقة خميرة كيميائية
ماء
*نخلط الكل و نبل بالماء و نعجن مليح حتى نتحصل على عجين طري و يشبه لعجين الشخشوخة
*نغطيها ونتركها ترتاح نص ساعة
* نكورها كور كي تاع الشخشوخة
*الحشو: نقطع 4 حبات بصل شرائح ونقليها فقليل من الزيت و الملح و نضيف لها الثوم و فلفل حار مقطع و نزيد 3 حبات جزر مبشور و نقلي جيدا و كي تذبل البصل جيدا نضيف 4 حبات طماطم مقطعين مكعبات وشوي هريسة و نملّح ونزيد الرند و الفلفل الاسود و البهارات ونتركها حتى تطيب و نرحيها
وممكن ماترحيهاش حسب الرغبة .
* نطيّب اللحم المرحي او المرقاز او قطع الدجاج حسب المتوفر عندك ونخليهم يبردو.
* نحل كور العجين بالحلال و باستعمال الفرينة نحلها رقيقة .
* ناخذ الدائرة الاولى و نحط عليها حشو البصل و القليل من اللحم و نغطي الكل بدائرة ثانية و نعدّل الحواف و نطيبها فطاجين
وبالف صحة وهناء
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

2015-02-01, 15:54

الكرانتيكا على طريقة ام رجا
شوفي انا نشري الكيس تاع الحمص لي فيه 400 غ ونغربله باش نحي الخشين هو لي يفسد الكارانتيكا
المهم جيبي دقيق الحمص تاعك لي طاح من الغربال وزيدي عليه كاس شاي تاع زيت و2مغارف صغار ملح والما جيبي قرعة تاع ما سعيدة ناقصة كاس
وفرغيها على الخليط تاعك راه يبانلك الما بالزاف بالصح ماتخافيش هاذاك هو العبر
وخلطي بالميكسور باش مايبقوش الحبيبات ودير رغوة ذوقي على راس لسانك الملح و شوفي اذا خاص زيدي انا ندير عيني ميزاني
وغطيها وخليها تريح على الاقل نص ساعة
وقبل ماتاكلوها بنص ساعة شعلي الفور تاعك يسخن وجيبي سنيوة ادهنيها بالزيت و عاودي خلطي الخليط تاعك على خاطر الدقيق تاع الحمص يهبط لتحت
وفرغي في المول وضربي بجيهة زوج حبات بيض و فرغيهم عشوائيا من فوق ودخليها للفور طيبيها من تحت 5 دقايق برك و شعلي من فوق و نقصي و خليها تطيب حتى تدير القشرة السوداء و شوفيها بالسكين اذا طابت ولا مازل
وهي هاكا طيب من فوق اذا طيبتيها من تحت بالزاف رايحة تجيك ناشفة
وكي تخرجيها ذرذري فيقها الكمون وكولوها مباشرة مع الهريسة امممممممم

إضغط هنا لرؤية الصورة بحجمها الطبيعي.

idron0 · 2015-02-01, 20:43

غريبة الحمص دائمة الحمد

طريقة جديدة وناجحة 100ب 100راهي تجي روعة ومقاديرها مضبوطة ونقدرنقول ساهلة وماتديش وقت كبير,
رطل حمص مقلي ومرحي ارطب انا نستعمل تاع تونس راهو مثل المايزينة نستعملو من الشكارة طول ( الحمص راه يتباع محمص اولا وهوحب ثم يترحى )

نصف رطل سكرقلاس
نصف رطل سمن من الاحسن المرجان
نصف رطل فرينة
نصف كاس زيت
الطريقة :
السمن ونخليه يبرد شوي برك يعني ما يجمدش لازم يكون دافي,
نحط في اناءمع بعضهم الحمص +السكر +السمن +الفرينة +الزيت ونخلطهم بايدي ماتعجنيهمش خلطي برك,
وتجي الان النقطة المهمة العجينة راهي تكون شايحة ومرملة ما تخافيش
نرحوها في رحاية الغرس راح تلاحظو انها اصبحت ملساء تهبل ,
لما نكملها نحطها واحد ربع ساعة في الثلاجة ونشكلها كيما نحب ونطيبها ماتديش وقت كبيرفي الطياب من التحت ثم من فوق وراح نوضح بالصور
ملاحظة : السر في رحاية الغرس .
طيبيها في الرف تاع الوسط ونار متوسطة والكمية تخرجلك 56كعبة مليحةعاليةكيما شفتيها
الوقت انا طيبتها في الكويزنيار تاعي قاوية واحد ربع ساعة او 12 دقيقة من الاسفل ومن فوق 5دقائق اواقل لانها مالازمش تحمار من فوق كون تحمار تتشقق .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ام سراج وملاك · 2015-02-01, 20:52

دويدة فرح العمر

الدويدة طيبتها عادى صوص حمرا بالدجاج و فورت الدويده المرة الاولى بالزيت و الثانيه بالماء ومن بعد لما طابت الصوص و لازم تكون غير شويه برك نغلى فيها الدويدة و من باعد نطفى النار و نخليها تشرب الصوص مليح واحد 10 دقايق و من بعد تاكلى بالصحه بالنسبة للدجاج حمرتو بعد ما طاب فى لاصوص

idron0 · 2015-02-02, 11:31

كيش الدجاج والسلق omaymen

بالنسبة للعجينة انا دوبليت المقادير
250غ فرينة زيديلها 4سل زيت زيتون وحبة بيض ملح ولميها بلماء تقريبا 4 حتى 5 ملعقة اكل ,
للحشو قليت شرائح الدجاج في شوية زيت وضفت شوية ماء ودرتلو الملح والفلفل غير يدخلو الطياب نحيتو ضفتلو السلق نكونو قطرناه مليح من الماء ديالو ,البصل مقلي كذلك ,3 بيض,تقريبا 2 كاس كريمة سائلة مع الحليب,
اذا ماتوفرتش الكريمة نعوضوها بكريم فريش ونزيدو جبنة الشيدار ,
نحل العجينة ماتكون خشينةما رقيقة ونفرغ عليها الخليط حتى يطيب كلش ممممممممممم .
ام ايمن
إضغط هنا لرؤية الصورة بحجمها الطبيعي.

idron0 · 2015-02-02, 12:42

البوزلوف lyzzabel

الطريقة الاولى بوزلوف فالفرن :

تغسلي البوزلوف تاعك مليييح مليييييح و تنحي منه العظام المفتتة خاطرش غادي تحتاجي للمرق تاعه ،، ديري قطع البوزلوف في كوكوة و عمريها بالما لازم يتغطى و حبة بصل مقطعة على أربعة و سنات ثوم كثري مشي مقطعين و ورقات رند و ملح و فلفل اسود و كمون ،، خليه يغلي بلا ما تغلقي الكوكوت غادي يطلق الرغوة فالمرق حاولي تنحيها بعد نصف ساعة أغلقي عليه و خليه يزيد يطيب مليييييح
مين يطيب صفيه و حطيه في إناء يبرد شوية و ديزوسيه يعني نحيله قااااع العظام لي فيه
من جهة اخرى حضري صلصة الطماطم ديري في مقلة شوية زيت و ثوم رابي و ملعقة صغيرة طماطم معلبة و حبة طماطم كبيرة او زوج حبات رابي و ملح و فلفل اسود ،، غطيها و خليها تطيب و تخثار
وجدي صحن تاع الفرن من الاحسن تاع الزجاج ادهنته بالمارغرين و ستفي قطع البوزلوف و فرغي عليه صلصة الطماطم و زيدي كاس كبير من المرق لي طاب فيه ،، غطيه بالالمنيوم و دخليه للفرن حتى تنشف الصلصة و عند التقديم زينية بالمعنويات مقطع و شراءح الليمون
تقدري ما تديريش فيه لاصوص تومات و تقطعي معاه بطاطا و طماطم او بطاطا وحدها بصح تكوني قطعتي حبة طماطم فالمرق تاع البوزلوف ،، و ثوم و تبليهم و تسقيهم بشوية من المرق لي طاب فيه و حطي عليه قطع من المارغرين و غطيه و تدخليه للفرن .

الطريقة الثانية بوزلوف صوتي:

تبعي نفس الخطوة الاولى لي ذكرتها الفوق ،، و مين تديزوسيه حطي مقلة على النار فيها شوية مارغرين و شوية زيت و سنات ثوم مقطعين رقيق و قلي شوية من بعد حطي قطع البوزلوف و شوفي اذا خصه الملح و زيدي شوية فلفل اسود و شوية كمون و طبعااا معدنووووس مقطع خليه في الاخييير و خلطي و طفي عليه وتقدميه مع شراءح الليمون

الطريقة الثالثة بوزلوف بالمرقة او شطيطحة بوزلوف:

هنا البوزلوف طيبيه كيما قلتلك فالوصفة الاولى بصح ما تحطي لا بصل لا طماطم لا ثوم هههه ،، يعني فقط الملح و الكمون و الرند ما تخليهش يطيب مليح ،، نحيه و صفيه و في طاجين ولا كوكوت ديري مرقة حمرا ،، بصلة رابي و ملعقة صغيرة مملووووءة طماطم معلبة و ملح ما تكثريش خاطرش ديجا درتيه من قبل و فلفل اسود و كمشة حمص و قلي كلشي و زيدي البوزلوف و مرقي و أغلقي الكوكوت ،، مين يقرب يطيب قطعي حبات بطاطا دواءر غليظة شوية على حساب أفراد العاءلة و أرميها تطيب معاه و المرق يكون خاثر شوية .
الملح ما تكثريش في كل المراحل خاطرش البوزلوف فيه الملح في المرحلة الاولى .

idron0 · 2015-02-02, 16:49

طاجين الشوفلور بصوص بيضا والجاج ام سهام 02

الشوفلور فوريه وامرسيه وديري المعدنوس وبيض وجبن وشابلير ملح وفلفل اكحل ورشة خميرة حلوة وعمريه في ليمول تع السليكون وطيبهم في الفرن ,
كيبرد نحيه مالمول وعمري الفجوة بالجبن المبشور.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

om kamilia · 2015-02-03, 10:06

كفتة على طريقة ام تاجوووووووووو لعيون المازيتا الحلوة

حبيبتي نقلي اللحم تاع الدجاج مع بصلة متوسطة و5سنينات ثوم ومعرف زبدة ستار ومغرف صعيرة فلفل اسود وزوج مغارف صغار كسبر والملح نقلي الكل مليح ومبعد نمرق مالازمش نعمرها بالماء على خاطر الدجاج في دقيقة يطيب والكفتة ثاني ومن جيهة نحظر اللحم المرحي
نحط اللحم المرحي نظيفلو مغرف زبدة ستار وباقة معدنوس حسب كمية اللحم لي عندك ونص مغرف صغيرة فلفل احمر حار ومغرف صغيرة فلفل اسود و5 سنينات ثوم مرابيين وبيضة ونملح ونزيد زوج مغارف كبار فرينة الفريك لازم انا ماتكونش عندي دايما بصح كي نجي ندير الكفتة نرحي شوي من الفريك ونغربل ونعجن الكل من الاحسن باليد ونكور حبيبات الكفتة تاعي وكي يطيب الدجاج نص طياب نضيف لي بول تاع الكفتة ويطيب كلش مع بعضاه تخثار مليح نحي اللحم تاع الدجاج نحمرو وهاي لاستوس لي تعلمتها من عند امي الله يرحمها كي طفي النار اعصري نص قارصة على الكفتة واحكمي عيدان المعدنوس لخشان ياخي الاغلبية نطيشوهم لا لا ديري باقة واربطيها بالخيط وارميها تطلق البنة تاعها كي طفي كلش
في نفس وقت الطياب غلي الزيتون مليح ومبعد ضيفيه يغلي الغلية الاخيرة مع المرقة
اذا حابة تقلي البطاطا وتزيني بيها ولا بيض معلي وشرائح الليمون والمعدنوس مقطع وتمتعي بلذة لا تقاوم والصراحة كفتة الاعراس
ضرك نحط الصوووووورة

إضغط هنا لرؤية الصورة بحجمها الطبيعي.

idron0 · 2015-02-03, 12:12

المصران نتاع المرقاز kakinova

المصران ساهلة خلاص كي تغسليه مليح من برا قلبيه بمغرف صغيرة و زيدي حكيه تقول تغسلي فالقش باش يتنحى منو الاحماض المعوية و هاديك الصفورة,و اقسميه و حطي كل خيط ولا زوج خليهم طوال في كيس صغير و الى الكونجيلاتور لما تحبي تخدمي المرقاز اجبديه هطيه في فنجال صغير و صبي فوق الخل الابيض و خليه هداك هو ترحي اللحم و تبليه
تلقايه ديكونجلا و ولا لونو بيض و شغل يابس من برا
كرطيه بضفارك حطي فالمقدمة و اجبي يتكرط بسهولة و يتحاو القشور تاع لمصارن و يبقا غير الغلاف برك .

إضغط هنا لرؤية الصورة بحجمها الطبيعي.

rahma2014 · 2015-02-03, 14:14

سلام عليكم انا اختكم اسماء جديدة معاكم هنا نتمنى نكون خفيفة عليكم نفيد ونستفيد معاكم
في الكوزينة اللي فاتت حطيت اطباق واليوم وين قريت بلي ام رشدي طلبت مني البيتزا رولي والبطاطا سوربريز
بالنسبة للبيتزا رولي نقولها بلي هديك كانت بيتزا عادي تغدينا بيها و بقاتلي و راجلي مايحبش يعاود نفس الغدا مالا كلحتو روليت البيتزا نتاعي وهي طايبة وعاودت برك دخلتها للميكرووند جاتني هكداك
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
البطاطة سوربريز
[IMG]https://s*******-a-cdg.xx.fbcdn.net/hphotos-xap1/v/t1.0-9/10474193_1580887452140274_7310152564073921673_n.jp g?oh=bfa2ff9d3e45e26c5a82bd8bc575ce33&oe=554DC32C[/IMG]
تحطي حبات بطاطا يتشرشمو في الماء والملح
تمعسيهم مليح بالفرشيطة و تضيفيلهم الفرماج انا استعملت 1 شاف في رطل بطاطة
تحضري الحشو نتاعك تحبي لحم مرحي ولا جاج ولا كبدة انت واش عندك انا خدمت بالجاج فتتو و دبلت شويا بصل مليحمليح ضفتلو شوية توم وملح و فلفل اسود و الجاج و قليتهم مليح وحطيتلهم شويا زيتون مقطع طرونشات
تحكمي البطاطا نتاعك تبسطيها على كف يدك تحطي الحشو و تغلقي عليه بالبطاطة و سقمي لافوغم ديريها كي البالن
ومن جهة اخرى حضري البيشاميل
ديري 50غ زبدة مع 2 مغارف فرينة وخليهم على النار و ضيفيلهم زوج كيسان حليب ماشي كبار بزاف وكي يتقالو زيديلهم 1 فرماج شاف و شويا منلح و فلفل اسود وكاين اللي يحب جوزة الطيب انا منجبهاش
فرشي المول نتاعك بالبشاميل و حطي لي بول نتاع البطاطا و زيدي غطيهم بالبيشاميل و حطيلها شويا فرماج مرحي والى الفرن
جربوها الاخوات راهي هاااااااااااااااااااايلة

rahma2014 · 2015-02-03, 16:29

الصابلي عااااااادي جدااا ههه
2بيض وصفار بيضة +250 غ مخلطة بين الزيت والزبدة المهم الزبدة تكون اكثر (واحيانا ندير نص زيت ونص زبدة )والفاني ولا الزاست نخلط ملييييييح من بعد نزيد 250 غ سكرونخلط من بعد نزيد النشاء حوالي 100 غ ومن تمة الفرينة و1خمارة والباقي معروف

2015-02-03, 16:33

تحلية بالبرتقال لام ساجد
التحلية الطبقة الاولى عصير برتقال + نشاء+سكر لكل كاس مغرفة كبيرة نشاء ومغرفة كبيرة سكر نخلط بارد في بارد ونحط على النار حتى تعقد ونفرغ في الاكواب

الطبقة الثانية لكل كاس حليب مغرفة كبيرة نشاء ومغرفة سكر نخلط بارد في بارد ونحط على النار حتى تعقد ونخليها تبرد ونضيف ليها الخليط لي هو
علبة ياؤورت اي دوق نحلها مع شوي حليب زائد 2مغارف شانتيي+2 م سكر
ونطلعهم بالباتور ونخلطهم مع بعض ونفرغ الكريمة فوق الطبقة الاولى
ونخليها تبرد

إضغط هنا لرؤية الصورة بحجمها الطبيعي.

idron0 · 2015-02-03, 19:22

غروبية الورقة مريم الاميرة

4 كيلات فرينة كيلة سمن ذايب و بارد قرصة ملح و تبلي بماء الزهر
الحشو 3 كيلات كوكاو محمص و مرحي بالقشور مع كيلة سكر رطب ترحيهم مليح حتى يطلق الكوكاو الزيت نتاعو و مبعد اعجنيه بيدك مليح راح يولي كي لعجين و ديريه حرابش,
حلي لعجينة رقيقة كي البقلاوة و ديري حربوش من الحشو و تلوي مرتين و تقطعي ديريه كيما المقروط و ادهني بصفار البيض و ذرذري الكوكاو خشين شوي و ما تكثريش,
خليها تبات و غدوة من ذاك طيبيها و عسيها راي طيب ثم ثم ما تخليهاش تحمار غير تصفار خلاص .

إضغط هنا لرؤية الصورة بحجمها الطبيعي.