طريقتي الخاصة في تحضير التليتلي و الدويدة(الشعيرية)

[ملاك ملاكي]

]صباحكم بالخييييير حبيباتي
حبيت. نشاركم طريقتي في اعداد التليتلي وكذلك الشعيرية نزولا عند طلب العضوة ساندي تفضلي حبيبتي

اولا بخصوص تحضير التليتلي:
نجيب صحن غااامق ونحط فيه التليتلي او الشعيرية نتاعي ونزيد علية مغرفتين زيت.....نمزجهم مع بعض ونحطها تفور(التفويرة الاولى)

بعد التفويرة الاولى..... نحيها ونرجعها في الصحن الغامق نحلها على بعض.... ونصب عليها بالشوي كانك تبخي فيهابيدك بالماء يكون ماهو سخووون ماهو بااارد وخليه تقريب 3-5د تتشرب ذاك الماء.....وادا شفتيها مشمخةبزااااف بالماء اعصريها وملحيها قليييلا ورديها تفور(التفويرة التانية)

ونفس المرحلة التانية كريريها مع المرحلة الثالثة(التفويرة الثالتة)

واختي اكيييييد تكوني محضرة صوص سواءا حمراء اوبيضاء

اليكم طريقتي عااااادية
في كوكوط....نضع مغرف كبيرة زبدة وقليل من الريت نخليه يسخن مليييييح ونضع قطعةاللحم سواءا كان دجاج او بقري او. خروفي هاهاها....وخليه يتحمر مليييييح من الجهتين
تم اضيفي حبة بصلة كبيييرة مقطعة مكعبات ثغيييييرة وسنينات ثوم رابيي قليهم شوي. ثم اضيفي زيتون يكون مغلي من قبل وادا حبيتي حبات بطاطا وزرودية انا عن. نفسي مانحبهمش في هدا الطبق لك الاختيار.....تم نضيف لي زيبيس انا مانكترش من غير ملح كسبر. وفلفل اسود وساعات ندير نص قطعة جومبو....نقلي الكل جيدا تم نضيف الماء سخون ونمرقبالشوي موش ضربةوااااحدة.....وادا كنت حابة صوص حمراء انا نحل زوج مغارف طماطم مع مغرف هريسة في ما سخون وهدا. هو لي نمرق بيه......وبعدها نغلق الكوكوك حتي تحسي انه اللحم طاب طفي. عليها

نرجع لتليتلي او الشعيرية نتاعنا

بعد ما قلنا فورناها للمرة الثالثة......جاء سري هاهاهاها وهي التفويرة الاخييييرة
بعد مانكون حطيتها في صحن غااامق نرابي عليها سنينات ثوم ونصب عليها شوي من المرق نتاعنا بيه بالزيتون ونرجعها تفوووور للمرة. الاخيرة
وماتخليهاش طول في التفوار باه تحافظ على شكلها....وبعد ماتنحيها تحطيها في الكوكوط مع انه ملييييييح حاجة واسعة وتجمريها فوق النغر باضافة القليل من الصوص ومغرف زبدة وطفي عليها
ملاحظة:خلي شوي صوص...... تعرفي العجائن تتشرب لاصوص نتاعها لحظة التقديم اذا حسيتيها ناشفة زيديلها
التقديم لك الاختيار ياااا فنانة....بالبيض والحار مثلا وحبات زيتون كونها فيها زيتون

هده طريقتي نتمنى نكون افدتكم وتجربوهاوتعجبكم واكييييييد ماتنساونيش بدعوات الخييييير ولكم بالمثل منها

على فكرة انا مشهووووورة بالتليتلي نتاعي هاهاهاها (حوحو يشكر روحو!!!!!)

الصور المرفقة:

هده الشعيرية



و هده التليتلي:



اعتذر عكست الصور حبيباتي

[om obaida]

يشرفني نكون اول من يرد البساطة نصف اللذة كيما يقلي ليوناردو نتاعي التليتلي راه يسخف رايحة نجرب طريقتك وشكرا علي القندورة مسبقا بصح مخيطة متنسايش وتكون مستوره لاني محجبة في البيت وشكررررررا علي سؤالك هذي الساعه الحممممد لله

[زهرة أوركيدية]

يعطيك الصحة أختي و شكرا على الوصفة

[*توبــــة*]

يؤبرني النشيييط انا
شو هاااي يا حلوة.. اواه ربي يعينو ملاكك يزيد شوي يرجع بطبوط خخخخخخ
يعطيك الصحة حبيبتي .. كلشي رائع من ايديك.. تسلمي

[شريعتي]

جميل جدا الله يبارك

[وردة الرمال43]

الله الله على الأبداع يا فنانة يعطيك الصحة والعافية يا غالية ربي يعطيك ماتتمناي ويرزقك من بابو الواسع

[ROZLANE ROSE]

ملاك كلشي من عندك مليح.ملوكة نفس طريقتي في تحضيرالتليتلي ومعاها السر تاني بصح انا منحطلوش الزيتون.بارك الله فيك حبيبتي

[sandy din]

بارك الله فيك و جعلها في ميزان حسناتك.
.
.التليتلي براسك نفس التحضير نتاعي يختلف شوي برك.
أما الشعيرية درتها مرة برك على طريقة صاحبتي و ضرك نميزها على طريقتك.
ربي يحفظك ..مشكووورة

[sunshine2013]

يعطيك الصحة اختي يشهي و بصحتكم

[زهر التوليب]

امممممممممم هاااايلة باينة من الصور تشهييييي يعطيك الصحة وعلى فكرة هاذي نفس طريقتي
بارك الله فيك

[RIMA.87]

السلام عليكم
بسم الله ما شاء الله ،التليتلي ديالك يشهي و الشعيرية تاني
بارك الله فيك و جزاك خيرا على الموضوع ،
ربي يجعل هذا الجهد في ميزان حسناتك

[mosta*limoges]

ملاك راكي فوووووور عجبتني الطريقة نتاعك جزاك الله كل خير

[ام هزار]

روعة ما شاء الله عليك يا اختي . رايخة نجرب الشعيرية تاعك و اكيد تجي بنينة . يعطيك الصحة

[*فرح*]

Ya omliiiiiiiiiii
قدمي قدمي خدك
..
..
..
مواااااااااااااح
هههههههههه
كنت نحوس على لاصوص نتاع الشعيرية لقيتك كتبتيها.
..
بالنسبة للتليتلي حبيت نعطيك نصيحة ليه.
قبل ما تفوريه ديريلو 2 مغارف زيت صونقو و خلطيه مليح من بعد ديريه في مقلة و حمصيه على النار حتى يصفار ( لون أصفر محمر ) من بعد رشيه مليح بالماء فيه ملح و خلي ينشف من بعد ديريه يفور و عاودي 3 مرات أو 4و في كل مرة رشيه ملييح بالماء دون ملح.
السر في التليتلي كي تحمصيه .
يجي كل حبة وحدها و كي ديريه في فمك تقول من الحبوب ماشي من العجائن.
و مايجيش معجن خلااااص و ما يلصقش في بعضاه يجي مفروق. جرباتو أمي خطرة بلا تحميص تعجنلها.

بالنسبة للاصوص...أنا نديرها حمرة خاثرة شوية و كي تطيب باش نديرلها الكسبر و الكروية .....
السر في لاصوص حمرا هو الجريوات و الزرودية
يطلقو وحد البنة في لاصوص هاااايلة و ذوقهم مع التليتلي هايل.
ندير حمص و جريوات و زرودية (نقطعهم على ربعة بالطول )

في الأخير نخلط التليتلي مع لاصوص برك و نخليهم يتطبخو 10 دقائق على نار هادئة .حتى ينشف...ما نسمغوش (ماندهنوش)
و في التقديم نزين بحمص و جريوات و زرودية و لحم و بيض. كيما التزيين نتاع الكسكاس.
ولا قطعي الزرودية و الجريوات فيه و خلطي و جلطي مع بعض هههه.
يعجبني بهاذ الطريقة بزااااف
..
..
كي نديرهم ان شاء الله نحطلك صورة .
..
بالنسبة للشعيرية أنا نزيدلها خضر مقلية (جريوات و زرودية و بطاطا بصل و قطع لحم....الخ)
..
..
كتبت طريقتي لعل تستفادي من كاش حاجة أو تجربي بطريقة أخرى.
تقبلي جرناني
هههههههه

[حياة نور الدين]

بارك الله فيك ملوكتي راكي مقلشتنا هدوا اليامات تحفففففة من يديك حنونة ربي يفرح ملوكك بك ويفرحكم بنونو صغير وانوش على حسابكم خخخ