نعرفك بالناس

[بادي مراد]

• لي حبني حبني مدربل**********الى تحفت روحي لا مزية
• ولغبينتي انا راه تحمل**********ومعايا مشى بخاطر ونية
• واما لمزيف حالو تبدل**********من اول ما طاحت بيا
• ونكرني خوتي وتحول**********وبدا يجبد غير بشوية
• اعرف سامعي اناس مليح********ماشي اكل فرد عقلية
• معاك كي تكون صحيح*********واذا ضعفت جبدولك الرية
• يضحكو عليك في مجامع********ولسانهم كي اللفعة السمية
• وربي سبحانو ليهم سامع*******وهو لي بلاك بهاذ لبلية
• نرجع لحديثي ليكم ونقول*******ما دام حد في ذا الدنيا
• غسلت يدي من كل هول*******وتكويت اه بمياتن كية
• اذهب ما يصفى حتان تكويه******وانحاس مشبه بالذهبية
• واضربة للعبد راه تقويه*******الى ما داوش فيه الدية
• ولكلام لي قلتو نعنيه********والرب سبحانو شاهد عليا
• اقر مليح وتمعن فيه********وديرو للناس انت قصية
• قالو الناس ايه معادن********قليل لي تلقاهم فلبلية