واش رايكم ندير مع ماما و الله حرت كيفاه نقنعها

[Mima Imene]

السلام عليكم أن شاء الله تنصحوني و تمدولي رايكم في الموضوع انا عمري 23 سنة و في جانفي هدا نقفل 24 سنة أن شاء الله و اتخرجت هدا العام ماستر الحمد لله و كنت من الاوائل في الدفعة تاعي المشكلة تاعي هي انو العام الي فات في مارس جا خطبني واحد ولد حومتي و قبلو دارنا مي حتى لدرك ما درنا والو حتى خطوة رسمية ما درناش دايما يحب يجي لدار باش ماماه تشوفني مي ديمايخرجولي سبة كل خطرة كيفاه هو قال للوسيط الي بعت معاه من الاول قاعو هدا الوسيط هو ولد خلة ماما قالو ورا العيد الصغير نجو نخطبو و ندفعوا المهر مي صراتلنا مشكلة مع بابا و ماما و كانو قريب يتطلقوا و قالو للخاطب بلي اصبرنا شويا حتى تفرا هدا المشكلة و درك الحمد لله فرات مي مرجعولهم حتى خبر هوما قالولهم كي تفرا نخبروكم مي لدرك ما خبروهم ما والو و مااااااااما دايما تعرقل و تحاول تبعد الوقت ما فهمتهاش قاع مع العلم انو هدا الخاطب نا س ملاح و اخلاق و الحمد لله مي دايما نحسها ماش حابة درك و تحاول تبعد و تأجل و تخرج في الاسباب و ناس العريس عطاونا حتى لشعبان العرس لانه دارنا شرطو يأجلونا شويا هوما كانو حابين في ديسمبر مي قبلو و قالو معليش حتى لشعبان لكن الأن ما صرات لا خطبة لا دفوع باش نوجد روحي و ماما قاع ماش هامها و مدابيها يزيد يتأجل و تقول ما كفانيش الوقت مي هوما حابين شعبان و ما يزيدوش يأجلو كثر من هاك معلباليش واش راها تخمم و هي حابتني نخدم على الاقل عام و انا مش حابة و درك راني الحمد لله ادماج و دايما كي نحب نجبدلها على الموضوع تحاول تتهرب و تليكيدي فيا مش حابة تتكلم في الموضوع قاع و ادا اتكلمت تبدا تعيط عليا و تقولي علاه راكي ديري هاك و انا ما درتش لماما هاك كيفاه نتي خرجتيلي كيما هاك يعني حابتني نخدم عام و منبعد ساهل و انا مش حابة الخدمة و مانيش حابة نكلف روحي في العرس و الله حرت كيفاش ندير معاها خايفة تغضب عليا و لا تعاديني و انا مش غالطة كيفاه ندير درك حرت واش الحل و مع العلم حابة نبدا نوجد روحي و نشري بالشوي بالشوي ما بين ما دفعولي لكن هي مش مهتمة اصلا و راها نورمال دايرة في بالها يزيدزلها في المدة والله حشمنا نع هدا الناس من مارس العام الي فات مااستقبلناهمش و راه داخل مارس الجاي و حابين العرس في شعبان و ماما ولا على بالها و دايرتني انا الغالطةو مانسمعش كلامها عاونوني بكاش حل شكرا

[ام مهدي 03]

شوفى اختى نصيحة سبب المشاكل راهم النسا سيرتو كى يخلولهم الرجال لابال فى يديهم. اذا عندك خوك كبير اهدرى معاه والا اذا قدرتى اهدرى مع باباك
والا اهدرى مع واحد من العايلة عمك .خالك. ....يهدر مع باباك يتولى هو الامر واخطيك من حكايات النسا.

[Mima Imene]

المشاركة الأصلية كتبت بواسطة ام مهدي 03

شوفى اختى نصيحة سبب المشاكل راهم النسا سيرتو كى يخلولهم الرجال لابال فى يديهم. اذا عندك خوك كبير اهدرى معاه والا اذا قدرتى اهدرى مع باباك
والا اهدرى مع واحد من العايلة عمك .خالك. ....يهدر مع باباك يتولى هو الامر واخطيك من حكايات النسا.

شكرا اختي لكن و الله ما نقدر نتكلم مع حتى واحد لا بابا لا خويا نحشم نتكلم معاهم في هدا الموضوع

[جمعي البشاري]

ربي يكون معاك

[jiji17]

اصبري وربي انشاء الله يسهلك امورك

[bellaluna]

المشاركة الأصلية كتبت بواسطة mima imene

شكرا اختي لكن و الله ما نقدر نتكلم مع حتى واحد لا بابا لا خويا نحشم نتكلم معاهم في هدا الموضوع

بما أنّك لا تستطيعين الكلام فاصبري أختي.

[سارة الهاشمي]

مشكووووووووووووووووووووووووووووووووووور

[*تسنيم*]

يظهرلي امك خايفة من مصاريف العرس و الجهاز فهميها بلي ربي يسهل في امور الزواج وبلي الطفل مايقدرش يسنا وبلاك يشوف جهة اخرى

[وصال سلام]

شوفي اتكلمي مع وحدة من خالاتك تكون قريبة من ماماك وفهميها وهي تتوسطلك ليها وتعرف السر وراء تصرفها

او هذا الشاب يبعث باباه لباباك باه يتفاهموا على الدفوع وعلى كلشي

كيما قالت ما مهدي حاجة النسااء ديما ما نريحلهاش مش كيما كلمة الرجال

راكي عارفة النساا

وربي يسهلك يااااارب ويجمعك معاه في خير ياااارب

[Mima Imene]

شكرا ليكم قاع أن اتكلمت مع خالتي و فهمتني لكن شفتها تساير فيا برك و متقدرش دير حاجة حتى ماما توافقلها و الله حرت و حتى في أمور المصاريف راني قلتلها بلي مش حابة نكلف روحي و ندير قد روحي برك

[optimism]

السلام عليكم
ابحثي عن شخص يقنع امك ,,,,,,,,,يعني تعملوا خاطر وياثر فيها ,,,,,,,,,اكيد ستجدين,,,,,,,,,

[عابد لله]

برأ يي تقاطعيها اي لا تتكلمي معها إلا للضرورة سلمي عليها لكن لا تجلسي معها انسحبي إلى غرفتك حتى تعرف أن ما تفعله لا يجوز شرعا وان التعجيل بزواج البنت سنة. أنا لأ أقول لك عقيها حاشا لكن يجب ان تشعر انك مستاءة وأنك منطوية وهكذا سوف تسعى لايجاد حل للمشكلة. وإذا وجدت من يكلم ابوك يكون أحسن لك ولها