كرهت حياتي

[douniadiab4]

مساء الخير
والله حالتي يعلم بيها غير ربي الناس معيدة فرحانة وانا نبكي
زوجي عندو مدة وهو متبدل عليا من نهار شرينا الميكرو وهولاصق فيه يخليه غير غير كي ياكل او يرقد
ودائما من يخلص منو يروح يرقد حتى أصبح يهمل واجباته الزوجية

كما انني لاحظت انه يتفرج فيديوهات اباحية كما انه يتحدث مع البنات بحجة دعوتهم لمجموعته في الفايسبوك
مع العلم انه لايكسوني دائما انا في حاجة لابسط ماتلبسه المراة وهو يقول انه لايملك النقود لكن اول مايكون عندو صوارد يشري لروحو ويخليني واخرتها نهار العيد طلبت منه ان اذهب ال بيت عمي مع اهلي فقبل بصعوبة بالرغم من اني زرت اهلو اول عيد وماقال والو ولكنه نغص معيشتي وهو يتصل بي كل دقيقة وفي الاخير عدت الى المنزل ومعي العشاء له ولكنه رفض اكله وطلب مني اعداد عشاء اخر واليوم كذلك درت الشواء ولكنه طلب مني نقليلو المهم يعكسها
ناهيك عن الشتم كما انه ضربني امس عاد من تنفحلو على ابسط الاسباب يرفع يدو عليا
مافهمت فيها والو قولولي هل هذه دلائل انو زوجي يحب وحدة اخرى

[*سندوسة*]

مساء لخير اختي

خسريلو لميكرو بلا ماتحسيه بلين تي لي فسدتيه وهكذا تتهناي ربما من بعض المشاكل

[ولد حمد الباتني]

كيما تقولي يما (واش حاملة النسا فالديار)...
ربي صبرك

[albert walid]

اختي نوصيك بدعاء وتضرع الى اللوخاصة بصلاة الفجر لو جا بيدي نحرقلو ميكرو بكانش فيروس
مو مشكلة حب اخي
مام انا راني نظل لاسق بالميكرو ههه الله يعلم كفاه ندير معا مرتي الي يكتبهالي الله
لكن حاولي تصبري ومتحسيه باي شئ ولا تعملي عاه مشكل اني حسو يحب يلسق باي سبه ذركا بطول يذربو الحيط لراس ويولي
لكن دعاء ثم دعاء

[ولد حمد الباتني]

المشاركة الأصلية كتبت بواسطة yasmin2013

مساء لخير اختي

خسريلو لميكرو بلا ماتحسيه بلين تي لي فسدتيه وهكذا تتهناي ربما من بعض المشاكل

هذا حل مؤقت برك يعدلو وﻻ يعاود يشري

[*سندوسة*]

اختي ربي يفرج عليك

المرة الاولى استعملي الظرافة ولسان لحلو وغيري طريقة معاملتك معاه يعني يلا كانت فيك حاجة ماشي مليحة بدليها يعني طبيعة التنقريش او اي شيء من هذا القبيل شوفي لحاجة لي مالقاهاش فيك ولقاها في جهة وخدخرة

المهم جربي هادي اولا وصبري قد ماتقدري واستغفري كل ماتقربتي من ربي سبحانو كتر كل ما تغيرت حياتك للاحسن

ويلا مانفعتش هاد الطريقة

نجربو طريقة وخدخرة

[زَكَرِيَّاْءُ]

لا حول ولا قوة إلاّ بالله ، أسأل الله السلامة والعافية أختاه .

صبّرك الله ، وهدى زوجك لما يحب ويرضى وأخذ بناصيته الى البر والتقوى

[*سندوسة*]

المشاركة الأصلية كتبت بواسطة ولد حمد الباتني

هذا حل مؤقت برك يعدلو وﻻ يعاود يشري

المهم هذا يخليها تكسب شوية وقت باش تتصرف بحكمة ورزانة وتستعيد انفاسها باش تدخل لمرحلة تقرير المصير

[douniadiab4]

اختي ياسمين صدقيني مرة على مرة نبدل العقلية معاه باه نشوف لكن والو
هو داير في بالو اني ماعندي ماندير
وهو عمرو مايحاول يغير او كي يشوفني ماعجبتنيش حاجة مايحاولش يسقمها مش هاماتو راني مرتاحة او لا المهم هو
ولما ضاقت بيا قتلو اذا كرهت مني قولي ولى روح تزوج خير ماتخلطني مع الحرام لكن قالي مش حتان تقوليهالي انت راه جاي وقتها
يعني القضية قضية وقت

[*سندوسة*]

والله مالقيت ختي واش نقولك

ربي يفرج عليك

بلاك هو استغل ضعفك

بصح نتي عندك داركم وخاوتك يعني مكان حتى مشكل معاهم؟

[douniadiab4]

المشاركة الأصلية كتبت بواسطة زَكَرِيَّاْءُ

لا حول ولا قوة إلاّ بالله ، أسأل الله السلامة والعافية أختاه .

صبّرك الله ، وهدى زوجك لما يحب ويرضى وأخذ بناصيته الى البر والتقوى

راني ديما نقولو وهو مش سامع هدرتي خلاص درك عادت عندو حساسية وزيد انا كي شفتو مركز مع الميكرو وناسيني حاولت معاه ومن بعد خممت في روحي وبديت نحكي مع لبنات في المنتديا باه مانركزش معاه بصح كرهتو لانومركز على راحتو ويشوف غير الحاجة الي مش مليحة فيا بصح لحوايج لملاح لا

المشاركة الأصلية كتبت بواسطة albert walid

اختي نوصيك بدعاء وتضرع الى اللوخاصة بصلاة الفجر لو جا بيدي نحرقلو ميكرو بكانش فيروس
مو مشكلة حب اخي
مام انا راني نظل لاسق بالميكرو ههه الله يعلم كفاه ندير معا مرتي الي يكتبهالي الله
لكن حاولي تصبري ومتحسيه باي شئ ولا تعملي عاه مشكل اني حسو يحب يلسق باي سبه ذركا بطول يذربو الحيط لراس ويولي
لكن دعاء ثم دعاء

راني ندعي في ربي لكن غاضتني روحي طول عمري وانا مدايرة ربي في بالي مع اني قريت في الجامعة وجاتني فرص باه نعيش كيما لبنات بصح انا قلت انا خلقني ربي كنز لزوجي فقط بصح ختى زوجي مايفهمش واش معنتها حياة زوجية

[douniadiab4]

المشاركة الأصلية كتبت بواسطة yasmin2013

والله مالقيت ختي واش نقولك

ربي يفرج عليك

بلاك هو استغل ضعفك

بصح نتي عندك داركم وخاوتك يعني مكان حتى مشكل معاهم؟

لا بالعكس علاقتو مع اهلي رائعة

[khawlita.dz]

الحل بيديك وليس وراءك
انت المسؤولة على حياتك وعلى طريقة عيشك لها وعلى الطريقة التى يعاملك بها الناس واولهم زوجك
قبلت لالدل على نفسك من اول يوم وبالتدريج حتى صرت الى ما انت عليه اليوم
بالطبع هو يعتقد انك لا تستطعين فعل شىء وانت مقتنعة بالفكرة
اثبتى له بانك تستطعين وتستطعين حتى التخلى عنه لتكسبى نفسك وحياتك
لا يوجد شىء لالدنيا يستحق ان يدل المرء نفسه لاجله فكرى و تصرفى وقررى كيف تريدين ان تعيشى وكيف تريدين ان تعاملى ولاتقبلى باقل ماتستحقين
وتدكرى دائما انك حرة ابنة حرة ولم تتزوجى لتدلى بل تزوجتى لتبنى و تشيدى وتنشرىء عشا يخرج منه رجالا ونساءا يحملون بعدك المشعل فعلميهم العزة والكبرياء والحقوق والواجبات
فلن يكسبوا منك الا مايرون منك
بالتوفيق

[*سندوسة*]

المشاركة الأصلية كتبت بواسطة douniadiab4

لا بالعكس علاقتو مع اهلي رائعة

ايا نتي استغلي الفرصة

وحاول دخليهم باش يصلحو الامور

ولكن بالتي هي احسن

وربي يجعل الخير

[زَكَرِيَّاْءُ]

المشاركة الأصلية كتبت بواسطة douniadiab4

راني ديما نقولو وهو مش سامع هدرتي خلاص درك عادت عندو حساسية وزيد انا كي شفتو مركز مع الميكرو وناسيني حاولت معاه ومن بعد خممت في روحي وبديت نحكي مع لبنات في المنتديا باه مانركزش معاه بصح كرهتو لانومركز على راحتو ويشوف غير الحاجة الي مش مليحة فيا بصح لحوايج لملاح لا

راني ندعي في ربي لكن غاضتني روحي طول عمري وانا مدايرة ربي في بالي مع اني قريت في الجامعة وجاتني فرص باه نعيش كيما لبنات بصح انا قلت انا خلقني ربي كنز لزوجي فقط بصح ختى زوجي مايفهمش واش معنتها حياة زوجية

أنت مسلمة صالحة أختاه ، فعليك بدعاء الله أولّا ، والعمل بما يجب من الأسباب التي تعين على إصلاح ذات البين.
ولا يزال في أمّة محمدٍ خيرٌ كثير ، ولن أنساك من صالح الدعاء
أسأل الله أن يوفقك لمرضاته ، أو نتعود المياه الى مجاريها ، وأن يسعدك في بيتك وأن يرزقكما ذرية صالحة ، وأن يهدي الزوج لأقوم سبيل.