واش معناتها ....اعطوني رايكم

[biologie2001]

عادي جدا ....كل واحد حر في تسمية ابنه

[ام ملاك.]

يااختي والله من ناحيتي مانيش نشوف فيها مشكلة نهائيا
الله يسهل عليها حبت تسميه يحي ولا قدور ولا علي حاجة تخصهم واذا حبت تدير زكارة تديرها ماتعمريش راسك بيهم
انا نهار زيدت بنتي سميتها ليديا ملاك بعد ايام راجلي قالي لوكان برك سميتها على اسم جداتي؟؟
واسم جداتو اسم امازيغي قديممممم والله تكبر يشبعو عليها ضحك ويديروها مسخرة -(ججيقة)؟؟؟
قلتلو مزية سميتها واللي حبت من سلافاتي تسميس بناتها بيهم تسمي والله مايهمني المهم انا مقتنعة وهذي بنتي انا كل واحد حر في اولادو
واش حبيت نقولك اختي من كل القصة ماتعمريش راسك والله هذا مشكل تافه عيطيلو باسمو محمد على افضل الخلق ويارب يطلعلك متخلق وطايع ربو خليك من سلفتك وزكارتها ماتسمن ماتغني من جوع
الله يهدي

[bellaluna]

كانت امامك فرصة تسمية الإبن على إسم جدّه فلم تقبلي و سلفتك قبلت ما المشكلة ؟ كلّ شخص حرّ في إختياراته.

[إكليل]

هذي الشي عادي و يحدث بين السلايف و في كثير من الأسر حتى في عائلتنا إذا سمى أبي إسما لأحد إخوتي فإعرفي أن هذا الأسم ستجدين له نسخا كثير في بين أعمامي و حتى في أسامي البنات

[السي محمد]

يعني على حساب ما نتخيل / عقلية المراة/

عجوزك تحب سلفتك و ابنها اكثر منك و ابنك

لأن ابنها اسمه يحي على اسم زوجها ربي يرحمو


------------------------------------


بالنسبة لي كرجُل...الامر تافه و لا يستحق التفكير فيه

ربما بالنسبة لكم كنساء الامر مهم و خطير


افتحي الموضوع مع زوجك

[امينة مناد]

السلام عليكم
ايه ............انا نقوللكم انوا نسكنوا في بيت واحد وابني اسموا محمد يحي والعائلة كلها تعيطلوا يحي وسلفتي سمات وليدها يحي باش اتنحيلي الاسم ويقعد محمد
برك
المهيم شكرا على النصائح وصح الامر تافه وفي غاية التفاهة خاصتا انوا اليوم جات عجوزتي وقالتلي راني رايحا اندير اسبوع لوليدي ..................انا افهمت قصدها لخاطر انا مادرت السبوع ومادرت والوا لخاطر دار زوجي مجوش العندي وما توسوليش بيه ومشفوهش حتى ولا عندوا 3 اشهر واحنا ساكنين في بيت واحد...........................................هذا كلوا اقمار فيا ............المهيم كيما قلتوا واقيل انا الي نتبع الخوزعبلات والامور الجايحة
نشكركم مرة اخرى .
ياريت من الاخت سلطانة ترسلي الفايسبوك اديالها

[اياد حياتي]

والله اختي متعمري راسك حتى انا نهار الي ولدت قالولي سميه على جدو وانا ما حبيتش لاخطارش اسمو لخضر وعلاه نسميه هذا الاسم وكي يكبر يقولي علاه حتى حماتي عندها زوج ولاد مهيش مسمياتهم هكذا وبقاو يهدرو وانا والله ما حرت فيهم حتى سكتو غير لوحدهم حتى راجلي ما حبش هذاك الاسم

[الألماسة]

الله يسهل عليهم راهم يشنوا فيك
سلامة وليدك و راجلك
صفي نيتك و يدزو معاهم
ما تعمريش راسك

[sisouni]

يا اختي الله يهديك
انت عيشي حياتك افرحي بوليدك وادعي ربي يجعلو ذرية صالحة و ما همكك لا في زيد لا في بوزيد
و سلفتك نتمناو لها الهداية انشاء الله

[امينة مناد]

شكرا جميعا لكم في البداية كنت في غاية الغضب ولكن ارائكم جعلتني حقيقتا ارى الموضوع تافه مثلما نضرتم انتم له شكري الخاص لكل من شارك برايه

[فانيسا]

يا اختي اسمحيلي الموضوع ميستهالش كل هدا التقلاق هي سماتو هكدا عندها خلفية ودرتها زكارة فيك متهتميش بالموضوع خلي تسميه كما تحب انت عيطيلو محمد وخلاص متعمريش راسك

[om mohamed 1960]

يااختى يحيى ولا محمد .كيف كيف الاهم تربيتو واخلاقو من وجاى.