الجزء 179 من كوزينة احلى رفقه كوزينة الحراير

[omjoujou]

السلام عليكم ورحمة الله وبركاته
صباح الخيرات
رمضان مبارك على الجميع
ربي يقدرنا ويعينا على صيامو و قيامو وربي يتقبل منا صالح الاعمال
اللهم اميييييين

[ام كادي]

المشاركة الأصلية كتبت بواسطة cilia

[img][/img]
[img][/img]
عشانا اليوم اسكالوب و حريرة و سلاطة نسيت مصورتش الحريرة
و هذاك كيك بالشوكولا تقهوينا بيه العشية
و هذا قلب اللوز مزال مقطعتهش جا هايل هوليك ام كادي اتفضلي
[img][/img]
[img][/img]

ياماما يهبل يهبل اعتمدتي وصفه ام وليد كيما راهي يخي ؟

تعيشي شحال طول و عرض البلاطو الي خدمتي بيه

[أم يوسف2]

صباح. الخير وصح رمضانكم حبيباتي

[fleur de lili]

صباح الخير عليكم رمضان كريم
نصوم بصحة ربي يتقبل منا ومنكم أمين

[اريج 07]

سلام الله عليكم احبتي و رمضان مبارك عليكم كل وخدة باسمها
اللهم قدرنا على الصيام و القيام

[انا هي رزيقة]

السلام عليكم نهاركن سعيد حبيباتي ... يا عمري جا رمضان و جاب معاه وجوه الخير ام رحاب الغالية و كاوكا و ام جوجو الفحلة و حبوبتي مريومة المزيونة و ام يوسف و ام سدرة ..... رمضان كريم يا احلى لمة كل وحدة باسمها .... ان شاء الله يعود النشاط لهذا الصرح الجميل بمناسبة شهر الخيرات اللهما امين

[انا هي رزيقة]

واو اختي سيليا مشاء الله عليك و الله قلب اللوز و عليه لكلام يهوس .....تسلم ايديك يا احلى فحلة و بالمناسبة نشكرك على كوزينتك حنونة و على حسن ضيافتك

[أم يوسف2]

رزيقة اختي ترحب بيك الجنة توحشتكم بزااااف
كيما تعرفوا راني مع التربية والبيبي طيبت شربة ودرت الصوص تاع لكباب وطفيت عليهم مازالي نقلي البطاطا وندير لحم لحلو لعشية ان شاء الله ونزيد سلطة
وحبيت نقوللكم على وحد التطبيق عجبني اسمو خاتم القرآن

[انا هي رزيقة]

هذا عشانا نهار لخميس بيتزا امممم عندي مدة مدرتهاش مع خبيزات صغار كوبييتهم من عند ابلة ام وليد ربي يحفظها و نقولها صح رمضانك يا احلى فحلة ..... هي سماتهم مملحات اقتصادية ... انا للامانة درتهم بعجينة 10 دقائق ... و درتهم اكبر من تاوعها و رافقناهم باالفغيت على قول ليزاتي العسل لي نقولها صح رمضانك يا طيبة... و درت كمية منهم في المجمد ناوية نرافق بها شريبتي لعزيزة خلال هذ الشهر الكريم

[انا هي رزيقة]

اهلين اختي ام يوسف و الله فرحت بعودتك ربي يعينك مع التربية .. اكيد صعيب الحال مع الاولاد ربي يخليهملك يا رب.. و بصحتك مسبقا الشريبة مع الكباب راكي فحلة الله ابارك كملتي كلشي ..... مشاء الله عليك

[انا هي رزيقة]

و هذو المملحات الاقتصادية بطريقتي

[انا هي رزيقة]

و بما انو اول يوم في رمضان راكم اكيد كامل دايخات بسبب القهوة الصباحية لي مشربتوهاش ...مالا جبتلكم الانتعاشششششش......ايه حقا toile هذيك البيضة لي شريتها معجبتش زيكو ... قالي تخصها االالوان ..... ملا البارح راح شرا واحدة اخرى من السوبيرات كلها انتعاش و حيوية ...... خخخخخ قولولي يا بنات عندو ذوق و لالا ...... خخخخخخ

[انا هي رزيقة]

نروح نخدم شوية و نولي نحطلكم كواليس فطوري اارمضاني تم اليوم متغيروش القناة .....خخخخخخخ

[حياة نور الدين]

صباح الخيرات اوووو مساء النور ههههه

دخلت على الغاليات والحبيبات نورتوا خياتي

ام رحاب رمضان كريم ونورتينا حبيبتي

ام جوجو العميرة طل القمر كل عام وانت بخير

رزيقة اهلااا بك حبيبتي رمضان كري وعقبال العام الجاي والبيتزا والخبيزات والنتعاش والتوال كلشي ملون ويدخل الفرحة للقلب ماشاء الله عليك
وبصحتك التوال ويكثر من مجايب سي سيد

سيليا السيلله يبارك على اطباقك وقلب اللوز ينطق حبيبتي تسلم ايدك

بيلسان رمضان كريم حنونة

ام يوسف تامني توحشتك واش راكي واش راهم الاولاتد وعندك الحق لازم تتحايلي على الوقت مع التربية

وردة حبيبتي ربي يسهلك ويسلكك بخير ورمضان كريم

كوكا هدي غيبة رمضان كريم حنونة

ام كادي مرحبا بك معنا حنونة

ام سدرة توحشناك وتوحشنا اطباقك الحلوة رووووعة حبيبتي الله يبارك

نور وامل اطباقكم تهبل ورمضان كريم

زخرفة، امي فلوغ وكل الغائبات رمضان كريم

[انا هي رزيقة]

راني وليت ...... و دخلت على جرنان حيوتة الجميل مشاء الله عليك ام مهدي يا ختي منسيتي حتى وحدة ..... يعطيك الصحة مازال ذاكرتك صحيحة مشي كي حالتي ... ربي يبارك فيك حنونة و يا عمري الف شكر على كلامك الطيب و رمضانك احلى حبيبتي انتي و كل احبابك اجمعين .. نسيتي برك تقوليلي واش دايرة فطور اليوم ياخي انا مندخلش لعشية يعني حتى لغدوة باه نشوف واش حطيتي فطور ....... خخخخخ