من فضلكم ما هي الطريقة المثلى لحفظ عجينة مورقة

soussou_saida · 2013-07-06, 21:49

هل يمكن الاحتفاظ ب العجينة المورقة لمدة طويلة و هل الاحتفاظ بها يكون في congelateur ou refrigirateur

*أم ثازيري* · 2013-07-06, 22:19

اختي ادا كانت كمية كبيرة و ماكيش رايحة تستعمليها في ظرف يومين لازم تحتفظي بيها في الكونجيلاتوغ سي نو تقراصلك
و قبل ما تخبيها اقسميها قطع قدر ماتحتاجي للاستعمال و غلفي كل قطعةpapier film
لانك كن تجمدي كمية كبييييرة مع بعضاها من بعد لازم ديكونجليها كامل و تستخدميها كامل...
و نوصيك كي الديكونجليها خليها في غرضها و كي تحبي تبسطيها ماتلضيش عليها بزاف باه مايروحولهاش الطبقات
ان شاء الله نكون افدتك

muslimone · 2013-07-06, 22:20

نعم يمكن الاحتفاظ بالعجينة المورقة في الكونجيلاتور وتبقى كيما هي لأنها فالفريجيدار تحماض وهذا راجع للزبدة لي فيها مع العجين تكون ريحة مش مليحة، أنت قصيها أطراف قد ما تحتاجي كل مرة باش ماشي تخرجيها كامل وغلفيهم مليح مليح في صاشيات زوج مرات باش ما تدخلهمش رطوبة المجمد وخبيهم وكل ما تجبدي صاشي خليه يديكونجلا من بعد خدميها عادي ولكن ما تعاوديش ترجعيها للمجمد مرة أخرى
الله يوفقك

kokotg · 2013-07-06, 22:28

نفس النصائح قدموها الاخوات

soussou_saida · 2013-07-07, 21:38

merci
rabi yehfadekom
tssoumou besaha inchallah