حكايتي مع يوم النتائج

نبض قلبي · 2017-07-24, 23:42

السلااااااااااااااااااااااااااام خاوتنا جماعة الباك
ان شاء الله تكونوا ملاح
راهو مابقاش اقل من 24 ساعة وتظهر النتائج
واش نقولكم كلنا فتنا على خلعة الباك
انا نشفا كنا في الدار و كنت نستنا قريب مت المهم من الخلعة عييت نمشي العشية هاديك
ايا في الليل الكل راهو يستنا وقتاه يفتح السيت مابغاش , خلاص انا رحت فيها
ايا من بعد درت شفت النتيجة 16,50 تصدقو و لالا بلي عيطت عيطة وحدة و من بعد نضت نبكي ماعجبنيش المعدل و قاعدة غير نبكي , اختي زغردت على الشعرة قتلتها(بيناتنا نتفكر روحي نموت بالضحك) من بعد نشفى استاذتي عيطتلي في الهاتف و سقساتني على المعدل لقاتني نبكي هههههههههههههه دارتلي درس , المهم نوصيكم المهم تجيب المعدل اللي تقدر دير بيه وش حبيت , يبقى الامتياز هذاك كيما كتبلك ربي , فرحة الباك راهي ماتتعاودش طعمها خاص
المهم الحمد لله راني مدايرة طب و هانا ندزو و نقراو و هدا ماكان
والله عام يفوت ماكانش كيفو
تطلعو للجامعة و تقولو عام الباك مايتعاودش
المهم بالتوفيق للطلبة تاعنا و ان شاء الله تجيبو المعدلات اللي تفرحكم يااااااااااااااااارب
بالتوفيق

kada292 · 2017-07-24, 23:52

شكرا اختي اثرت فيا القصة كانني عشتها معك هههههههه ان شاء الله ننجحو و نديروا الحاجة ليرانا باغينها كيما قلتي اختي <3 :'(

نبض قلبي · 2017-07-24, 23:58

ان شاء الله ربي يوفقكم و يناولكم المراد

المُعادلة الصّعبة · 2017-07-25, 00:00

جيد جدا اختي
اتمنى لك التوفيق في حياتك وفي باقي مشوارك الدراسي
هل يمكنك اخباري بالعلامات التي تحصلت عليها في كل مادة ؟

نبض قلبي · 2017-07-25, 00:21

بالتاكيد
18,5 في الشريعة
17 في الرياضيات
16,5 في الفيزياء
18,5 في الفلسفة
18,5 في الفرنسية
15,5 في العلوم
17,5 في الانجليزية
16 في الأدب
12 في الاجتماعيات