مشروع مدرسة الدروس الخصوصية لكل المواد - الصفحة 2

ميمي مانو · 2014-01-17, 14:48

بالتوفيق فكرة جميلة لكن الافضل تتخصصي ف مادتك فقط الا اذا عندك مساعدة هكاك معليش

soha1987 · 2014-05-11, 11:46

اقتباس:

المشاركة الأصلية كتبت بواسطة باهي جمال

ربما تناسبك اكثر روضة للاطفال الصغار حوالي 20 طفل تقومين على رعايتهم وتربيتهم

علاش راك تشوف فيا حابة نربي ولاد الناس
انا حاملة لشهادة الدرسات العليا واريد تدريس اختصاصي حتى يفرجها ربي وننجح فالمسابقة
رايك هدا احكمو عندك

ouvrage · 2014-05-11, 20:57

انا صراتلي كيما نتيا استخلاف ماكانش او بالاحرى تاع لحباب و العايلة, دورتها دروس خصوصية بصح انا عندي ماتريال و قاراج جاتني ساهلة مانخبيش عليك بديتها قسرة ومبعد ما شاء الله عجبتني بزاف و ناوية في العام الدراسي الجاي ان شاء الله نكبر في المشروع و ندخل مواد اخرى ...... حبيت نقولك ابداي اليوم قبل غدوة ماكي خاسرة والو و حق الماتريال تدخلو في شهر

souhiel · 2014-05-11, 22:30

مشروع جيد انا شخصيا فكرت فيه والان انا ندرس فيه ممكن السنة الدراسية المقبلة ان شاء الله ننطلق ونصيحتي للأخت الإرادة انا شخصيا ساعات نفشل ربي يوفقنا كامل

soha1987 · 2014-05-22, 21:16

شكرااااا لكم طلعتولي المورال وان شاءا لله نحققواش في قلبي دعواتكم اخوتي
سلام

مرام 1987 · 2014-05-23, 14:22

ربي يوفقك حبيبتي سهى
ربي يكون في عونك

freemantalking · 2014-09-16, 13:20

سلام أختي معك مهدي من الجزائر العاصمة تقريبا لدي نفس مشكلتك لكنني لا أمتلك المال لفتح مؤسسة خاصة بالتعليم
أنا أقدم دروس خصوصية

SevoreK · 2014-09-23, 02:20

ربي يفرج علينا كامل

boudov · 2014-09-24, 17:17

فكرة مباركة اذا راك في الاغواط او الجلفة مستعد نعاونك ماديا وحتى ادرس معاك مواد علمية

fatma1977 · 2014-09-24, 20:04

مشروع رائع ننصحك تعملى برأى الاخ التحنجير كيما قالك ما تسمعيش للمثبطين وربى يوفقك أبدى بالمادة نتاعك وراح تلقاى من يعاونك فى المواد الاخرى حتى الشمبرة نتاعك تكفى بالغرض ل10 تلاميذ كل 5 فى طاولة بلاستيك وكراسى وأنتى تدرسى على السبورة وتشرحى درسك ومن بعد تعملى تطبيق فى السبورة وتعطيهم تطبيقات يفتحو جزء منها على كراس تتركيها عندك والباقى فى كراس المحاولات نتاع البيت مع الحزم لانو علابالك التلاميذ هذ الوقت غير بالتزيير يجيبو نتيجة رانى خدمت فى دارنا دروس خصوصية للسنة الخامسة لمادتى الرياضيات والعربية عاملة غير 10وجابو نتيجة هايلة والله ندرس فيهم فى غرفة نومنا نحن البنات والحمد لله والله حتى أنا كرهت من المسابقات نتاع التربية دون نتيجة وذرك راهم يحللولى باه نقرى الدروس الخصوصية لكن علابالك الزوج والاولاد ما قدرتش وقت راحة زوجى يجونى الاولاد للاسف ما قدرتش الاولوية لزوجى وولادى ربى يحفظهم

ربى يوفقك أختى ويعاونك وراهى حاجة مليحة تعاونى الاولاد فى دراستهم وتزيدى تبذلى معاهم مجهود راح تربحى ثوابهم قبل أجر المال الى راح تستفيدى بيه والمبلغ أنا عمتى تدرس لغة فرنسية حصتين السبت والجمعة ساعة ونصف لليوم ب1000 دج المبلغ لشهرى