يوميات عضوة - الصفحة 2

نهى اسطاوالي · 2014-02-17, 11:01

السلام عليكم حبيبتي ام عبودة أتشرف كثيرا بالرد على موضوعك الأكثر من رائع وحقيقة يومياتك جميلة جدا
أنا حابة تساعديني في طريقة نظم بيها وقتي مع اولادي لأنهم صغار السن واحد عندو عامين والثانية عندها 4 أشهر خربطولي اليوم قليلا لكن الحمد لله
على فكرة حاولت نرد على رسالتك ولكني لم أستطع لاني لم أتجاوز 1000 مشاركة ولكني حقيقة فرحت بها كثيرا كثيرا
جزاك الله خيرا وبارك فيك

ام عبودة · 2014-02-17, 11:25

راني نحك في الحيوط ونمسح في الابواب ومن بعد نوليلكم

ritaj salmon · 2014-02-17, 11:44

الله يعاونك الاخت ام عبود اكيد بعد حك الحيطان تسياق انا حكيت بالامس و اليم اليمو ان شاء الله معولة على تخمال خزائن الملامس .

ام عبودة · 2014-02-17, 12:03

نهى حبيبتي من بعد نحطلك حوااااب راني مشغوووولة الان اسمحييييلي

نهى اسطاوالي · 2014-02-17, 12:07

لا حبيبتي روحي لشغلك وربي يعاونك
اتهلاي في روحك

ام عبودة · 2014-02-17, 14:36

اقتباس:

المشاركة الأصلية كتبت بواسطة ritaj salmon

الله يعاونك الاخت ام عبود اكيد بعد حك الحيطان تسياق انا حكيت بالامس و اليم اليمو ان شاء الله معولة على تخمال خزائن الملامس .

اكييييييييييييييد انا نموت على الماء ماما بكري تقولي انت. كي الحوتة في الماء يا حليل راجلك
ونقولها ما ما وعلاه النقاء ساهل ههههههههه وصح ماما عندها الحق انا مهوسة بالماء شتاء وصيفااااا والحمد لله الماء طول الوقت وسخون او باارد الله يدومها نعمة

ام عبودة · 2014-02-17, 15:06

نهى مرحباااا بيك في موضوعي والله شرفتيني
صحيح تخلبطي شوي كي يكونو عندك الاولاد انا صراتلي مع اولادي الكبار راوية وعبد الحق بيناتهم العام برك على بالك كنت مرات نبكي وحدي من شدة العياء والتعب ما مان حتى واحد يحسن كيما امي الغالية كانت دائما تقولي اصبري يا بنتيىراهم رايحين يكبرو وتتهني من هاذي الشئ كله
ويكبر تخمامك عليهم والله غير صح اليوم ربي يخليهم ليا راوية 6 سنين وعبد الحق 5 راني وليت نخمم في دراستهم اكثر وتربيتهم اكثر كي عادو في المدرسة كل مرة يخرجولي بخرجة قلت يا الرحمة الجري من وراهم في الدار والتكسار وماكلتهم وزيد زيد
نهى خيتي رانا درنا دورة في التنظيف وكل شئ من بعد نحطلك الرابط تاعها والله غير تستفادي منها بزاف
وانت عاملة ام في البيت ههه قوليلي راكي تشوفي في استاذة في المهنة
اذاىكان كهذا صح لازم تنظيم وقت مثلا اليوم اللي درتيه للتنظيف العميق االغذاء دريه من البارح وخبيه في الثلاجة والصبااح غير سخنى واذا ما عندكش مشكل دري سندويشات فورماج وكاشير وعصير ههههههه
الغسيل اولادك بسلامتهم صغار يعني يخمجو رواحهم بزاااف حاول ما تخليش ملابسهم يتلمو دري زوج باسنات في الدوش واحدة للصابون انقعي فيها الحوايج والثانية شللي فيها مع مساحيق للاطفال كيما soupline يهبل والله غير ترتاحي من الغسيل
بنتك الصغيرة الا راكي عايشة وحدك حاولي كي ترقد تكمل صوالحك على خاطر تحب الهزان والا لهيت بيها تقعدي بلا عشاااء ههههه
راني نديرلك كي وحدة عندها ستين عاااام هههههه والله يا نهى خيتي راهو اللي عقب عبى راسي يشيب بلاااد كاملة الحمد لله صبرنا ودائما نقول يارب اجعلوا اخر المصايب
المهم راني عارفة بلي الدار اللي فيها الصغير اكيد تكون مكركبة وخصوصا اذا كانو كيما اولادي يحب يحطو اديه على كل شئ وشوفي ملا تسمعيش الى الناس اللي دايما يلوموك وعلاش راكي هكذا وعلاش دارك هكذا بروفيييتيييي وقت مع اولاد وعمرك ما تتذمري منهم وراهو يجي وقت تريحي
وزيدي كاش ما عندك حاجة قولي ما تحشمي مني مالو راني نحب نهدر في هاذو الصوالح ونحب نعاون الناس نتجاربي الخاصة جدااااااااا
وكيما قتلك شوفي الدورة واكيد رايحة تستفادي منها بزاااف صوااالح
واسمحيلي اذا قصرت في اجابةتي نزيد نتفكر ونقولك

ام عبودة · 2014-02-17, 15:14

نهى هاو ليك الرابط و يا رب تستفيدي انا عن نفسي والله غير ربحت منه بزااف حوايج اولها احلى صحبة لمة حراير من حراير بلادي
https://www.djelfa.info/vb/showthread.php?t=1473143

amina nourhanne · 2014-02-17, 17:08

عندك الحق حبيبتي الوحدة كي ترتب روحها تلقي راحتها

ام عبودة · 2014-02-17, 23:02

اقتباس:

المشاركة الأصلية كتبت بواسطة amina nourhanne

عندك الحق حبيبتي الوحدة كي ترتب روحها تلقي راحتها

مرحبا بيك خيتي معنا
والنظام اساس العمل والنجاح فيه

نهى اسطاوالي · 2014-02-18, 00:41

اقتباس:

نهى مرحباااا بيك في موضوعي والله شرفتيني
صحيح تخلبطي شوي كي يكونو عندك الاولاد انا صراتلي مع اولادي الكبار راوية وعبد الحق بيناتهم العام برك على بالك كنت مرات نبكي وحدي من شدة العياء والتعب ما مان حتى واحد يحسن كيما امي الغالية كانت دائما تقولي اصبري يا بنتيىراهم رايحين يكبرو وتتهني من هاذي الشئ كله
ويكبر تخمامك عليهم والله غير صح اليوم ربي يخليهم ليا راوية 6 سنين وعبد الحق 5 راني وليت نخمم في دراستهم اكثر وتربيتهم اكثر كي عادو في المدرسة كل مرة يخرجولي بخرجة قلت يا الرحمة الجري من وراهم في الدار والتكسار وماكلتهم وزيد زيد
نهى خيتي رانا درنا دورة في التنظيف وكل شئ من بعد نحطلك الرابط تاعها والله غير تستفادي منها بزاف
وانت عاملة ام في البيت ههه قوليلي راكي تشوفي في استاذة في المهنة
اذاىكان كهذا صح لازم تنظيم وقت مثلا اليوم اللي درتيه للتنظيف العميق االغذاء دريه من البارح وخبيه في الثلاجة والصبااح غير سخنى واذا ما عندكش مشكل دري سندويشات فورماج وكاشير وعصير ههههههه
الغسيل اولادك بسلامتهم صغار يعني يخمجو رواحهم بزاااف حاول ما تخليش ملابسهم يتلمو دري زوج باسنات في الدوش واحدة للصابون انقعي فيها الحوايج والثانية شللي فيها مع مساحيق للاطفال كيما soupline يهبل والله غير ترتاحي من الغسيل
بنتك الصغيرة الا راكي عايشة وحدك حاولي كي ترقد تكمل صوالحك على خاطر تحب الهزان والا لهيت بيها تقعدي بلا عشاااء ههههه
راني نديرلك كي وحدة عندها ستين عاااام هههههه والله يا نهى خيتي راهو اللي عقب عبى راسي يشيب بلاااد كاملة الحمد لله صبرنا ودائما نقول يارب اجعلوا اخر المصايب
المهم راني عارفة بلي الدار اللي فيها الصغير اكيد تكون مكركبة وخصوصا اذا كانو كيما اولادي يحب يحطو اديه على كل شئ وشوفي ملا تسمعيش الى الناس اللي دايما يلوموك وعلاش راكي هكذا وعلاش دارك هكذا بروفيييتيييي وقت مع اولاد وعمرك ما تتذمري منهم وراهو يجي وقت تريحي
وزيدي كاش ما عندك حاجة قولي ما تحشمي مني مالو راني نحب نهدر في هاذو الصوالح ونحب نعاون الناس نتجاربي الخاصة جدااااااااا
وكيما قتلك شوفي الدورة واكيد رايحة تستفادي منها بزاااف صوااالح
واسمحيلي اذا قصرت في اجابةتي نزيد نتفكر ونقولك

أختي ام عبودة والله غير بكيتيني تقول طليتي على واش كاين في قلبي صح تعبت لاني استاذة اعمل في الخارج وفي البيت من جهة الاشغال الحمد لله لكني تعبت جدا جدا حتى اصبحت لا العب مع ابني كثيرا ومرات يغيضني دايما يشوفني مشغولة ولى يلفت انتباهي باي طريقة تعبني بزاف ومرات نتساءل مع نفسي هل جميع الاولاد حركيون مثل ابني ؟
بصح تعرفي كي حكيت معاك والله ارتحت بزاف اعطيتيني القوة بعدما كدت افشل صراحة ماكاش لي يعاوني وامي بعيدة جدا فانا متزوجة في البرج ووالدي في العاصمة
حبيت نقولك يعطيك الصحة وربي يحفظك وماننساش فضلك على الاقل رجعتيلي ثقتي بنفسي وانا من اليوم مانزيدش نخلي هذا القسم ورايحة نستفاد منو بزااااااف بزاف
جزاكم الله خيرا

**افنان** · 2014-02-18, 07:36

ام عبودة ربي يحفظك ويبارك فيك يكثر من امثالك

صابرة2013 · 2014-02-18, 08:30

ما شاء الله عليك أم عبودة قمة النشاط ربي يعاونك

كابريسة · 2014-02-18, 08:45

ربي يعاونك و يعاوننا اجمعين صح المرأة تتكفل باصعب الادارات على وجه الارض
انا عندي مشكل واحد راني حاصلة معااه الملل و الخمول هذي فترة وانا مرات نكون كيما زمان كلش في بلاصتو و نكون كي النحلة و مرات تكون الدنيا مقوبة فوقاني تحتاني و انا تلقايني كي الصرصور هههههههههه

badr75 · 2014-02-18, 09:45

اولا اشكرك اختي ام عبودة على هذا الطرح زعلى الاهتمام نتمنى انك تفيديني في تنظيم يومي و اشغالي الخاصة لاني لم اتمكن من ذلك مهما فعلت اولا انا ام لاربعة اطفال اعمارهم 8 سنوات 7سنوات 5سنوات و9اشهر عاملة استاذة تعليم ابتدائي لكن لم اجد اين اترك ابنتي الصغيرة لذلك اني في عطلة مرضية لاجل غير مسمى وعلى الرغم اني استيقظ باكرا الا انني لااتمكن منالتوفيق بين امختلف المسؤوليات الزوج الى العمل الاولاد (8 و7سنوات) الى المدرسة وابقى انا والصغيرين رغم هذا لااجد اي وقت لاهتم بنفسي فدائما يعود زوجي ليجدني كما تركني كذلك ترتيب الخزائن اكبر مشكل يؤرق حياتي لست ادري اين الخلل فعدم تنظيم وقتي جعلني منهكة ولكن الكثير منالاعمال لم تنجز ارجو الافادة