السلام عليكم ورحمة الله وبركاته
انا حبيت نفتح موضوع على لي يقولو بلي عندنا مشكل الاطتظاظ وماراناش قادرين نقراو ....الخ
انك تقرا في الاكتظاظ خير من ماتقراش طول
( وراني نقرا في الاكتظاظ )
اذا كنتو نتوما تحوسو باش يقل العدد تاعكم حنا نحوسو على الامن هذا ماكان
نقلكم على المهازل لي راهم في ليسي تاعنا متأكدة تنسيكم في مشكاكلكم خاصة الاكتظاظ
احنا ما عندناش مدير لا مراقبين يصلحو يحبو يجيو يحبو ما يجوش وسالكين
والمشكل الكبير الاستاذة لي كل خطرة يخرجو بخرجة كيما يحبو هوما وعلى حساب المورال يقريونا ولا لأ
خلونا من الاستاذة ممكن يكون عندكم عباد كيما هكا ما يخافوش ربي
لكن التلاميذ .............. ؟
حنا عذنا منظمة داعش في الليسي تاعنا o.O
اليوم خرجو الدراري تع الليسي كامل خرجو الطوابل والكراسا صكرو الليسى مكانش لي يخرج
ولي غير يحاول يخرج يقتلوه غير قوليلي هادو مش ارهاب
جاتهم مراقبة كسروها ....... جا استاد بغى يخرج قتلوه بالضرب
احنا البنات بغينا نخرجو من هداك الكوري بصح كيما قلت حاطين دراري توال كل باب ممكن يدي لبرا
ارواحو نتوما وحلوها
ومبعدا دارو على بعضاهم هازين الكراسا يا عجابة يا ربي ويطيشو على بعضاكم
واحد هاز حديدة ... ومانقلكمش ولي يموت يموت يعني نشوفو في وحد المناظر تشل الرجلين
لا رحمة لا شفقة في كل بلاصة في هداك الليسي تلقاو دراري متقابضين
ولي يغيض .. جا صحفي من الشروق حاب يدخل لهداك الكوري باش يصور
دخل ابيض خرج ازرق والفوضى والمشكل يجيب مشكل
والبوليس مكانش ومنعرف حتان كيفاش خرجنا والله غير بالسيف
دوكا حنا رانا باك ؟؟؟؟؟؟؟؟؟؟؟؟؟ احنا زعما نقراو من بعد هادو التبهدايل ؟؟؟؟
انا نحب نقرا في الاكتظاظ نورمال المهم كاين الامن
طفلة مسكينة جات زجاجة في وجها واحد ما وقف معاها
الخطرة الجاية Who's Next
مالا احمدو ربي خاوتي
وادعولنا