موضوع مميز نتائج مسابقة الجمارك الجزائرية 2012-2013 ( إعلان النتائج) - الصفحة 61

customx2008 · 2012-09-28, 11:07

اقتباس:

المشاركة الأصلية كتبت بواسطة hanane_69

عندي سؤال اخر ربي يحفظكم
قالو لاخي اثناء التربص في مدرسة باتنة او ورقلة لا يوجد غرف نوم بل هناك dertoir اي مرقد
هل هذا صحيح ؟
شكرا واسفة على الازعاج

سلام عليكم اولا اتمنى ما نزيد نشوف كلمة ازعاج رانا هنا باه نساعدوكم
ثاني حاجة المراقد نتاع مدرسة باتنة جامي شفتهم لكن هم غرف كبيرة نتاع اربع افراد فقط
ورقلة انا درت فيها السطاج غرف مليحة وكيما جاي الشتاء مايحيروش الماء سخون طبيعي يعني الشتاء
يدوشوا كيما يحبوا والسطاج يفوت بسرعة اكيد والا جاء ورقلة ان شاء الله ماتخصوا شئ

customx2008 · 2012-09-28, 11:11

اقتباس:

المشاركة الأصلية كتبت بواسطة الشلالات

بارك الله فيك الاخت hanane_69 على المعلومات القيمة التي تشرح الصدر والله كلنا نترقب لحظة الاعلان عن النتائج والمسابقة بفارغ الصبر (حتى يإس منا الصبر هههه)ورانا متفائلين بعد كل شيئ وفما يخص المرقد كيف كيف رانا قابلين بكلش المهم ندخلو برك ونخدمو والنحيو على والدينا التخمام ونفرحوهم بينا ولكل الاعضاء نصيحتي ليهم بالصبر الجميل عسى الله ان يكتبنا من الناجحين فيها بإذنه تعالى

عندك الحق خويا المهم الدخول برك وين رقدت مش مشكلة المهم الدخول بالتوفيق لك ولكل الاخوة

الشلالات · 2012-09-28, 11:33

اقتباس:

المشاركة الأصلية كتبت بواسطة customx2008

عندك الحق خويا المهم الدخول برك وين رقدت مش مشكلة المهم الدخول بالتوفيق لك ولكل الاخوة

شكرا الاخ customx2008 وان كان الحاجا الوحيدا لمحيرتني وين يديرو ستاج جماعة لo b كل واحد كيفاه يقول واحد عنابة واحد يقول نص في باتنة ونص في ورقلة لهاذ الدرجة واقع التكوين في سلك الجمارك معندوش مدارس محددة بحسب الرتب وباينة على غرار الشرطة و وزارة الدفاع للمدارس تاعها معروفة بحسب الرتب و الاختصاصات كاش معندك معلومة ولا وجهة نظر من فضلك تفيدنا بيها بما انك في المجال وبارك الله فيك

customx2008 · 2012-09-28, 11:42

اقتباس:

المشاركة الأصلية كتبت بواسطة الشلالات

شكرا الاخ customx2008 وان كان الحاجا الوحيدا لمحيرتني وين يديرو ستاج جماعة لo b كل واحد كيفاه يقول واحد عنابة واحد يقول نص في باتنة ونص في ورقلة لهاذ الدرجة واقع التكوين في سلك الجمارك معندوش مدارس محددة بحسب الرتب وباينة على غرار الشرطة و وزارة الدفاع للمدارس تاعها معروفة بحسب الرتب و الاختصاصات كاش معندك معلومة ولا وجهة نظر من فضلك تفيدنا بيها بما انك في المجال وبارك الله فيك

الاعوان راح يكونوا بين باتنة وورقلة هذه متاكد منها اما الضباذ كما قلت ممكن يكونوا بين عنابة وورقلة خاطر مدرسة نتاع الضباط بالمخادمة راهي مستعدة لاستقبال الطلبة والله اعلم وممكن في وهران صراحة والله ماهي باينة خويا
خليها على الله وين جات جات وراح تلقى روحك وين تحط روحك خويا

دادي84 · 2012-09-28, 11:57

مدير الموارد البشرية للمديرية العامة للجمارك لـ"الشروق":
تأجيل مسابقات التوظيف في قطاع الجمارك

القرار بسبب مواصلة التصحيح رفقة مصالح الوظيف العمومي

أجلّت المديرية العامة للجمارك، الإعلان عن مسابقة جديدة خاصة بتوظيف 1000 جمركي ضمن دفعة 2012، من مختلف الرتب من ضباط الفرق وأعوان المراقبة وأعوان الحراسة لسنة 2012، وكذا مسابقة تخص 70 منصبا لرتب المفتشين الرئيسيين والمفتشين العمداء لشهر أكتوبر الداخل، بسبب عدم اكتمال عملية تصحيح ما تبقى من الملفات العالقة لمسابقة 2011.

وفي ذات السياق، أكد مدير الموارد البشرية للجمارك، بوجلطية جازولي، في تصريح لـ "الشروق"، أن عمليات التصحيح التي تتم رفقة مصالح الوظيف العمومي لما تبقى من بعض الملفات المتعلقة بالمسابقة التي أجريت سنة 2011، لا تزال متواصلة، وهو ما جعل الإعلان عن مسابقة 2012 عبر الجرائد الوطنية يتأخر عن موعده المقرر الشهر الجاري الموشك على الانقضاء.

وأفاد جازولي أن مجموع المناصب التي ستفتحها المديرية العامة للجمارك - بعد تأشير صادر من المديرية العامة للوظيفة العمومية على تلك المناصب المالية الجديدة بالقطاع الجمركي -، تقدر بـ1070 منصب، منها ألف منصب لضباط الفرق والأعوان (الرقابة والحراسة) سيخضعون للتدريب عبر مدارس التكوين التابعة للمديرية العامة للجمارك، و70 منصبا من الرتب العليا يخص المفتشين الرئيسيين والمفتشين العمداء (رؤساء الأقسام)، سيتم تكوينهم في المعهد المغاربي للجباية والجمارك بالقليعة في ولاية تيبازة.

وأوضح جازولي أن المستوى المطلوب للمشاركة في مسابقة التوظيف لضباط الفرق هو الحصول على شهادة البكالوريا زائد سنتين من التعليم العالي، مع تحديد سن المترشح ما بين 21 كأدنى حد و30 سنة كأقصى حد، وأما أعوان الرقابة فيشترط حصولهم على مستوى الثانية ثانوي والأولى ثانوي بالنسبة لعون الحراسة، علما أن شروط الالتحاق بسلك الأعوان تتمثل في تحديد السن ما بين 19 سنة و28 سنة.

وكشف مدير الموارد البشرية عن فتح 50 منصبا بالنسبة للمفتشين الرئيسيين الحائزين على شهادة ليسانس في القانون أو العلوم الاقتصادية أو العلوم التجارية والمالية، أو ما يعادلها من شهادة، وأن يتراوح سن المترشح ما بين 23 سنة و30 سنة، فيما أوضح أن هناك 20 منصبا جديدا سيفتح لفائدة رؤساء الأقسام برتبة مفتشين عمداء للحاصلين على شهادة ماجستير أو ما يعادلها.

وقال جازولي أن 1070 منصب جديد سيوزع على 15 جهة تمثل المديريات الجهوية لقطاع الجمارك، ويشار أن القطاع سيتعزز بـ79 مركزا للمراقبة الجمركية سيدخل الخدمة مع نهاية سنة 2013، منها المراكز المتواجدة على مستوى الشريط الحدودي الشرقي والغربي ومراكز أخرى في الجنوب، والتي ستكون بحاجة لفرق جمركية من مختلف الرتب.

الشلالات · 2012-09-28, 11:58

اقتباس:

المشاركة الأصلية كتبت بواسطة customx2008

الاعوان راح يكونوا بين باتنة وورقلة هذه متاكد منها اما الضباذ كما قلت ممكن يكونوا بين عنابة وورقلة خاطر مدرسة نتاع الضباط بالمخادمة راهي مستعدة لاستقبال الطلبة والله اعلم وممكن في وهران صراحة والله ماهي باينة خويا
خليها على الله وين جات جات وراح تلقى روحك وين تحط روحك خويا

بارك الله فيك خويا كيما قات الستاج يفوت يفوت ومايهمش المكان على قد هايهم النجاح والدخول نطلب من ربي تكون هذى الجمعة الاخيرة تاع انتظارنا وماتكومش جمعة اخرى للانتظار والله عيينا واش نقولو لوالدينا كل سمانا يسقسيونا ونقولولهم السمانة لجايا هوما حفضو هاذ لعبارة من كثرة سماعهم ليها ام شاء الله تفرج في القريب ويبان كلشي --أمين--

customx2008 · 2012-09-28, 12:13

اقتباس:

المشاركة الأصلية كتبت بواسطة الشلالات

بارك الله فيك خويا كيما قات الستاج يفوت يفوت ومايهمش المكان على قد هايهم النجاح والدخول نطلب من ربي تكون هذى الجمعة الاخيرة تاع انتظارنا وماتكومش جمعة اخرى للانتظار والله عيينا واش نقولو لوالدينا كل سمانا يسقسيونا ونقولولهم السمانة لجايا هوما حفضو هاذ لعبارة من كثرة سماعهم ليها ام شاء الله تفرج في القريب ويبان كلشي --أمين--

ان شاء الله الا كاتبة تجي وان شاء الله مايكتب ليكم غير الخير

customx2008 · 2012-09-28, 12:29

سلام عليكم اخوتي الكرام علبالي المنتدى فارغ لان اليوم عطلة وراهم مدينها غير لرقاد
المهم حبيت نقولكم صح غداكم وشهية طيبة
وجمعة مباركة للجميع
وان شاء الله تتحقق كل امنياتكم

وليد سعداوي · 2012-09-28, 12:55

جماعة الجمارك يقبلوا اللي عندهم الباك ومازالو يقراو ؟
وبخصوص الخدمة الوطنية .. يقبلوا التأجيل ولا لازم عفو ؟

الشلالات · 2012-09-28, 14:27

اقتباس:

المشاركة الأصلية كتبت بواسطة وليد سعداوي

جماعة الجمارك يقبلوا اللي عندهم الباك ومازالو يقراو ؟
وبخصوص الخدمة الوطنية .. يقبلوا التأجيل ولا لازم عفو ؟

يا اخي وليد باه تترشح للمسابقة رتبة ضابط لازم يكون عندك مستوى 2 جامعي ناجح ومنتقل للسنة 3 جامعي في احدى التخصصات المطلوبة المبينة في الصفحة الاولى من هذا الموضوع- ارجع للصفحة الاولى - اما الاعوان بين السنة الاولى والثانية ثانوي لكل من اعوان الحراسة واعوان الرقابة على التوالي اما السورسي لازم يكون جديد ومكملش التاريخ النتاعوا نهار تبوزي الدوسي وبالتوفيق ليك ان شاء الله رانا نترقبو الاعلان عن المسابقة الجديدة ونشوفو اخر المستجدات والشروط التفصيلية راح تلقاها في هذا القسم بإذن الله.