الاخت [[حياة نور الدين]] معنا تحت المجهر

[حياة نور الدين]

المشاركة الأصلية كتبت بواسطة nana47

مرحبا اهلا و سهلا
لا حرمنا الله عطاء جميلات منتطدى الطبخ
دعواتنا متصلة لكن جميعا و لك خاصة سيدتي
استضافة موفقة
اسئلتي لك قبل ان اذهب
كم يأخذ المطبخ من حيز ايامك العادية
اي الاطباق تفضلين اكله و لا تستمتعين باعداده هههههه بمعنى مادابيك يجيك ساجي واجد غير توكلي هنيئا مريئا
اي الكتب تطالعين اكثر
ما هو حلم الطفولة الذي لازت تتنين تحقيقه (ان وجد)
لي عودة ان سنح لي الوقت بهذا
اقامة مممتعة في بيتك
تحياتي

اهلاا اختيب ومتشرفة بك عزيزتي
وشكرا على الدعوة الجميلة

ايييه الوقت اللي نقضيه في المطبخ اطول وقت ههه نوجد قهوة الصباح مع حاجة يشربوا بها بعدها نظف المطبخ ونوجد الغداء وغالبا يكون باقيلي من العشاء نتغداو ونعاود نظف مرة اخرى ومرات نوجد حاجة لقهوة المساء وادا كان كاين ندخلها حتى قهوة العصر نمد الحليب للبنات وانا كل مرة كيفاش مرات نشرب ومرات لاا
ومن ثم نوجد العشا ونظف ورائي حتى نتعشاو ونظف ونودع مطبخي هههه
ومرات نحب نفتل مثلا بركوكس او نقي ثوم او نوجد ليمون او جلبانة وهنا نقضي اطول وقت

الطبق اللي نستمتع باكله ونحبه ونتمنى ناكلوا من برة او واجد هو البيتزا ههه

الكتب صراحة كنت نطالع كي كانت عندي دعاء برك ودوكا مراهمش يخلوني نقرا بسلامتهم ههه كنت نقرا الروايات والقصص باللغتين العربية والفرنسة ومرات كتب شعر وفقه واكيد كتب الطبخ

في الطفولة كان يراودني حلمين حلم مسكن واسع لانه من الصغر وانا نسكن في بيت ضيق من غرفة ومطبخ حتى كبرنا وكنا راح نتزوجوا فرج علينا ربي بسكن وكي تزوجت راني متمنية نفس الامنية
والحلم الثاني انه يكون عندي مشروع خاص بي من قبل كنت حابة مشروع بقرايتي يعني مخبر او مؤسسة مصغرة صناعية حسب شهادتي والان حابة مطعم متالق ههه ويبقاو احلام في انتظار تحقيقها

نتمنى اني وفقت في الاجابة

[طيور الجنان]

صباح الخير .ههههه حياة ضحكتني كرشنا قربتنا عندك الحق ربي يدوم محبتنا.
ان شاء الله يكونو الاسئلة خفاف ظراف عليك

[nihal159]

صباح الخير و لخمير؛ صباح الشكولا و الفراولة و لمسمن و لقريوش لمعسّل؛ أوّلا نشكر جزيل الشكر و نوجّه أجمل الكلمات و عذبها و أعطرها و ألّذها هههههه للسيد المشرف على هذه الستظافة المتميّزة لحبيبتي وصديقتي حيوتة.
ثانيا نرحب بالمتألقة حياة نور الدين؛ حنا جماعة الكوزينة نهدرو غير بالباروك هههههه نروح نجيب حاجة في يدي و نرجع نسأل و نتساءل و نقرعج على حيوتة ههههههههه

[nihal159]

راني رجعتلك ، باش ماتقوليش نهال ماوفرتليش سبل الراحة هههههه راني جبتلك كلشي طايب، غذا و عشا و قهوة، باش ماتتحركيش من الميكرو هههههه ليوم خذمتك غير تجاوبي على الأسئلة ههههه.
الغذاء هو رولي بالحم المفروم و الدجاج بالصوص البيضاء.


لوقت العصر، اخترتلك طاغت التفاح المكرمل بالعجينة المورقة.


للعشاء، اخترتلك تاكوس مع الصلصة الجزائرية، خفيف ضريف و بنة هباااااااااااال

[nihal159]

درك وصلنا للأسئلة:
ماهو اللون المفظل عند حياة
الوجبة لي تلقى موافقة جماعية لدى عايلتك الصغيرة( يعني مش احد يحبها و واحد مايحبهاش).
كم تبلغين من العمر هههه( ماتلعبيهاش كيما نجمات السينما مايحبوش يقولو عمرهم ههههه هيا شوية كوراج هههههههههه)
ماذا يعني شهر رمضان الكريم لحياة؟ وماهي إستعداداتك؟

[idem16a]

احلى صبحية،لاحلى حياة
يقولو زمان :ناس قلبها عسل،وناس قلبها حجر،وناس باخلاقها احلى من الكل
وانت الكل في الكل،باخلاقك،وايمانك،بطيبة قلبك،وخاطرك الواسع،وربي يوسع عليك دنيا واخرة
انسانة مكمولة من كل النواحي،يا سعد اللي اداك،ويبارك في اللي رباك
اعتذر لاني ما كنتش معاكم في الكوزينة،،كان وفاة جدي الله يرحمو،،خلالنا فراغ كبير كبير كبير
اطلبو له الرحمة،راني برك لاتية ،وشكرا الف شكر لمن استضافك،

[توتة2008]

صباح الخير

[طيور الجنان]

حيوتة سؤالي هو كيف تتعاملين مع ولادك في حياتك اليومية هل انت متساهلة و لا ههههه الغلطة بحقها .

[حياة نور الدين]

المشاركة الأصلية كتبت بواسطة طيور الجنان

صباح الخير .ههههه حياة ضحكتني كرشنا قربتنا عندك الحق ربي يدوم محبتنا.
ان شاء الله يكونو الاسئلة خفاف ظراف عليك

اللهم امين حبيبتي

المشاركة الأصلية كتبت بواسطة nihal159

صباح الخير و لخمير؛ صباح الشكولا و الفراولة و لمسمن و لقريوش لمعسّل؛ أوّلا نشكر جزيل الشكر و نوجّه أجمل الكلمات و عذبها و أعطرها و ألّذها هههههه للسيد المشرف على هذه الستظافة المتميّزة لحبيبتي وصديقتي حيوتة.
ثانيا نرحب بالمتألقة حياة نور الدين؛ حنا جماعة الكوزينة نهدرو غير بالباروك هههههه نروح نجيب حاجة في يدي و نرجع نسأل و نتساءل و نقرعج على حيوتة ههههههههه

المشاركة الأصلية كتبت بواسطة nihal159

راني رجعتلك ، باش ماتقوليش نهال ماوفرتليش سبل الراحة هههههه راني جبتلك كلشي طايب، غذا و عشا و قهوة، باش ماتتحركيش من الميكرو هههههه ليوم خذمتك غير تجاوبي على الأسئلة ههههه.
الغذاء هو رولي بالحم المفروم و الدجاج بالصوص البيضاء.


لوقت العصر، اخترتلك طاغت التفاح المكرمل بالعجينة المورقة.


للعشاء، اخترتلك تاكوس مع الصلصة الجزائرية، خفيف ضريف و بنة هباااااااااااال

المشاركة الأصلية كتبت بواسطة nihal159

درك وصلنا للأسئلة:
ماهو اللون المفظل عند حياة
الوجبة لي تلقى موافقة جماعية لدى عايلتك الصغيرة( يعني مش احد يحبها و واحد مايحبهاش).
كم تبلغين من العمر هههه( ماتلعبيهاش كيما نجمات السينما مايحبوش يقولو عمرهم ههههه هيا شوية كوراج هههههههههه)
ماذا يعني شهر رمضان الكريم لحياة؟ وماهي إستعداداتك؟

اهلاا اختي نهالووووو وكلامك عسل يا عسل وربي يدوم محبتنا والباروك رووووعة سورتو التاكوس خرج فيا ومازال ما جربتوا

بالنسبة للاسئلة هههههه وااااعرة هههه نتمسخر برك
لوني المفضل الازرق
بصح من بكري كي نشري حاجة نشريها باج ولا بني هههه مانيش عارفة علاه زهري مع هدا اللون

الوجبة المفضلة عند عايلتي ويوافقوا عليها الكل بسيييبطة الارز بالحليب يموتوا عليه من الاب لاولاده

عمري اكيد منقولش لخاطر بابيشة هههههه ومزال صغيرة هههههه هدا وين جاية للدنيا 37 برك ههههه

شهر رمضان نمموت عليه ولوكان نصيب العام كامل صيام وقيام كي كنت في دارنا يعني براسي كنت نروح للتراويح والقيام مي كي تزوجت وليت نقوم في البيت ومع الاولاد دوكا ادا طارتلك تصلي الفرض معهم والحمد الله نشوف الناس يشتكوا يقولوا متعب ووو انا نحب تعبوا وعباداتوا وثان حنا زمان في دارنا كان شهر رمضان يمثل صلة الرحم والعرضات وتبادل الزيارات هنا في بيت العائلة مكانش هدوا الصوالح يعني رمضان عادي بالنسبة لهم كباقي الايام لا ملمات ولا عرضات والو
وربي يبلغنا رمضان لا فاقدين ولا مفقودين

استعدادات كاي ربة منزل نظف البيت نفرش فراش جديد اواني جديدة البغش منها اكيد نخبي بعض الخضر لي تجمد كالجلبانة والقرنزن والليمون والثوم
نخمم فيب وصفات جديدة لمائدة رمضان واكيييد نتمنى نظم وقتي باش نختم المصحف الشريف

المشاركة الأصلية كتبت بواسطة idem16a

احلى صبحية،لاحلى حياة
يقولو زمان :ناس قلبها عسل،وناس قلبها حجر،وناس باخلاقها احلى من الكل
وانت الكل في الكل،باخلاقك،وايمانك،بطيبة قلبك،وخاطرك الواسع،وربي يوسع عليك دنيا واخرة
انسانة مكمولة من كل النواحي،يا سعد اللي اداك،ويبارك في اللي رباك
اعتذر لاني ما كنتش معاكم في الكوزينة،،كان وفاة جدي الله يرحمو،،خلالنا فراغ كبير كبير كبير
اطلبو له الرحمة،راني برك لاتية ،وشكرا الف شكر لمن استضافك،

اهلاا ام مهدي وانت الاصل حبيبتي وربي يعظم اجركم ويرحم جدك ويسكنوا فسيح جناته
وربي يقدرك ويصبركم حبيبتي ومعرفتك كنز

المشاركة الأصلية كتبت بواسطة توتة2008

صباح الخير

اهلاا توتة الزينة واش راكي

المشاركة الأصلية كتبت بواسطة طيور الجنان

حيوتة سؤالي هو كيف تتعاملين مع ولادك في حياتك اليومية هل انت متساهلة و لا ههههه الغلطة بحقها .

يااااا متهدريش انا بطبعي عصبية او كما تقولي يما وعجوزتي مهبولة هههه بصح قلبي ابيض معاقبهم ونوقفلهم على الواحدة ويبخافوا مني ههه بصح الحمد الله متربيين نحس تعبي مراحش باطل صح يكون عمدهم زلات كما اي طفل ويغلطوا بصح كي نعاقبهم ميعاودوش مثلا كلام السوء او يستاذنوا قبل ما يرفدوا الحاجة وووو
والحمد الله وربي يصلحهم ويصلح كل وليداتنا ويفرحنا بهم

[بيان 5]

السلام عليكم
اهلا وسهلا بالغالية حياة
نورتي وحلت روحك الخفيفة هنا أكيد نحبوك وصدقيني نحس كأني نعرفك وشايفاتك
عندي ليك اسئلة هل صحيح كي تربي لام ابنها الول مليح بقية اولادها ماتتعبش معاهم
هل كانت حياة تتمنى العمل يوما ام ان دور الأم هو الأهم بالنسبة لها
أهم سؤال كيفاش راكي تنظمي وقتك ماشاء الله راكي نحلة رغم انوا عندك 3اولتد أحدهم رضيع كيفاش تخمي شغلك وتلتاي بيهم في نفس الوقت

[nihal159]

[QUOTE=حياة نور الدين;3997462736][size="5"][b]
اهلاا اختي نهالووووو وكلامك عسل يا عسل وربي يدوم محبتنا والباروك رووووعة سورتو التاكوس خرج فيا ومازال ما جربتوا

بالنسبة للاسئلة هههههه وااااعرة هههه نتمسخر برك
لوني المفضل الازرق
بصح من بكري كي نشري حاجة نشريها باج ولا بني هههه مانيش عارفة علاه زهري مع هدا اللون

الوجبة المفضلة عند عايلتي ويوافقوا عليها الكل بسيييبطة الارز بالحليب يموتوا عليه من الاب لاولاده

عمري اكيد منقولش لخاطر بابيشة هههههه ومزال صغيرة هههههه هدا وين جاية للدنيا 37 برك ههههه

شهر رمضان نمموت عليه ولوكان نصيب العام كامل صيام وقيام كي كنت في دارنا يعني براسي كنت نروح للتراويح والقيام مي كي تزوجت وليت نقوم في البيت ومع الاولاد دوكا ادا طارتلك تصلي الفرض معهم والحمد الله نشوف الناس يشتكوا يقولوا متعب ووو انا نحب تعبوا وعباداتوا وثان حنا زمان في دارنا كان شهر رمضان يمثل صلة الرحم والعرضات وتبادل الزيارات هنا في بيت العائلة مكانش هدوا الصوالح يعني رمضان عادي بالنسبة لهم كباقي الايام لا ملمات ولا عرضات والو
وربي يبلغنا رمضان لا فاقدين ولا مفقودين

استعدادات كاي ربة منزل نظف البيت نفرش فراش جديد اواني جديدة البغش منها اكيد نخبي بعض الخضر لي تجمد كالجلبانة والقرنزن والليمون والثوم
نخمم فيب وصفات جديدة لمائدة رمضان واكيييد نتمنى نظم وقتي باش نختم المصحف الشريف

الله يبارك؛ إن شاء الله ربي يطوّل في عمرك حتى تزوّجي مهدودي هههههه و تجيبي الكنّة ههههههههه.
شكرا حبيبتي لأنك جاوبتيني؛ سؤالي فيما يخص الطبخ؛ ماهي المصادر لي تعتمد عليهم حيوتة لإتقان فن الطبخ( كوزينة الجلفة و أم وليد تعتبر أجوبة ملغية ههههههههه خرّجي الأسرار نتاعك هههههه نحوّسو على الجديد ههههه.)

[المانجيكيو]

.
.

أهلًا و سهلًا بصاحبة المطبخ الذهبي الأخت حياة / شرفتِ الركن ..

و شكرًا لكِ على كل ما تبذلينه من جهود لإفادة إخوانك هنا / جعل الله ما تبذلين في ميزان حسناتِك ..

شكر موصول أيضًا لصاحب الريادة و الإستضافة الأخ رائد ..

....

أريد أن أتشرف بسؤالين للأخت حياة / هما :

- ما هي النقائص التي يعاني منها المطبخ الجزائري / من وجهة نظر حياة ؟
- ما نصائح حياة للفتيات المقبلات على الزواج / ممّن لا يزلن يجهلن الكثير عن فنون الطبخ ؟

....

.
.

بقية أوقات ممتعة في رحاب المِجهر

[قنون المربي والأستاذ]

السلام عليكم.
سجلت دخولي كعادتي ومررت بخيمة الجلفة فأوقفتني رائحة الطعام.....ابيضّت عيناي ...جوع ورائحة طعام
فرَكت عيناي وقلت:تُرى هل أنا في مطبخ الجلفة أم المطبخ انتقل إلى الخيمة؟.
تمعنت فإذا بالأخت:حياة نور الدين نور الله أيامها قد شرّفتنا بمجيئها إلى الخيمة.
تساءلت ثانية:أهي ضيفة الخيمة أم رُواد الخيمة ضيوفها؟.
وخلُصت إلى أن أقول:مرحبا بضيفة الخيمة عدد ماخطته الأقلام من حروف وبعدد ما أزهر بالأرض من زهور.
لي عودة بجيش عرمرم من الأسئلة حول المأكولات التقليدية.
بعد تسمية هذه الأُكلة.
أظنها تُسمي نفسها اليوم:بيتزا(اسمٌ عصرِيٌّ)

[طيور الجنان]

شكرا حياة اختي على الاجابة اكيد انت طيبة القلب و الا ماكان الكل يحبك هنا ربي يحفظلك ولادك و تشوفيهم في اعلى المراتب ااااامين.

[حياة نور الدين]

[B]

[SIZE="5"]

المشاركة الأصلية كتبت بواسطة بيان 5

السلام عليكم
اهلا وسهلا بالغالية حياة
نورتي وحلت روحك الخفيفة هنا أكيد نحبوك وصدقيني نحس كأني نعرفك وشايفاتك
عندي ليك اسئلة هل صحيح كي تربي لام ابنها الول مليح بقية اولادها ماتتعبش معاهم
هل كانت حياة تتمنى العمل يوما ام ان دور الأم هو الأهم بالنسبة لها
أهم سؤال كيفاش راكي تنظمي وقتك ماشاء الله راكي نحلة رغم انوا عندك 3اولتد أحدهم رضيع كيفاش تخمي شغلك وتلتاي بيهم في نفس الوقت

اهلاا بيابيان الزينة وربي يخليك حبوبة وشعور متبادل حبيبتي
شوفي انا عكس قولك دعاء متعبتنيش في التربية وتخاف مني وعاقلة بصح زوج الي موراها واااع ريحان تخاف مني مي دير رايها ومهدي تربيته صعيبة خخخ يخرب ويبات لاصق فيا

تمنيت العمل في بداية زواجي رغم انه الزوج كان قالي امه منخدمش وتفاهمنا لكن بعد الاولاد وهو بدا يتقبلل فكرة العمل كاستاذة كما كنت انا مقبلتش لانه منتخيلش نخلي اولادي لاي واحدة تربيهم

اما بالنسبة للوقت نحس ربي مباركلي فيه شوفي نوض الصباح نطيبلهم الحليب ونشرب ونحطهم يشربوا ونروح نخمل البيت بعدها نبدللهم ونمشطلهم ونكمل تخمال البيت او نسبقها حاشاك بعدها نروح للكوزينة نخملها نوجد الفطور وماعن القهوة نلمهم مرات مع تع الفطور ومهدي يكون يتفرج او في الكرسي في قاعد يتشمس ههه

نكمل مرات قبل ما مجيب دعاء من القراية نقعد شوية ونروح نجيبها نفطروا ونصلي ونغسل الماعم ونرتب الكوزينة ونرقد مهدي مرات نديها ومرات باباها يديها نبقى نتفرج او نكونكتي والعشية من العصر نعاود نديىلهم الحليب ومن ثم نوجد العشا او نحضر واش ندير مثلا نتبل دجاج او نقي بطاطا قليها ونخمل ونغسل مان تحضيرب للعشا نعاود نقعد شوية نقري دعاء او نلعب معهم منبعد نتعشاو نقي الكوزينة ونصلي العشا زنفرشلهم ونرقد مهدي وهكدا ومرات يكون كاين غسيل حوايج اوز نوجد حاجة للقهوة ندير كلشي الصباح العشية نحب نقعد ولا نقول يجي ضيف ولا منكزنش مشغولة وربي يقدرنا ويعينا

[QUOTE=nihal159;3997462886]

المشاركة الأصلية كتبت بواسطة حياة نور الدين

اهلاا اختي نهالووووو وكلامك عسل يا عسل وربي يدوم محبتنا والباروك رووووعة سورتو التاكوس خرج فيا ومازال ما جربتوا

بالنسبة للاسئلة هههههه وااااعرة هههه نتمسخر برك
لوني المفضل الازرق
بصح من بكري كي نشري حاجة نشريها باج ولا بني هههه مانيش عارفة علاه زهري مع هدا اللون

الوجبة المفضلة عند عايلتي ويوافقوا عليها الكل بسيييبطة الارز بالحليب يموتوا عليه من الاب لاولاده

عمري اكيد منقولش لخاطر بابيشة هههههه ومزال صغيرة هههههه هدا وين جاية للدنيا 37 برك ههههه

شهر رمضان نمموت عليه ولوكان نصيب العام كامل صيام وقيام كي كنت في دارنا يعني براسي كنت نروح للتراويح والقيام مي كي تزوجت وليت نقوم في البيت ومع الاولاد دوكا ادا طارتلك تصلي الفرض معهم والحمد الله نشوف الناس يشتكوا يقولوا متعب ووو انا نحب تعبوا وعباداتوا وثان حنا زمان في دارنا كان شهر رمضان يمثل صلة الرحم والعرضات وتبادل الزيارات هنا في بيت العائلة مكانش هدوا الصوالح يعني رمضان عادي بالنسبة لهم كباقي الايام لا ملمات ولا عرضات والو
وربي يبلغنا رمضان لا فاقدين ولا مفقودين

استعدادات كاي ربة منزل نظف البيت نفرش فراش جديد اواني جديدة البغش منها اكيد نخبي بعض الخضر لي تجمد كالجلبانة والقرنزن والليمون والثوم
نخمم فيب وصفات جديدة لمائدة رمضان واكيييد نتمنى نظم وقتي باش نختم المصحف الشريف

الله يبارك؛ إن شاء الله ربي يطوّل في عمرك حتى تزوّجي مهدودي هههههه و تجيبي الكنّة ههههههههه.
شكرا حبيبتي لأنك جاوبتيني؛ سؤالي فيما يخص الطبخ؛ ماهي المصادر لي تعتمد عليهم حيوتة لإتقان فن الطبخ( كوزينة الجلفة و أم وليد تعتبر أجوبة ملغية ههههههههه خرّجي الأسرار نتاعك هههههه نحوّسو على الجديد ههههه.)

ههههههه شوفي من الاخيى والدتي علمتني اسس الطبخ والبنة زوو وتبقى مسالة ديكور از عصرىنة الاكلة من البحث في المنتديات او الفايس واليوتوب ومنكدبش منتدى الجلفة عندوا اكبر فضل عليا وكلمة شكر وعرفان لكل عضوة ساهمت في خدمة ركن الطبخ

المشاركة الأصلية كتبت بواسطة MANGEKYOUX

.
.

أهلًا و سهلًا بصاحبة المطبخ الذهبي الأخت حياة / شرفتِ الركن ..

و شكرًا لكِ على كل ما تبذلينه من جهود لإفادة إخوانك هنا / جعل الله ما تبذلين في ميزان حسناتِك ..

شكر موصول أيضًا لصاحب الريادة و الإستضافة الأخ رائد ..

....

أريد أن أتشرف بسؤالين للأخت حياة / هما :

- ما هي النقائص التي يعاني منها المطبخ الجزائري / من وجهة نظر حياة ؟
- ما نصائح حياة للفتيات المقبلات على الزواج / ممّن لا يزلن يجهلن الكثير عن فنون الطبخ ؟

....

.
.

بقية أوقات ممتعة في رحاب المِجهر

اهلااا اخي وبارك الله فيك عبلى الترحيب وشكرااا على الدعاء

بالنسبة لسؤالك الاول ما ينقص المطبخ الجزائري هو احياء تراثنا القديم من ماكولات رانا نلاحظوا غير عصرنة الاطباق صح ماشي عيب نتقدموا ونكونوا مع العصرنة لكن هناك اطباق مخداتش حقها مثلا الكسكس فيه انواع واواع وكل منطقة معروفة بنوع لكن حنا مثلا نعرفوا مرق احمر مرق ابيض او بالخضر مفورة
وبزااااف اطباق للاسف منعرفوهاش مثلا تع الوسط يجهلوا كيفية تحضير اطباق الغرب او الشرق وهكدا نتمنى يكون تبادل تراثي بين المناطق والاجيال وهدا لي ان شاء الله نسعوا اليه من خلال قسمنا يا رب

اما السؤال الثاني ننصح كل فتاة مقبلة على الزواج تتعلم اسس الطبخ من الوالدة وخليها من التعلم من النت لانه التعلم من الاصل اكيد راح يخليها تتالق في المطبخ مع اضافات تتعلمها من النت وغيره المهم تتعلم الاسس هي الصح

المشاركة الأصلية كتبت بواسطة قنون العربي

السلام عليكم.
سجلت دخولي كعادتي ومررت بخيمة الجلفة فأوقفتني رائحة الطعام.....ابيضّت عيناي ...جوع ورائحة طعام
فرَكت عيناي وقلت:تُرى هل أنا في مطبخ الجلفة أم المطبخ انتقل إلى الخيمة؟.
تمعنت فإذا بالأخت:حياة نور الدين نور الله أيامها قد شرّفتنا بمجيئها إلى الخيمة.
تساءلت ثانية:أهي ضيفة الخيمة أم رُواد الخيمة ضيوفها؟.
وخلُصت إلى أن أقول:مرحبا بضيفة الخيمة عدد ماخطته الأقلام من حروف وبعدد ما أزهر بالأرض من زهور.
لي عودة بجيش عرمرم من الأسئلة حول المأكولات التقليدية.
بعد تسمية هذه الأُكلة.
أظنها تُسمي نفسها اليوم:بيتزا(اسمٌ عصرِيٌّ)

اهلااا اخي وزكلامك رائع ماشاء الله نابع عن استاذ بجد شكراا على الترحيب الرائع وبار ك الله فيك في انتظار العرمرم من الاسئلة هههه
وباين انك تحب الاكل وخاصة التقليدي منه
على هدا تفضل صحن بركوكس من مطبخي

المشاركة الأصلية كتبت بواسطة طيور الجنان

شكرا حياة اختي على الاجابة اكيد انت طيبة القلب و الا ماكان الكل يحبك هنا ربي يحفظلك ولادك و تشوفيهم في اعلى المراتب ااااامين.

اللهم امين حبيبتي