رؤية الحيوانات في المنام .......ارجو المساعدة

[maxipower]

السلام عليكم و رحمة الله و بركاته
اما بعد
انا سعاد من باتنة عمري 24 سنة مشكلتي هي اني نشوف في مناماتي الحيوانات المفترسة كالاسد و الافاعي كي سقسيت قالولي العين و لا سحور و انا منقدرش نسمع للقرآن و منقدرش نصلي يعني كي يديرو في دارنا القرآن بفعل لا ارادي نبدا نسب فيهم و نقولهم طفيوه و ماما كي تقولي نوضي تصلي نقلق و نوض نعيط عليهم بلا ما علابالي وش راني نقول حتاااااااااااااان مبعد و نفيق بروحي
و الله ما فهمت و ش بيا هل الامرين متعلقين ببعضهما ؟؟
اذا ممكن تفسرولي رؤية الحيوانات و علاه منحبش القرآن و منقدرش نسمعو؟؟
و جزاكم الله خيرا

[moham630]

انصحك بالرقيا و الحجامة وان شاء الله يتحسن حالك

[maxipower]

شكرا لك اخي ...

[sisiii]

السلام عليكم اختي سعاد انا ايضا انصحك بالرقية و ان تحافظي على صلاتك و خاصة الصلاة لانها هي عماد الدين كما ان الصلاة تنهى عن الفحشاء والمنكر ولا تستسلمي للشيطان ولا تدعيه يغلبك بان يصرفك عنها واقراي القران وتدبري أياته وانصحك بسورة البقرة فان فيها خير كثير وانشالله سيتحسن حالك اختي سعاد والله المستعان

[maxipower]

شكرا لك اختي ولكن المشكلة انني لا استطيع قراءة القرآن او الصلاة يعني كون يقولي واحد نوضي تصلي نقلق و نبدا نعيط و نسب و ناكل في روحي و لكن دون قصد يعني كي نكون نحكي منفيقش مع روحي

[HILARI 67]

السلام عليكم
اختي راكي مصابة بالعين و كليتي حاجة دارولك فيها لازم يجيبولك راقي و يرقيلك مثلا ماء تشربيه و حاولي ما تستسلميش لرغبات الشيطان توكلي على ربي و قوي ايمانك

[MaX32Dz]

السلام عليكم
حاجة عادية اختي و ماتتقلقي ماوالو تصرا لكامل الناس و انا واحد صرات الحادثة هذي في بيتنا
استدعي راقي يرقيلك و يكون صحيح يعني معروف عليه التقوى و يكون راقي شرعي ماشي اللي يخدمو بالسحر لاخاطرش كان ناس تلعبها ترقي و هوما سحارين
المهم اجلبي راقي يكون معروف في الوسط تعكم و و اطلبو منو يرقيلك ليك و يرقلي لبيتكم و ان شاء الله تتحسن احوالك
و بعدما تتحسن احوالك انصحك بالصلاة و الذكر اذكار الصباح و المساء و خاصة صلاة الفجر
و عجلي بالرقية شفاك الله

[أبو جابر الجزائري]

السلام عليكم ورحمة الله وبركاته،

حسب الأعراض التي ذكرتها ـ في المنام واليقظة ـ ، يجب أن يحظر لك الأهل راقي، وسوف يذهب ما بك نهائيا بإذن الله في حينه .

فتوكلي على الله، ولا تترددي

تجربة أكثر من 15 سنّة في ميدان الرقية بحمد الله.

ولكي تلاحظ الفرق، طبقي هذا الأمر البسيط:

- اقرئي في فنجان من زيت الزيتون الفاتحة، الإخلاص، المعوذتين ( ثلاث أو خمس مرات ـ المهم وترـ )
-ادهني به ما استطعتِ من جسمك ( بعد أن تلمسي الزيت بأطراف أصابعيك)، عدّة مرات في اليوم وأقلها قبل النوم، لعدّة أيام.

وسوف تلاحظِ الفرق بإذن الله تعالى،

[حفصة92]

السلام عليكم
ارق نفسك بنفسك...واخلصي نيتك لله...
انصحك بالآتي..بعدما تطبقي النصائح الفائتة من الاخوة.
ضعي يدك على راسك وصدرك واقرئي *الم نشرح لك صدرك*
والثانية ..**سورة قريش اكثر من مرة..
وعند النوم..نامي على وضوء واقرئي اية الكرسي وخواتم سورة البقرة...
واستعيني بالله ولا تتركي فرضا من صلاةوخاصة صلاة الصبح..
أسأل الله العظيم رب العرش العظيم ان يشفيك ويعافيك..