التحضير البسيط لرمضان و ما بعد رمضان

[ام هزار]

[COLOR="DarkOrchid"]صباح الخير عليكم فراشات ونهاركم مبروك
اهلا بكما اكرام براءة و ام ضحى و شكرا لتلبية الدعة بادن الله نستفادو من بعضانا بزاااف
بالمناسبة اختي ام ضحى ممكن تحطينا صور تنظيم الثلاجة تاعك و الله غير شوقتيني و حمستيني و انا كنت نفكر من قبل نشري المنظمات التي اشتهرت في الفترة الاخيرة بصح بقيت مترددة
اختي ام هاجر ما شاء الله على نشاطك و ربي يعاونك و يعاونا جميعا
تحياتي لجميع الفراشات/COLOR]

[ام انفال الاء لجين]

السلام عليكم اخواتي ......اللهم بلغنا رمضان
انا اخواتي مع الوحم راني كل يوم نظف حاجة رغم انو رحة الدار كلها كرهتها و يبان لي كل شئ متسخ و الله المستعان
بديت امس بغسل لي نابخ و الستائر و مسحت الغبار ونظفت الجدران نتاع الغرف و الحمام و المرحاض اعزكم الله
و اليوم رتبت البلاكار اي خزانة الاواني مين دخت رحت راني مريحة في بلاصتي و الحمد لله
بقاتلي الكوزينة ندرلها نهار ان شاء الله .
و الزوج راني كاتبة في ورقة كل المستلزمات باش يقضيلي باذن الله.
و الفراش مزال ماغسلتش لان عندنا مزال الحال بارد و رانا نتغطاو بالكوفيرتات .
و ربي يوفقنا اجمعين.

[قرويجة]

السلام عليكم

نتمنى كل الأخوات يكونو بخير

والله يعينكم عللى أشغالكم أنا راني ماشية في أشغالي كيما السلحفاة كيما قالت إحدى الأخوات بسبب الحمل

رجعت نحب نخدم بعد العصر تكون عندي طاقة أما الصبح نركز على الكوزينة نطيب فطوري و عشاي ونخمل ونظف ركن ولكن بلامنتعب روحي أو نوقف بزاف

لأن رجليا حاشاكم بداو ينتفخومن الوقاف بزاف

حبيت نسقسي كل الاخوات على الخزانة البلاستيكية لي راهي دايرة حالة في يوتوب هل هي مليحة وترفد ماعن تع الإستعمال اليومي

أنا عندي بلاكار صغير منظم فيه الريفيطايمو و الأواني مخليتهم في كراطنهم لأني ساكنة في بيت وظيفي

الرجاء من الأخوات لي عندهم فكلرة عليها ينوروني

شكرا

[rowaida18]

السلام عليكم أخواتي

أولا نرحبو بأم ضحى اللي التحقت بأسرتنا و ان شاء الله تستفيدي و تفيدي باذن الله

حياتي كلها أمل ربي يعينك على التحظيرات و ان شاء الله نواصلو مع بعض لنشر الحماس بين الأخوات ......

أم هزاز بارك الله فيك و جزاك الله خيرا على دعوة الأخوات لزيارة أسرتنا و ان شاء الله ربي يباركلنا في هذه اللمة

ام انفال الاء لجين مرحبا بيك و ربي يعينك على الوحم و جعل صبرك عليه في ميزان حسناتك فو الله انت مأجورة على كل لحضة تمر عليك فقط تحلي بالصبر و احتسبي الأجر عند الله ...و بالنسبة للتنظيفات بالعقل على روحك و بالشوية بالشوية تلحقي ان شاء الله...
و بالنسبة للفراش أنا مازال ما غسلتوش نخليه بعد رمضان إن شاء الله باش نخبيه نظيف أن شاء الله

قرويجة ربي يعينك أنت الأخرى و بالعقل كيما قلتلك و تخلصي إن شاء الله أو تكملي الأهم

[OM DHOHA ANES]

سلام أخواتي...
شكرا اختي رويده على الترحيب وإن شاء الله تكون الإستفاده متبادلة.
حبيبتي أم هزار بالنسبه للثلاجه نوعدك غير نعرف كفاه نعدل الصور نحط لأختي تهزي فكره مع أنو تنظيم بسيييط, بصح نشجعك هاذوك المنظمات هاااايلين وراني معوله نزيد منهم إن شاء الله....
جمييع الأخوات ربي يعينكم ويعينا على أشغالنا وربي يبلغنا رمضان لافاقدين ولامفقودين. آآآآميييين.

[ام شمسو محمد]

بسم الله و الصلاة و السلام على رسول الله
السلام عليكم و رحمة الله و بركاته اشتقت اليكن يا احلى فراشااااااات
و يا ام هزار الحبيبة سمعت صوتك في اعماقي و سالبي نداءك بكل فخر فانت في وجداني يعلم الله ..و يبقى دائما ما الحب الا للحبيب الاول و في هذا المنتدى تجتمع ذكرياتي عن الاجتهاد و التطور و غالياتي الصادقات المكتسيات بحلل البراءة
عزيزتي كرونو اسال الله لك كل الخير و السلامة و ادعو لك بموفور الصحة و الرزق
الغاليات ابدا جهينة ورندا 😇 و ام هاجر و ام هارون و قريوجة بحضوركم تزيان الدار و بوجودكم فقط تحلى القعدات و الجمعات يا طيبات
ثم مرحبا اهلا و سهلا بكل الوافدات
اما انت يا رويدا فاحلى تقييم لعيونك...رائدة دائما و على اعلى درجات الاداء و مادة متقنة للغاية و فائدة متحققة بالتاكيد
لي عودة باذن الله

[rowaida18]

السلام عليكم و رحمة الله يا غاليات ....

أولا نرحبو بالتحاق الغالية أم شمسو وبعودتها لأسرتها و بطلاتها المتميزة ........و ندعو الله أن يجمعنا في هذا المجلس بما يرضيه عنا يا رب......و كل الأخوات أفراد هذه الأسرة المجتمعة على المحبة بدون روابط أسرية .....بل هي أخوة في الله ........و محبة في الله....

[rowaida18]

و عليكم السلام أختي أم ضحى.....

بالنسبة للمنظمات اللي سألت عليهم الأخت أم هزاز كنت ناوية نحطهم في موضوع الترتيب و لاكني تراجعت قلت بالاك كل الأخوات يعرفوهم ... شريت منهم و مفيدين في التنظيم و سامحيني أختي أم ضحى لأني وضعتهم الآن بدلا عنك.............

يوجد ثلاثة أحجام : صغير ،متوسط و حجم كبير

و ها هي الأحجام الثلاثة مجتمعة في هذه الثلاجة




و هنا وضعت بعض الأفكار لكيفية التنظيم.

[rowaida18]

بالنسبة للتنظيفات البارح غسلت الحيوط تاع نصف المطبخ مع النافذة و اليوم بعد العشاء نخلص النصف الباقي إن شاء الله
كما غسلت أواني البهارات و بدأت في تنظيم البهارات فيها ........و بالتوفيق ليكم.........

[OM DHOHA ANES]

سلام الله على الغاليات على قلبي, أشهد الله أني ألفت هذه اللمه الطيبه رغم قصر مدة انضمامي لكن, فأدعو من الله أن يجمعنا على الخير والحب والصدق وبارك الله فييييكن.
حبيت نرحب بالأخت أم شمسو في هذه اللمه الطيبه ولقد تشوقت كثيرا للتعرف عليك أخيتي من خلال كلام أم هزار عنك...
حبيبتي رويده يعطيك العافيه على عملك وعلاش نساااامحك بالعكس اللي عندها فكره تحطها ونستقبلوها بصدر رحب..وأصدقك القول كنت مقلقه لأنو غااااليتي أم هزار طلبت مني طلب ومالبيتهولهاش, حتى أني قلت في نفسي خللي نحط الصور حتى وإن كانو كبار بصح عزو عليا الأخوات للي ماعندهمش النات قاويه فتراجعت.
ام هزااااار اين أنني افتقدناااك.#

[ام هزار]

[COLOR="DarkOrchid"]السلام عليكم و رحمة الله تعالى وبركاته
في الحقيقة كتبت رد طويييييييييل و طفالي الميكرو قريب بكيت رايحة نكتب بالتقسيط/COLOR]

[ام هزار]

[COLOR="DarkOrchid"]يااااااااااااااااااه يا غاليتي ام شمسو ما تتخيليش حجم فرحتي كي لقيت مشاركتك الرائعة و كاني دعيت دعوة و استجيبت و الحمد لله
و باختصار انا اعتبر اختنا رويدة قائدة الرحلة المباركة بادن الله و انت صمام امانها فبوركت و بورك مسعاك للتغير و العطاء الدائمين حقيقة اسلوبك في التعبير و بلوغ مقاصد التغير خدرني ما شاء الله عليك COLOR]

[ام هزار]

ارحب بالوافدة الجديدة اختنا ام انفال و نقولك بالعقل عليك شعارنا هو البساطة في التحضير كيما قالت رويدة و هدفنا هو التفرغ للعبادة في الشهر الفضيل و صحتك في المقام الاول ربي يعاونك حبيبتي
اختي رويدة باركالله فيك على الصور و انا الحقيقة كنت شفت المنظمات مند مدة طويلة في اليوتيوب لكن كنتمترددة حول جدواها و مدى فاعليتها في الترتيب
بحكم راني منظمة ثلاجتي بالسلل الدارجة في السوق
ا

[ام هزار]

مسك الختام عزيزتي ام ضحى الحقيقة انا ايضا افتقدتكم كانت عندي مهمات علي انجازها
فقط اليوم مساء اكملت ترتيب الخزانة للغرفة الثانية بقاتلي البلاكارات بادن الله غدا نكملهم راني لاهية شوية مع هزورة مريضة ربي يشافيها
اختي قريوجة انا شفت الخزائن البلاستيكية بصح ما نيش متاكدة من فاعليتها ممكن تشوفي قناة سارة كويزين راهي عاملة عليها فيديو
البقية ربي يعانكم و يعاونا جميعا
احبكن في الله

[حياتي كلها امل]

السلام عليكم كيف احوالكم اهلا ام شمسو طلت الانوار حبيبتي يارب تكوني بخير انت واسرتك
اهلا بكل من التحق بدورتنا يارب يلقى مبتغاه هنا معنا
انا راني مع اسبوع غرفة النوم ان شاء الله اليوم النظف واحد المكتبة نرتبها ونمسحها باذن الله يومكم موفق