حبيت نشري طاجين ..... ساعدوني

* دموع الشوق * · 2013-10-26, 12:28

السلام حباباتي
أول مرة نشري طاجين ............
و بغيت النصيحة إذا ممكن تشاورو عليا أكثر واحد عملي نبدا بيه و ربي يخليكم ليا
راهم عاجبيني تاع الطين و ما رانيش متأكدة
بليييييييز الي جربتهم تقولي
شكرااااااااااااا

OM LAMIA · 2013-10-27, 11:03

اختي ما فهمتش سؤال نتاعك لو كنتي اول مرة تستعملي طاجين نتاع طين وتسالي هل هو مليح نعم استعمليه فهو خير من طاجين الحديد لكن اول استعمال كي طيبي فيه نحيه من فوق النار وكبيه على الارض حيث يكون وجه نتاعو في الارض والقاع من فوق وخلطي ماء والملح ورشيه وخليه يبرد ومن بعد استعمليه عادي وهذا باش ما يتكسرش بسرعة هاذ الطريقة علمتهالنا جدتي ربي يرحمها

أم ياسين الزهراء · 2013-10-27, 11:53

طاجين الطين المثقوب يصلح للمطلوع والمسرح للبغرير ويصلح للرخساس

* دموع الشوق * · 2013-10-27, 15:59

اقتباس:

المشاركة الأصلية كتبت بواسطة OM LAMIA

اختي ما فهمتش سؤال نتاعك لو كنتي اول مرة تستعملي طاجين نتاع طين وتسالي هل هو مليح نعم استعمليه فهو خير من طاجين الحديد لكن اول استعمال كي طيبي فيه نحيه من فوق النار وكبيه على الارض حيث يكون وجه نتاعو في الارض والقاع من فوق وخلطي ماء والملح ورشيه وخليه يبرد ومن بعد استعمليه عادي وهذا باش ما يتكسرش بسرعة هاذ الطريقة علمتهالنا جدتي ربي يرحمها

شكرا لأني كنت متحيرة بين نتاع الطين و نتاع الحديد
لأني عمري ما استعملت تاع الطين و تاع الحديد يكرهني غسيلهم .......

ربي يرحم الجدة و هاذي المعلومة راها علم ينتفع به

ربي يسكنها الفردوس هي و كامل الي تحبهم

بارك الله فيك

* دموع الشوق * · 2013-10-27, 16:01

اقتباس:

المشاركة الأصلية كتبت بواسطة أم ياسين الزهراء

طاجين الطين المثقوب يصلح للمطلوع والمسرح للبغرير ويصلح للرخساس

بارك الله فيك أختي
تعيشي

rachid5555 · 2013-10-27, 16:52

أختي
نحن عندنا طاجين "واد لاو"و هو نوع من الطين الذي يتحمل أعلى درجة حرارة مئوية

* دموع الشوق * · 2013-10-29, 18:25

اقتباس:

المشاركة الأصلية كتبت بواسطة rachid5555

أختي
نحن عندنا طاجين "واد لاو"و هو نوع من الطين الذي يتحمل أعلى درجة حرارة مئوية

شكرا لكن كنت أقصد طاجين الخبز و البغرير
و هاذو الي في الصورة وين نلقاهم و شحال يديرو؟؟

منى العلم نور · 2013-10-30, 12:08

طاجين الطين خير من انتاع الحديد رك حيت نقلك كي تشريه اشري الي يكون خفيف واسع يجي خفيف فالطياب وكي تشري واحد جديد وطيريه على الطابونة خفي المرة لولة عليه النار اه ما يشققش وخليه راه يطلع شوية ريحة قبل مادير ي فيه الخز وتاني كي تكملي الطياب يا تخليه يرد يا تحطيه فيبلاصة عيدة على الماء خاطر يشقق

* دموع الشوق * · 2013-10-30, 12:19

شكرا منى على الرد

soumiya maria · 2013-10-30, 20:35

والله يا اختي طين من طين انا شريت تاع الحديد راهو في 4 سنين لكن تاع الطين راني في العام 2 او 4 خلاص ليه ليه يتكسرو وانت وحضك

tiaretia · 2013-10-31, 08:58

اختي اذا راكي على طاجين الطين لي يطيبو فيه كسرة اشريه خفيف اما نتاع البغرير يكون مسيح وثقيل

Ouided · 2013-10-31, 09:40

طاجين الطين خير في كي تجي تشري خايري الطاجين الخفيف في الوزن باه ما يعذبكش في الطياب يعني تم تم يسخن وما يستهلكش الغاز أما من حيث اجودة الطين خيريه يكون صافي ومافيهش كتل غامق ولا فاتح كيف كيف خاطر كل بلاصة والطين تيعها، أما عند الأستعمال لأول مرة حطي الطجين على النار يسخن ومن بعد تأخذي كويرة من العجين واطبعي بيهم دويرات في الطجين حتى تطبعي كل الوجه راح تلاحظي أنه العجينة تلتصق بالطجين ثم تكحال وتحترق ، نزلي الطجين من النار وحاولي تتخلطي من هذاك السواد بواسطة منشفة و سكين ثم طيبي عليه الكسرة نورمال وبالصحة ليك

crono · 2013-11-03, 16:51

okhti ana cherite tadjine bache tayabe fi bakhrire
9aloli bali idjik malih fih
basah ki badite natayab fih ytnahra9
tamtam ozade che9a9eli
ohade mara 9ali radjli taybili fih khobze
ana khire hatite fihe khobze las9li
basife bache nahitha mano
ma3rafche wache howa mochkale li ta3rafe
tafidna

Ouided · 2013-11-04, 08:43

اقتباس:

المشاركة الأصلية كتبت بواسطة * دموع الشوق *

السلام حباباتي

أول مرة نشري طاجين ............ :d
و بغيت النصيحة إذا ممكن تشاورو عليا أكثر واحد عملي نبدا بيه و ربي يخليكم ليا

راهم عاجبيني تاع الطين و ما رانيش متأكدة

بليييييييز الي جربتهم تقولي
شكرااااااااااااا

أختي جامي ما تطيبي على الطجين والطين تيعو مازال جديد ديريلو الفكرة لي قلت عليها أنا في ردي السابق على هذا الموضوع ومش راح يلصقلك، أما بالنسبة للطجين لي يتشقق من أول مرة تحطيه على النار فهذا يعني أنه سميك بزاف يعني بلغة جداتنا طجين ثقيل وكاين لي يقولوا طجين أطرش ويتشقق خاطر الطين في العمق مش جاف مليح وأول ما تحطيه على النار يجف بسرعة ويتشقق ولذلك ننصحك أنك تخيري الطجين من خلال وزنه يعني يكون خفيف وإلا من خلال أنك تدقي على قعره وتسمعي الصوت وتميزي إذا كان مصنوع من طبقة رقيقة نوعا ما وإلا طبقة سميكة
وبالتوفيق

* دموع الشوق * · 2013-12-28, 11:51

بارك الله فيكن على الافادة
شكراااااااااااااااااااا
ان شاء الله نطيب الكسرة و البغرير و راكم قاع معروضين