**** خلوني نهدر خلوني نفرغ واش كاين في قلبي ****

zaki10 · 2011-04-12, 00:00

اهلا بكم اخواني و اخواتي و احبائي

اهلا بكم في صفحتي هاته

انا اعلم بل و متيقن ان موضوعي هذا سوف يلقى

نقد و معارضة

لكنني ابيت ان اجازف وان لا اسكت

و ان اعبر عن ما بداخلي

و ارجو من كل اخواني و اخواني ان تافرغوا لنا قلوبكم لنساعدكم و تساعدونا على تحطي المشاكل..

و انا افرغ ما في قلبي

لانني تعودت معكم و برفقتكم ان اتحدث
و على ان اشارك و اياكم ما يوجد داخل قلبي

هي بمثابة صديق احكي له ما يجول في خاطري

و بالدارجة

نشكيلو و نحكيلو على الحاجة اللي راها موجعتلي قلبي

و ان شاء الله ما نبالغش برك

علاخاطر راني معمر و حاير في بعض الناس

المهم عنوان موضوعي هو

خلوني نهدر خلوني نفرغ واش كاين في قلبي

نبدا بالموضوع

على الجماعة ** *لكبار ***اللي راها تسب في الشباب

اللي هوما حنا

قالك شباب اليوم

راه ضايع و ماهوش مستقيم

و ما يعرفش صلاحو

قالو

شباب اليوم راه فاسد

و ما يخدمش على روحو

انا نقللكم واش راني نلاحظ

يا جماعة و الله يا شباب اليوم غير راه عاقل و لاباس بيه

يا جماعة رانا في وقت صعييب بزاف

راه حليلو الشباب

كي راهم صابرين ديما و دايرين ربي في قلوبهم
يا جماعة راه وقت ملبز

فيه فساد لبلاد
المعريفة
البيروقراطية
الاغراء

راها مش ساهلة
انا نحيي الشباب على الصبر اللي راهم صابرينو
و انا نقول لهاذو لكبار اللي راهم يهدرو

لوكان جيتو في وقتنا هذا
تبانلكم الهدرة
الله غالب انتوما قفزتو في وقت الغفلة
منبن كان كلش ساهل

كنتو تجيبو شهادة التعليم الابتدائي

تدخلو تقرو و تخدمو لاباس بيكم

بصح قولولهم يجو ضرك في وقتنا

و يديرو الدار و الطاكسي
و يلقاو الخدمة

زيد من ناحية الفساد
و الله والله واش راني نشوف انا غير لكبار هوما اللي راهم

فاسدين اكثر من الشباب

هوما اللي راهم يقطعو في الناس
هوما اللي راهم يقابلو في الرايح والجاي
و ليجان تلقاهم مجمعين يحكو على البالو
و لكبار يحكو على فلان و بن فلان و بنت فلان

تخيلو ولاو ناس كبار في مقام والدينا يسوقو في الطوموبيل
و دايرين ال pوست قاوي و يسمعو في الغناء

و يقابلو في اللي رايح والجاي

- هذاك واش راه لابس علاه مش ساتر روحو

- و الطفلة هاذي لمن الله يبارك ياو كبرت ولات مراة** الله يبارك **
و هو راه رايح ياكلها بالخزرة

يا جماعة خافو ربي

و يقلك الشباب فاسد

يا جماعة ربي يهديكم

و الله غير حنا رانا فايقين عليكم

المهم انا كثرت الهدرة بزاف

هههههه اسمحولي

ارجو من كل الاعضاء الكرام ان تافرغوا لنا قلوبكم لنساعدكم و تساعدونا على تحطي المشاكل..

و في الاخير نقول بالي حنا الشباب
راه لاباس بينا و عاقلين الحمد الله
و نخافو ربي
و مكانش انسان راه كامل
الكمال لله سبحانو

و في الخير تقبلو تحياتي

zaki10 · 2011-04-12, 00:05

.......................................

~~ أغيلاس ~~ · 2011-04-12, 00:29

لنفرض أن الصغار فاسدين ، لمذا ؟

الصغار فاسدين علاختراكش لكبار ما رباوهومش .

zaki10 · 2011-04-12, 18:11

اقتباس:

المشاركة الأصلية كتبت بواسطة نبيل الموحد

لنفرض أن الصغار فاسدين ، لمذا ؟

الصغار فاسدين علاختراكش لكبار ما رباوهومش .

farida18 · 2011-04-13, 22:07

اعذروني على تطفلي لكن هذا صحيح

zaki10 · 2011-04-13, 22:32

اقتباس:

المشاركة الأصلية كتبت بواسطة farida18

اعذروني على تطفلي لكن هذا صحيح

gothiquemo · 2011-04-15, 19:04

merci pr que tu a parle est ca c'e'st vrai lkbar rahoum bzefmais kayne les jeune rahoum toujour bl voitur 9dam les C E M et le lycéé bzef tanik w bark alah fik merci

zaki10 · 2011-04-26, 21:16