المراة التي تقوم بتعزيل البيت اثناء فترة راحة زوجها - الصفحة 2

محمد مصطفى الحبيب · 2015-03-16, 23:57

هناك من تستبدل لذة الحياة بالمكنسة و الأومو و الرغوة ....!! غريب و عجيب و تحيا الأسماك !!

*سندوسة* · 2015-03-17, 00:11

اقتباس:

المشاركة الأصلية كتبت بواسطة محمد مصطفى الحبيب

هناك من تستبدل لذة الحياة بالمكنسة و الأومو و الرغوة ....!! غريب و عجيب و تحيا الأسماك !!

ومن تفعل ذلك فحتما ستضيع على نفسها الكثير الكثير من الامور ولن تفيدها مبرراتها

محمد مصطفى الحبيب · 2015-03-17, 00:15

اقتباس:

المشاركة الأصلية كتبت بواسطة سندوسة يسمين";3992980348][b][font="arial

ومن تفعل ذلك فحتما ستضيع على نفسها الكثير الكثير من الامور ولن تفيدها مبرراتها [/font][/b]

ثقافة معاملة الزوج تحت الصفر !! هل رأيت زوجة تلعب مع زوجها الغُميظة مثلا ؟؟ مستحيل فالدهر تردد أنا أنظف متعفسوليش و ....إلخ

رندة نهاد · 2015-03-17, 00:19

وحدة من اهادو حابسة ولا حابسة ولا حابسة هههههههههههههههههه مسكين غاضني ريحي معاه واخدمي شغلك في غيابو وكي يروح سيقي اغسلي اعجني ديري وش تحبي وكي يجي منعرف ما ديري والو خخخخخخخخخخخخ شكرا سندوسة

دمتم سالمين تحياتي

*سندوسة* · 2015-03-17, 00:27

اقتباس:

المشاركة الأصلية كتبت بواسطة محمد مصطفى الحبيب

ثقافة معاملة الزوج تحت الصفر !! هل رأيت زوجة تلعب مع زوجها الغُميظة مثلا ؟؟ مستحيل فالدهر تردد أنا أنظف متعفسوليش و ....إلخ

عنك الحق اخي

ولكن كاينة حاجة
يلا لمرا حضرت نفسها لزوجها واستقبلاتو بأحسن استقبال
كاين حالتين للزوج يدخل بيهم للبيت اما منارفي ومايشوفش كامل فيها حتى هي تستحي من نفسها وتبعد عليه
ولا يقابلها بضحكة صفراء ويقولها واش كاين واش من حمار مات اعزكم الله
يعني كاين امشكلة الاحباط في الوسط
والله هذا حال البيوت الجزائرية

واذا المراة عندت وركبت راسها كيمانقولو رايحة تكرهلو عيشتو يكون قاعد حتى يشوفها تكنس قدامو والغبرة تطلع

ولا ترمي بيدو نتاع ما تحت رجليه

اما الغميضة فأضنها تُلعب في شهر العسل فقط بعد لك تبدا الغميضة نتاع الصح يعني مع اظافة الالعاب الرياضية مثل التايكواندو

محمد مصطفى الحبيب · 2015-03-17, 00:36

اقتباس:

المشاركة الأصلية كتبت بواسطة سندوسة يسمين";3992980388][b][size=&quot

عنك الحق اخي

ولكن كاينة حاجة
يلا لمرا حضرت نفسها لزوجها واستقبلاتو بأحسن استقبال
كاين حالتين للزوج يدخل بيهم للبيت اما منارفي ومايشوفش كامل فيها حتى هي تستحي من نفسها وتبعد عليه
ولا يقابلها بضحكة صفراء ويقولها واش كاين واش من حمار مات اعزكم الله
يعني كاين امشكلة الاحباط في الوسط
والله هذا حال البيوت الجزائرية

واذا المراة عندت وركبت راسها كيمانقولو رايحة تكرهلو عيشتو يكون قاعد حتى يشوفها تكنس قدامو والغبرة تطلع

ولا ترمي بيدو نتاع ما تحت رجليه

اما الغميضة فأضنها تُلعب في شهر العسل فقط بعد لك تبدا الغميضة نتاع الصح يعني مع اظافة الالعاب الرياضية مثل التايكواندو[/size][/b]

أرجو أن يدرس الجميع طريقة التعامل مع الطرف الآخر ....لهذا تأثرت الكثير من المتزوجات بالمسلسلات التركية ...أما الغميضة فأراها مناسبة جدا و أقترح لعبها دائما ...وقت الشغل لا نقاش فيه لكن هناك ظروف يتوجب على المرأة أو على الرجل التخلي عن عقلية أبي جهل ...و الأمر الذي قال للجميع نم و أنا أغطيك هو يوم الجمعة ...نفض الزرابي و غسل الأواني التي في البيبليوتاك مع القرآن !! اللااحترام ...

*سندوسة* · 2015-03-17, 00:42

اقتباس:

المشاركة الأصلية كتبت بواسطة رندة نهاد

وحدة من اهادو حابسة ولا حابسة ولا حابسة هههههههههههههههههه مسكين غاضني ريحي معاه واخدمي شغلك في غيابو وكي يروح سيقي اغسلي اعجني ديري وش تحبي وكي يجي منعرف ما ديري والو خخخخخخخخخخخخ شكرا سندوسة

دمتم سالمين تحياتي

العفو اختي

كاين لي من كتر ما يجرحها بالكلام نتاعو ديرهاله زكارة وكاين لي مسكين خاطيه بصح متزوج شريرة

وكي يكون راقد نهار الجمعة ولا السبت تقعد دير فالحس باش ينوض وتسمعه الموشحات نتاع روح تقضي وخرج عليا خليني نسيق ولا دي دراري يلعبو ههه
المهم الله يهديهم ويصلح احوالهم

عابد لله · 2015-03-17, 01:26

أنت لم تتزوجي بعد ياسمين ومع ذلك لا تتركين شيئا يمر دونما وضعه في نصابه . كان الله في عون زوجك

*سندوسة* · 2015-03-17, 08:23

اقتباس:

المشاركة الأصلية كتبت بواسطة عابد لله

أنت لم تتزوجي بعد ياسمين ومع ذلك لا تتركين شيئا يمر دونما وضعه في نصابه . كان الله في عون زوجك

بل هو محظوظ وامو دعيالو

سيرين 5 · 2015-03-17, 11:23

اقتباس:

المشاركة الأصلية كتبت بواسطة knives66

لو كان جاء رجل تاع صح يعطيها طريحة و خليها تخدموا كي عبدة مدام راه في فترة راحة

موش يهرب منها

باينة هدرة تاع واحد جاهل ؟ قليل عليك الحظر

سيرين 5 · 2015-03-17, 11:49

اقتباس:

المشاركة الأصلية كتبت بواسطة سندوسة يسمين";3992973320][B][FONT="Arial

كثيرا من النساء ماتبدا بتعزيل المنزل خلال فترة راحة التي يقضيها زوجها وعائلتها في البيت

فتبقى تلاحقه من مكان لاخر وتطرده من غرفة لاخرى مع الضجيج و الصراخ احيانا اذا تطلب الامر

فبدل من استغلال هذه الفرصة في للمة العائلة والاستمتاع بها الا انها تتحول احيانا الى شجار وغضب الزوج وخروجه من البيت

والمراة بعد ذلك تقول ان زوجها يقضي اوقات اجازته في المقاهي واصدقائه ووووووو

انت ايتها الزوجة او الام لكل شيئ وقته فلا تخلطي الامور مع بعضا وانعمي بحياة هادئة
فإنشغال الزوجة وعدم فتح مجال للتواصل مع زوجها بالحوار والجلوس معه واهتمامها به ليس فقط بالتنظيف البيت اثناء تواجده بل
تهييئ الجو من قبل وتنظم وقتها
احيانا ارى ان ازواج ينادون زوجاتهم لتجاذب اطراف الحديث معهم فتتحجج الزوجة بأنها

او

انا لست ضد ماتقوم به المراة فهذا من واجبنا ولكن احيانا نفتقد لتنظيم اعمالنا مع اوقاتنا وهذا ما ينغص علينا حياتنا

واسفة اذا كان تعبيري ركيك لانني مريضة ولم اصبر على كتابة الموضوع

[/FONT][/B]

جربتها هاذ الهدرة في اليامات الأولين تاع زواجي ما خرجتش عليا ؟ كنت بالجمعة نريحها داري تكون مقلبة و بالسبت نوض نقيها في غيابو لقيت روحي بالأحد نروح للخدمة عيانة

و مام بالجمعة ناس داري يقلبو دنيتهم تولي تشعل و أنا نخلي دنيتي معفونة ؟؟؟ لااااااالا غير هذي لي ما تصراش أصلا بديت نوالف نوض بكري مام الجمعة نوض نطيب قهيوة و نفتح التواقي و نحط القدرة على النار طعام أو تليتلي أو شخشوخة ... حاجة تاع جمعة تقليدية و نغسل الميعنات لي يخرجو، ندور الماشينة تاع الحوايج نخرج الفراش يتهوا و يتغسل لي يستغسل نمسح الغبرة الزجاج و المريات... كاين حاجات لازم يعاوني فيهم راجلي يرفدلي الحاجة الثقيلة يعطيه الصحة علاجال راني أونسانت ...نفرز و نكنس و نسيق و مرة على مرة نروح نضرب طلة على المشينة نزيد طلة على الطياب يعني يد في الحوايج و يد في التسياق .... 12 نسقي الغذاء و نبعت طبيسي لعجوزتي ، نغسل الماعن تاع الغداء و نكمل نخمل الكوزينة و نسيقها ... لما تلحق لعشيا نكون كملت و نريح مع راجلي

صح نعيا بزاف و خاصة دوكا يوجعني ضهري نخدم و نريح شويا ، إذا ما خدمش بالسبت راني قاعدة معاه و إذا خدم نقلع لدارنا نقصر مع يما

*سندوسة* · 2015-03-17, 14:46

اقتباس:

المشاركة الأصلية كتبت بواسطة سيرين 5

جربتها هاذ الهدرة في اليامات الأولين تاع زواجي ما خرجتش عليا ؟ كنت بالجمعة نريحها داري تكون مقلبة و بالسبت نوض نقيها في غيابو لقيت روحي بالأحد نروح للخدمة عيانة

و مام بالجمعة ناس داري يقلبو دنيتهم تولي تشعل و أنا نخلي دنيتي معفونة ؟؟؟ لااااااالا غير هذي لي ما تصراش أصلا بديت نوالف نوض بكري مام الجمعة نوض نطيب قهيوة و نفتح التواقي و نحط القدرة على النار طعام أو تليتلي أو شخشوخة ... حاجة تاع جمعة تقليدية و نغسل الميعنات لي يخرجو، ندور الماشينة تاع الحوايج نخرج الفراش يتهوا و يتغسل لي يستغسل نمسح الغبرة الزجاج و المريات... كاين حاجات لازم يعاوني فيهم راجلي يرفدلي الحاجة الثقيلة يعطيه الصحة علاجال راني أونسانت ...نفرز و نكنس و نسيق و مرة على مرة نروح نضرب طلة على المشينة نزيد طلة على الطياب يعني يد في الحوايج و يد في التسياق .... 12 نسقي الغذاء و نبعت طبيسي لعجوزتي ، نغسل الماعن تاع الغداء و نكمل نخمل الكوزينة و نسيقها ... لما تلحق لعشيا نكون كملت و نريح مع راجلي

صح نعيا بزاف و خاصة دوكا يوجعني ضهري نخدم و نريح شويا ، إذا ما خدمش بالسبت راني قاعدة معاه و إذا خدم نقلع لدارنا نقصر مع يما

الحمد لله لي ربي وفقك وان شاء الله ربي يقدرك ويكون في عونك اختي

وربي يحفظك ويسهل امورك
نورت الموضوع

om yousra · 2015-03-17, 15:14

السلام عليكم حبيت اختي نضيف انو في بعض السيدات ربي يهديهم يحبو ينعتو رواحم توال رجالتهم على اساس شاطرات في وقت انو المعلومة توصل بالخطأ للزوج ونقول انو خير الامور اوسطها لا افراط ولا تفريط وشكرا على الموضوع

*سندوسة* · 2015-03-17, 15:21

اقتباس:

المشاركة الأصلية كتبت بواسطة om yousra

السلام عليكم حبيت اختي نضيف انو في بعض السيدات ربي يهديهم يحبو ينعتو رواحم توال رجالتهم على اساس شاطرات في وقت انو المعلومة توصل بالخطأ للزوج ونقول انو خير الامور اوسطها لا افراط ولا تفريط وشكرا على الموضوع

وعليكم السلام اختي

عندك الحق كاين بهاذ التصرفات تبغي تبين لزوجها انها فحلة وشاطرة ونظيفة
ولكن يجي نهار لي تطلع عليها الشمس
بالتوفيق اختي

saliset · 2015-03-17, 18:45

هذه المرأة فنيانة هههههه
تريد أن تظهر لزوجها أنهاتتعب كثيرا و هي ربما تقضي الوقت في النوم او الحديث مع الجيران
اذ ليس من المعقول ان تنتظر يوم راحة زوجها لتقوم بأعمال التنظيف
تقبلي مروري