كرهت زوجي

[مشكلتي]

كرهت زوجي حقا الذي لا يهش ولا ينش
كل شيء عنده سواء المهم ما نهبلو ما نقولو نوض دير حاجة

يا عاجابا الصاشي تاع الزبل حاشاكم بالدبزة باش يرميه لوكان يعفن
لم اعد اطيقه فعلا راه عندو شحاااااااال لم يقترب من الدوش رايجة العرق نشمها من عند الباب كل كا مقولو يقولي عجزت دوكا كنبعد ومنبعد هاذي عندو طويييييييلة
لم اعد اتحمل حتى اقترابه مني علبالي حقه الشرعي ولكني انفر منه كثيرا
حتى قوت يومنا حدو قدو ومرات مانلحقوش. كانت. غلطة كبيرة يوم تزوجتو ولكن الله غالب ظروفي اجبرتني على ذلك وما مقدرش. نرجع للوراء فهناك طفلة بيناتنا الله. غالب
قولولي نصحوني واش ندير معاه لانني فعلا رايحة نطرطق

[ahmed 31]

يا أختي الكريمة حاولي الإقتراب منه وفهميه بالهداوة و طيبت الخاطر، لأنه هذا النوع تبانلو راكي تفهمي عليه ومايساعفكش،
ربي يكون معك و الصبر وحاولي و ربي إن شاء الله يوفقك للخير.
الله يهدينا و يثبتنا.

[sarl02]

ليس لديك حل الا مجاراته والصبر عليه ...الظاهر انه تارك للصلاة ...قالنظافة والصلاة متلازمتان.. فالذي يصلي مستحيل تجده غير نظيف ....حثيه على الصلاة وبعدها كل شيء ينحل باذن الله .

[kika85]

حاولي حبيبتي تجيه من جهة اخرى....وجديلو دوش تع تقلاش ...يعني حاولي تسخنيلو الما وديريلو فيه معطرات متلا ورد حطيلو صوغتي دو بان تاعو وووووو قبل ما يجي للدار غير يدخل اعرفي كيفاش تستقبليه معليش اتحملي واديه للدوش وقوليلو كلمات تلين قلبو متلا تشهيتلك حمام تتمتع فيه او اليوم حبيت نقلش راجلي حياتي هكدا يعني كيما يقولو المصريين كولي بعقلو حلاوة ما جيهش بالفتان والمداوسة بالعكس يحس روحو بلي ماكيش حاملاتو ...اما عن التفنيين فالرجال الاغلبية تعهم يحبو كي يدخلو للدار يريحو ما تطلبي منهم والو ...

[- بصمة خير -]

مليح كما ماراكيش تفكري بالطلاق
راكي تفكري بالحل
هذا هو الزواج لازم واحد يتعب و يتعب و يتعب من اجل نجاح الزواج
حتى حاجة بالساهل
ادعي ربي يقويك و يسخرلك زوجك
الله يوفق بيناتكم و ييسر اموركم و يكثر رزقكم
و يهديه و يصلحوا
كاين حاجة اسمها بوصلة الشخصية
شمالي شرقي
شمالي غربي
.......................
و بزاف
حوسي في قوقل عليها
من بعد تعرفي وينها شخصية زوجك
بعدها تقدري تتعاملي معاه بسهولة
لما تعرفي شخصيتوا تتقلبليه و تولي تعرفي كيفاه تقنعيه بسهولة

[عمر منير]

السلام عليكم
مشكلة زوجك تتلخص في امرين هما:
قلة الاهتمام بنفسه
و عدم تحمله للمسؤولية
اما الاولى فعليك بحثه على الاعتناء بنفسه و حاولي ذلك بطرق مختلفة و حفزي في نفسه ذلك الشعور الذي يجعله يتحفز للاهتمام بنفسه و جماله
اخبريه مثلا بانكي و عندما كنتي تتكلمين مع النساء سمعتهم يسبون رجلا و لا تذكريه هو بل قولي له رجلا اخر بانه لا يعتني بنفسه كما اخبريه بان الناس تراقبه و ان النساء تلاحظه و انتي لا تريدين ان يرو زوجك الا و هو في احسن حله بمعنى اغرسي في نفسه اهمية الشعور بالجمال اما بخصوص الرائحة استعيني بشراء مختلف الروائح القوية كي لا تنفري و تضيق نفسك اقصد اعملي على رشه بالرائحة كلما دخل او خرج استعيني بشخص يزرع فيه اهمية النظافة دون ان يجرحه
اما المسؤولية فليست اختيار بل هي قرار فيوم يقررو زوجك و من داخله ان يتحمل المسؤولية فسيتحملها اما ان لم يقرر فسيبقى هكذا حاوريه حول هذه الامور بطريقة غير مباشرة و ازرعي فيه حب الحلم و العمل و المبادرة شجعيه على ذلك اتمنى و ادعو الله ان يرزقك انتي و زوجك الهدوء و السعادة

[ManouraHilwa]

الله يعاونك الاخوة كفوا ووفوا

[الواثق]

حاولي تغيري من تصرفاته والطرق كثيرة ......ومرات الاهتمام بالنفس كثيرا ايضا راه مشكلة .....كاين نساء مايغسلوش لباس ازواجهم حتى يذهب للعمل بثياب متسخة ومرات يكسرولهم زجاجات العطر حتى المشطة يخبوها هههه.....غايرين لهذا ارشديه الى الوسطية هههه...........والله المستعان