[ اللّغة الفَرَنْسيّة هَديّة مِني لَكُم 🎁✨ ... ]

[مِيمْ]

السّلامُ عَلَيْكُم
بِاخْتِصَار شَدِيد سَأكُون انْ شَاء اللّه مُتَوَاجِدَة خِلَال العُطْلة
لِتَقديــــم شَرح خَاص بَالوِحدة الثّانية
والّتِي سَتَكُون حَولَ النّص الحِجَاجِي
ايّ اسْتِفسَار أنَــا فِي الخِدْمَـــــة
# وَفقَنـــا المَوْلَى و ايّاكُم

[وسام سومة]

بوركتي اختي ميم

[ايمانو الجزائرية 01]

و عليكم السلام و رحمة الله تعالى و بركاته



جزاك الله اختي الغالية



ميرال نتفضل باول سؤال


ف النص الحجاجي وشنو هوما الكلمات لي لازم نستخدموهم بزاف لتاكيد الفكرة ؟
و وشنو هوما الاسئلة لي نلقاوهم بزاف { الكلمات الجديدة فالاسئلة } ؟

[مِيمْ]

العفـو وِسام
+
اهلا ايمانو
شكرا
-
* ف النص الحجاجي وشنو هوما الكلمات لي لازم نستخدموهم بزاف لتاكيد الفكرة ؟
هذا يعتمد على الموضوع اللي راح تختاريه لانو الكلمات تختلف من موضوع الى اخر
و مكانش كلمات محددة وباش نأكدلك الفكرة راح نحطلكم وضعيات من بعد
بصح تقدري تستعملي les verbes d'opinion باش تقنعي القراء
*و وشنو هوما الاسئلة لي نلقاوهم بزاف { الكلمات الجديدة فالاسئلة } ؟
الاسئلة المعتادة اللي يطروحها دايما مثال :
في النص الكاتب يتحدث عن : .....
Dans ce text l'auteur : .....
2-
مثلا يقولك اجبديلي
des arguments - la these - le thème
- les verbes d'opinion - les exemples ...
وهدا هوما ما يتغيروش
راح نحط موضوع من بعد و نحلوه كامل ونزيد نشرحلكم اكثر ^_~
نتمنى اني افدتك ولو بالقليل ❤

[مِيمْ]

+
اذا اردتم ان يكون هذا الموضوع شرحا
و مقدمة للدرس ساقوم بشرحه مع الحل
ونضع موضوع آخر ونرى من ستتحصل على اكبر عدد من الاجابات صحيحة ؟

[مِيمْ]

الشّرح :
هذا اب يحكي مع ابنه ويخبره انه عنيف و هناك تصرفات يجب الا يقتدي بها
-
كمعلومة هنا خرجنا le thème و la thèse
Le thème : la violence
La thèse : tu ne veux pas admettre que
tu es plus agressif que moi lorsque j'avais ton âge
-
1-dans ce texte l'auteur :
b- raconte l'histoire d'un père qui n'est pas satisfait du comportement de son fils
2- les trois raisons sont :
Pour mauvaise conduite à l'école -
négligence des travails -
envers les camarades et les professeurs -
3-
Faux
Vrai
4-
Le titre : un père inquiet
5-
Le contraire du mot : refuser
6-
Les verbes sont : admettre - pense
وهنا كاين عدد كبير من الافعال
7-
Complétive
8-
Travailer نصرفوه في plus que parfait
9-
Tout
Tous

وهذا هو الحل اذا ما فهمتوش اي سؤال انا في الخدمة

[*آمنة*]

سلام ميرال والله غير يعطيك الصحة

المهم حبيتك تشرحيلي من اول درس قريتوه في هذا المجال

ومذابيك تبعثيلي المصطلحات المهمين في هذا المجال

[ايمانو الجزائرية 01]

ربي يجازيك ميرال


مي نظن بلي فتع صجحيح او خطا الثانية تجي فو

باسكو على حساب النص الاساتذة تع الاب جامي قابلوا الاهل تاعو الا في المناسبات

دونك شافوهم و تلاقاو وووو

[ايمانو الجزائرية 01]

هاذا السوجي فيه حاجات قريناهم فالمتوسط انا نسيتهم كامل


نزيدو نقراوهم ؟

[مِيمْ]

المشاركة الأصلية كتبت بواسطة *آمنة*

سلام ميرال والله غير يعطيك الصحة

المهم حبيتك تشرحيلي من اول درس قريتوه في هذا المجال

ومذابيك تبعثيلي المصطلحات المهمين في هذا المجال

اهلا امنة
الله يسلمك

حنا كعلميين منتعمقوش في الدروس تاع الفرنسية
والنص الحجاجي عادي كيما قريناه العام اللي فات
حاجة وحدة برك ركزي عليها
هي la voix passive et active
و احفظي الادوات تاع cause و conséquences
حتي افعالهم
Psq هادو يطيحوا من بعد والاساتذة اللي يقرونوا مش راح يشرحولك
❤

[مِيمْ]

المشاركة الأصلية كتبت بواسطة ** اريج الصبح **

ربي يجازيك ميرال


مي نظن بلي فتع صحيح او خطا الثانية تجي فو

باسكو على حساب النص الاساتذة تع الاب جامي قابلوا الاهل تاعو الا في المناسبات

دونك شافوهم و تلاقاو وووو

امين ربي يحفظك
اكي قلتيها وحدك في المناسبات برك يعني نادرا وين يشوفوه 😉
معناه vrai

[مِيمْ]

المشاركة الأصلية كتبت بواسطة ** اريج الصبح **

هاذا السوجي فيه حاجات قريناهم فالمتوسط انا نسيتهم كامل


نزيدو نقراوهم ؟

اكيد
شوفي مثلا حنا في هاد الفصل الاستاذ دارلنا
حاجة قريناها في المتوسطة وجامي لا شفناها في الثانوي
قالنا نتوما في الباك متتوقعوش انو قراية السنة الثالث هي اللي راح طيح
راح يطيح كامل واش كنتي تقراي
اكبر مثال في الانجليزية
هاداك الجدول تاع d-t-id و الجدول تاع s-z-iz وهادوك اللي تحولي
من adjectif الى الاسم هادو كامل قريناهم في المتوسطة
ومناش نقراوهم دوكا بصح كاين شحال من موضوع تاع باك انجليزية
وفيه هادوا
ايا حنا نقراو كلشي دوك كزيادة خير خيرين ❤

[وسام سومة]

المشاركة الأصلية كتبت بواسطة مِيمْ

اكيد
شوفي مثلا حنا في هاد الفصل الاستاذ دارلنا
حاجة قريناها في المتوسطة وجامي لا شفناها في الثانوي
قالنا نتوما في الباك متتوقعوش انو قراية السنة الثالث هي اللي راح طيح
راح يطيح كامل واش كنتي تقراي
اكبر مثال في الانجليزية
هاداك الجدول تاع d-t-ed و الجدول تاع s-z-iz وهادوك اللي تحولي
من adjectif الى الاسم هادو كامل قريناهم في المتوسطة
ومناش نقراوهم دوكا بصح كاين شحال من موضوع تاع باك انجليزية
وفيه هادوا
ايا حنا نقراو كلشي دوك كزيادة خير خيرين ❤

اييييييييي جابك ربي اذا عندك هذاك الجدول ممكن تحطيهلنا

[مِيمْ]

راح نبعثهولك في الخاص باش متتخلطش الفرنسية مع الانجليزية في موضوع واحد ^_~

[ايمانو الجزائرية 01]

معليش مع اني نظنها خطا بصح م يهمش


اه صح انا يخلعوني كي نلقا حاجات م المتوسط و المشكل اني نكون ناسيتهم


تعييييييشي ميرالو ابعثيهولي انا ثان