رجعت وجبتلكم صور من خطوبة اختي مرحبا بيكم

[ninafret]

السلام عليكن حبيباتي
يوم الجمعة جاو شافو اختي اللي اقل مني وحبيت نشارككم الصور وتخلو رواحكم اهل العريس وقولولي واش رايكم
على فكرة ماعملناش خطوبة رسمية جاو حتى نتعرفو ويشوفو اختي لانهم من ولاية باتنة وكي نرجعولهم القبول يرجعو حتى نعملو خطبة رسمية
المهم ادعو لاختي يكمللها ربي بما فيه الخير والصلاح
هيا راح تبقاو قدام الباب قولو بسم الله وادخلو برجلكم اليمين



هادي الحلوى اللي قدمتها مع الحليب والقهوة

غريبية الوردة محشية بالنيستلي والنوازات



غريبية جديدة
دوبي 500غ زبدة لابال خليها تبرد وزيديلها كاس اتاي زيت وربع العلبة نفسها سكر قلاصي اخدميهم مليح بالباتور وغطيهم ودخليهم الثلاجة ليلة كاملة وفي الغد عاودي طلعي الخليط مليح بالباتور وزيدي معاها 1كلغ فرينة حتى تتحصلي على عجينة حليها فوق سطح مرشوش بسمك2 سم او اكثر حسب الرغبة وقطعي بواسطة المول من جهة الوردة ودخلي الحبات للفرن من تحت فقط من غير مايتبدل لونها وكي تبرد ديري في الثقب اللي في الوسط شكولا سوداء دايبة ولا نيستلي اللي يتباع في العلب راه يتباع نبستلي كاراميليزي استعمليه مباشرة من غير ماتطيبيه وزيني بحبة بندق ومرات نحط في الوسط شوية عسل ابيض وفوقو بيستاش مرحي ويجي منظرها روعة هي بيضاء والوسط اخضر تجي تحفة

غريبية الهلال بالكاوكاو والجلجلانية


بسبوستي وهاد المرة سقيتها بالنيستلي كاراميليزي معه الناسكافي وزينتها بالنوازات








بساط الريح للحبيبة ام اماني وجا روعة روعة ويحمر الوجه




الحشو عملتو جوز وعملت النستلي كاراميليزي للكريمة





من بعد حطيت عصير وفاكهة




هدا واش جابو معاهم

بوكي نتاع الورود


سلة فواكه



والتارت





هيا كولو بالصحة والهناء

وانا عدلت وتحفت روحي ولبست خياطة جديدة حسبت روحي انا العروسة هههههههههههههههه


وهادو كعيكعات كنت عملتهم لصديقتي لعرس خوها





وهادو لي بول دو ناج تاني عملتهملها





قاطو بنواد كوكو....
1كلغ نواد كوكو تزيديلو برش 2 حبات ليمون كبار+200 غ سكر عادي وشوية فاني خلطي الكل وزيدي بيضة ثم صفار ثم بيضة ثم صفار وهكدا حتى يتلم الخليط شكلي كريات دخليها للفرن حتى تاخد اللون الدهبي من تحت وكي تبرد غلفيها بالقلاساج اللي هو عبارة عن بياض البيض اللي بقالك طلعيه مع سكر قلاسي و 2 ملاعق عصير ليمون و2 ملاعق زيت و4 ملاعق ماء زهر زيدي وشوية ملون وردي او اخضر فاتح ولا ازرق وزيدي السكر قلاصي ا بالتدريج عينك ميزانك حتى تتحصلي على خليط خاثر غلفي الحبات بيه وزينيهم بوردات من عجينة اللوز اللي هي علبة من عجينة اللوز تزيديلها نصف كاس مايزينة مفورة وملون خلطي الكل وحلي العجينة واطبعي بطابع المارغوريت المتوسط رقم 2 ورقم 1
اصبرو شوية نحطهولكم بالتفصيل في موضوع مستقل راني صورت كل المراحل بقالي نحملها فقط

وهادي الشوكولا مزينة بالدبلة


راني كملت التحميل ونستنى رايكم

[الوهرانية 1]

الله يبارك خيمة كبيرة ما شاء الله الله يجعلها دائما عامرة بالافراح
الحلويات رائعة روعة صاحبتها
ربي يكمل لاختك بخير وعقبالك يا رب
حبيبتي كل شي متقون فنانة الله يبارك

[ellen wolf87]

rahi halwa techahi w heta dicor dyale dare allah yebarek w rabi yetmem likom 3ella khire w yehaniha ya rab
ekoba lina ya rab 3

[RaN!mE]

Raw3aaaaa y3tik sa7a ......rabi yhani o5ték wkmlha nchalah ...wla39obalik ntiii nchalah

[touta2010]

تبارك الرحمان خمسة وخموس كلش مبروك عقوبا للعرس يويووووووو وهذي زغرودة من عندي

[رحمة من المولى]

الله يبارك و يدوم فراحكم ان شاءالله

[la charmant]

الله يبارك تحفة ربي يكمللها و لعقوبة ليك حنونة

[linat]

1000mabrouuuuuuuuuuuuk wa rabi ytamalha wa yhaniha

[❀•بَـهَـآءُ الْـرُوًحْ•❀]

روووووووووووووووووعةة إبـداع في بـداع


بــــــرافووو عليـك ♥ |~

من ديـكور الصالــــــون حتـى لي قاتــــو اللي عملتيهم يعطيك الصصحةة ششاااطررةةة


رانا نستناااو في التقييم نتاع اللشيف أم كـوثـر ههههه

[انتي بلون الورد]

الله يبااااااااااارك كلشي متحوف و متقون ربي يكملها علا خير يا رب و يهينها و يهنيك انتي تان.5 و خموس عليك شاطرة تاع الصح.

[ساندي 28]

الله يبارك تحفة ما شاء الله قوليلي حبيبتى كيفاش خدمتى ليبول دو ناج خرج هايل

[ninafret]

حبيباتي نورتوني بردودكم وبدعواتكم لاختي ربي يدوم افراحكم حتى انتو رلعقوبة للعازبات
وماتنساونيش بدعواتكم ليا بالدرية الصالحة
حبيبتي ام نجم اصبري عليا شوية نحطو في موضوع مستقل راني صورت المراحل بالتفصيل ومذاقو رائع بدون مبالغة

[عروبة20]

هذي خطبت اختك تفننتي بهذه الروععععععععععععععععععة نهار خطبتك واش ديري مبروك لاختك وعقبال عندك يا فنانة

[ام الهضاب]

راكم قمتوا بهم مليييح علابالي يعجبهم الحال و ربي يكمل لها بخير

[ninafret]

المشاركة الأصلية كتبت بواسطة عروبة20

هذي خطبت اختك تفننتي بهذه الروععععععععععععععععععة نهار خطبتك واش ديري مبروك لاختك وعقبال عندك يا فنانة

الله يباركفيك حبيبتي ولعقوبة ليك ان شاء الله
انا متزوجة عندي تقريبا ربع سنوات
ادعيلي معاك يرزقني ربي بالذرية