شربة بنينة بطريقتي الخاصة من مطبخي

بريق الامل& · 2013-01-31, 14:57

هذي المقادير الي نحتاجها كما هو موضح بالصور
لحم خروف_بصلة_كورجات _1فلفل طرش_طماطم الحبة _زرودية_قصبر خضر_سنة ثوم_ورقة رند_عود قرفة_زيت_ملح_فلفل اكحل توابل قصبر حب مرحي بذور البسباس مرحية وشوية راس الحانو وفلف حمر مرحي شوية نعناع يابس طماطم مصبرة
نقطع اللحم

نرابي نصف حبة بصلة

نرابي فلفل حلو ونضيف ورقة رند وعود قرفة
نرابي الزرودية نصف او حبة صغيرة

لازم نرابو في هذي كما في الصورة تكون دقيقة جدا هي و الكورجات والفلفل طرشي
الكورجات نصف حبة
سنة وحدة ثوم

الي عندها الروبو تستعملو في طحن الخضرة

شوية فلفل حار مقطع

نحطوهم كامل في القدرة مع الزيت والملح والتوابل ونقلي على نار قليلة حتى يبقى الزيت ونظيف طماطم الحبة رابي ونقلي

ونمرق بماء دافي
ونظيف شوية نعناع يابس مغسلو وربيطة صغيرة قصبر تحزمها بخيط صالح للطبخ ربطة صغيرة برك

انت اديريها تطلق البنة وتنحيها فيما بعد

كي تغلى تظيفي الدشيشة اناا نستعمل ثلاثة انواع دشية الشعير زوج مغارف ومغرف فريك ومغرف مرمز وطبعا هذو يتحضرو في البيت ماما توجدهم قبل رمضام ولفريك نشروه او نتحصلو عليه من عند نسا يبيعوه محضر بالبيت وريحتو روعة
تحبي تستعملي الي عندك بصح بهذو يمدو السر في البنة

لاحظي اختلاف الواان الدشيشة المرمز شبه اصفر فريك اخضر ودشيشة الشعير
نغسلهم في مصفاة بماء سخون
هاهي مغسولة بعد ما نقعتها شوية في ماء سخون ونصفيها ونرميها للقدرة بعد الغليان

هنا بعد الغليان نرميها ونحرك ونتركها على نار قليلة حتى النضج

نحضر هذ الدرسة كي توجد نرميهالها وتضفي بنة رائعة لحريرتي المميزة

فلفل طرشي رابي دقيق جدا شوية نعناع يابس نص مغرفة صغيرة وشوية قرفة مرحية وبسباس حب مرحي وقصبر حب مرحي وقصبر اخضر مقطع
وتنحي عود القرفة وورقة الرندة وربيطة القصر الي طابت بيهم
هنا بعد ما رميتهم ونخلط

تقدم مع الليمون والحار ممكن تظيفي هريسة

وتقدم مع المطلوع او بوراك

بريق الامل& · 2013-01-31, 14:59

نزولا لطلب سيرينور الي ديما تعجبها شربتي اي استفسار ساوضح
اتمنى ان تنال اعجابكم

أم أسامة 07 · 2013-01-31, 15:05

بارك الله فيك

أم أولادي* · 2013-01-31, 15:21

ما شاء الله

أم ماجد · 2013-01-31, 15:22

الله يبارك انا ندير فريك ومرمز فقط ما جربتش الشعير

بريق الامل& · 2013-01-31, 15:23

اقتباس:

المشاركة الأصلية كتبت بواسطة نصرية

بارك الله فيك

وفيك بارك شكرا على المرور الطيب

بريق الامل& · 2013-01-31, 15:24

اقتباس:

المشاركة الأصلية كتبت بواسطة أم آلاء الصغيرة

ما شاء الله

ربي يحفظك شكرا على المرور عطرتي صفحتي

بريق الامل& · 2013-01-31, 15:25

اقتباس:

المشاركة الأصلية كتبت بواسطة أم ماجد

الله يبارك انا ندير فريك ومرمز فقط ما جربتش الشعير

جربي ثاني الشعير لانو مليح بزاف للجهاز الهضمي شكرا لمرورك عزيزتي

لسومة 41 · 2013-01-31, 15:46

شكرا لكي حبيبتي

بريق الامل& · 2013-01-31, 16:05

اقتباس:

المشاركة الأصلية كتبت بواسطة la mouny

شكرا لكي حبيبتي

العفو عزيزتي تشرفت بمرورك

طاعة زوجي .. · 2013-01-31, 16:16

أمممممممممم يابرّوقة يعطيك الصّحة باينة تشهّي جامي لاكليتها بالشعير والمرمز طيّبيها كاش نهار وابعثيلي شويّة نذوقها برك
مشكورة حنّونة على الوصفة ربّي يفرّحك ويعطيك ماتتمنّاي

natacabell · 2013-01-31, 16:24

mmmmm riha taha lahkatni hata el asima lah ybarek bidoun chak tban hayla lah yahafdak hanouna

بريق الامل& · 2013-01-31, 16:30

اقتباس:

المشاركة الأصلية كتبت بواسطة * أمّ محمّد يوسف *

أمممممممممم يابرّوقة يعطيك الصّحة باينة تشهّي جامي لاكليتها بالشعير والمرمز طيّبيها كاش نهار وابعثيلي شويّة نذوقها برك

مشكورة حنّونة على الوصفة ربّي يفرّحك ويعطيك ماتتمنّاي

ما يكون غير خاطرك يا لالة نبعثلك اصلا هذي طيبتها على جال وحدة تتوحم شمتها عندي
العفو لا شكر على واجب
الهم امين وانت ثاني لك بالمثل

بريق الامل& · 2013-01-31, 16:31

اقتباس:

المشاركة الأصلية كتبت بواسطة natacabell

mmmmm riha taha lahkatni hata el asima lah ybarek bidoun chak tban hayla lah yahafdak hanouna

ربي يحفظك ويبارك فيك خنونة شكرا

أم ياسين الزهراء · 2013-01-31, 18:27

هايلة يعطيك الصحة دوق نرفد الطبسي ونروح للمطلوع انتاعك ونبدا على بركة الله