حلويات التخرج ، أدخلن للمساعدة

[عماني نور]

السلام عليكم و رحمة الله و بركاته ~

حبوباتي توحشتكم كاااااااااااااااامل ، و ان شاء الله كامل تكونو بخير يااااااارب

اليوم جيت نستشيركم في حاجة ، تعاونوني بلا مزيتكم

قولولي ، كيفاش يديرو في حفلات التخرج ؟ راكم عارفين يوم التخرج تندار حفلة صغيرة ممبعد ، للمشرفين و الأساتذة و الضياف الي تعرضيهم يحضرو

واش نوع الحلويات الي ممكن تندار ؟ و الطريقة المثالية ؟ ندير حلوى ف لي بوات ولاّ ندير open buffet ( بوفيه مفتوح )

اعطوني آراءكم ، إقتراحاتكم ، تجاربكم ، و أنواع الحلوى و وصفاتها من فضلكم ☺

نستنى ردودكم ، بالاك تخيبوني

جمعة مباركة

و تحياتي للجميع :-* ♥

[nadia38]

أختي فكرتيني بالخرج متاعي ألهمه ديري في. les boites للطلبة و الستارة ديريلهن كل حلوة في طبق و زيدي ميلهم لبوات ديري في مستطاعك و المنتدي رآه معمر بالحلويات الاقتصادية متكلفين روحك رآك طالبة

[zineb 2015]

Salam ma cherie kayen lu ydir gateaux f les boites m3a jus w ma l les profs wel ba9i des tartelette wela ay naw3 ykoun mlih m3a jus wela diri des boite l houdour f blasete madiri des tarte c tt mech haja anti w wech te9dri rabi ywaf9a9

[سعيدة سعيدة]

وراهم الروابط انتاعهم

[lama Rimasse]

بالباراكة عليك اختي
انا غير كيما تخرجت درت des boites pour les jurées شوية كبار و مميزين درت 3 انواع تاع قاطو مع بقلاوة حطيتهم فوق الطاولة مع كانيطات و ماء و لي قوبلي و تكوني غطيتي الطاولة ب لاناب
و للمعزومين des boites simple ما تكلفيش روحك يترماو برك les boites و jus مع التاي و القروط قولي لصحاباتك يوجدولك la salle من قبل باش غير تسوتني تلقاوها واجدة
كي تدخلو للحفلة اشكري والديك و اهديلهم هذا التخرج و كامل الناس لي جاوك او مبعد باش يبداو ياكلو
و ان شاء الله بالتوفيق
شوفي راني حاطة حلويات الترسيم و درتهم في لي بوات

[Lola120]

السلام عليكم
انا أختي في حفل التخرج نتاعي درت les boites للجنة التحكيم و صحاباتي المقربين و اللي عونوني في البحث جاوني 15 boites في كل واحدة 5 انواع,
اما الباقي درت 3 انواع في صحونة كبار على شكل open buffet
bien sur كلش مع des jus

[~أمة الله~]

السلام عليكم ورحمة الله وبركاته أختي
مبارك عليك التخرج وربي يوفقك
هيا نشفى حنا كل عام في كلّيتنا ينبهو بلي collation interdite ولكن نفس الشيء ، نصيحتي ليك ما تكلفيش روحك وركزي مع مشروعك ، أنا في الليسانس ، درنا des manchons et mini pizza غلفناهم ، قازوز ، وحلوة في علب ...
في الماستر ،، درنا غيرالحلوة -ثلاث أنواع - كانت هدية ربي يجازيها لي دارتها و قازوز فقط ، ولم نفرق بين الطلبة والأساتذة ، وفي الأخير الأساتذة ما داوش العلب ديالهم ههههه.... أنا نشوف الطلبة يديروا للأساتذة هدايا وعلب كبيرة وماعلاباليش ، نظن هذا من التكلف والله أعلم ...
وربي يوفقك

[عماني نور]

أوووووووه يعطيكم الصحة ، و الله غير الواحد يتكل عليكم و مايخافش الله يبارك ^^

شكرا شكرا شكرا لكل واحدة فيكم ، ربي يرزقكم الخير ياااااااااربي

[غزالة الصّحراء]

أهلا بك حبيبتي. وألف مبروك مسبّقا. أنا صديقتي دارت حفلة تخرّج ابنها. قالت لي أدات كلّ الحلويات داخل علب البتيسري. ولمّا وصلت رتبت الطاولات وزينتها بمفرش جميل . ووضعت الحلويات في صينيات خاصّة ( اسنيوات ) . والكلّ أكل واش عجبوا. وهذا مع نهاية تقديم ابنها لموضوعه. وأنا شخصيّا أعملت لها البقلاوة. كانت اكثر من روعة وكلّ ألي ذاقها عجباتو حبيبتي لاداعي للتبذير . انشغلي كما قالت احدى الأخوات بموضوعك وحضّري نفسك نفسيا وواجهي اللّجنة بكلّ شجاعة وهمّة كوني ذات ثقة بنفسك. تمنياتي لك بالتّوفيق.

[راحيل2]

السلام عليكم ديري للجنة تارت مع شاي او قهوة حسب الوقت كذلك فواكه وعصير
اما للبقية بوفيه مفتوح بمعنى تارتولات او ما تحبين مع العصير طبعا

[jojo dj]

انا درت ميني بيتزا وقاطو وقازوز قهوة تاي هاذي ف 2009ههههه ديري حاجة عادية وانا من رايي اذا حبيتي كاش ماتزيدي ديري دي بوات صغار حلوة الترك. والف مبروك

[preciosos]

مبروك مسبقا التخرج
كيما قالت الأخت راكي مازلتي طالبة متكلفيش روحك
ديري 3 أنواع أو 4 تاع الحلوة على الأكثر
و لي بوات متكلفيش روحك ديري عادي
و نوصيك حاجة لاصال الي ديري فيها الحفلة اغلقيها
خاطر ناس متعرفيهومش يجو يدو و يروحو
الماء و العصير متنسايهمش مع هاذ السخانة
و ربي يسهل ان شاء الله

[زوجة سليم]

1000 mabrouk

[عماني نور]

يعطيكم الصحة حبوبات ، ربي يبارك فيكم كااااااااااااااااااااامل

ان شاء الله لعقوبة لولادكم و حبابكم كامل ياااااااااااااااااااااااااربي

biiiiiiiiiiiiiiiiiiiiiiiiiiiiiiiiiiiiiiiiig muaaaaaaaaaaaaaaaaaaaaaaaaaaaaaaaaa7 ^^

[ام زهر]

ربي هنيكنم ونجحلكم ولدكم كيم وقفتو مع هده المخلوقة والبساطة هي خير من كلشي بتوفيق شششششششششششششششكرا