نصائح اثناء اختيار الرغبات للمتحصلين على شهادة الباكلوريا - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات التعليم الثانوي > منتدى تحضير شهادة البكالوريا 2024 > قسم الاستفسارات و طلبات الأعضاء

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

نصائح اثناء اختيار الرغبات للمتحصلين على شهادة الباكلوريا

إضافة رد
 
أدوات الموضوع انواع عرض الموضوع
قديم 2018-07-19, 19:18   رقم المشاركة : 1
معلومات العضو
alex00132
عضو مجتهـد
 
الصورة الرمزية alex00132
 

 

 
إحصائية العضو










B4 نصائح اثناء اختيار الرغبات للمتحصلين على شهادة الباكلوريا

السلام عليكم و رحمة الله و بركاته
الاخوة الكرام حبيت ليوم نقدملك بعض النصائح فيما يخص اختيار التخصص
بداية اهنئ الفائزين بشهادة الباكلوريا كما اقول لمن لم يحالفه الحظ هذه السنة حظ موفق في السنوات القادمة و تبقى مجرد شهادة للعبور و واحد ما علابالو الخير وين
و الان ندخل لموضوعنا
قبل ما تبدا تخير لازم تكون مداير في بالك تخصص معين راك حاب تقراه و انت لي راك حاب تقراه موشي والديك ولا صحابك و لا جيرانك و لا اي واحد
يعني هذا مستقبلك نتا و نتا لي راح تحددو
و ديرو في بالكم انو التخصص لي راح تقراه راح تخدم بيه طول حياتك تسما لازم ادير حسابك واش راح تخدم بيه يعني ماشي تحب تقرى حاجة و نتا علابالك بلي ماكاش الخدمة بيها في بلادنا ولا الخدمة تاعها كاين في مناطق ماتقدرش تخدم فيهم نتا ، و ربما المواد لي راح تستعملهم عندك منهم حساسية
ايضا ربما تختار حاجة تستلزم انك تتعامل مع الناس و نتا تعرف روحك انك تتقلق بزاف يعني اما تغير طبعك و الا ماكلاه تخيرها
فيما يخص الناس لي والديهم ما يقدروش يوفرولهم مصاريف تاع الدراسة ، بقى شهر و نص على الدخول الجامعي يعني من الاحسن انك ما تتنازلش على اهدافك بسبب الدراهم روح اخدم هذا الشهر و نص دير فيها شوية مصروف و باباك بعاونك شوية على الاقل تكسي للدخول و تسري شوية مستلزمات و عيش قدرك ما تشوفش لي يجيو بالسيارات و غيرهم
الاكل تاكل في المطعم المدرسي ماديرش كيما الناس لي لاباس بيهم ياكلو برا (ما تكذبش على روحك) ، و هذا الكلام موجه للناس لي طول ف القرايا كيما الطب
من الاحسن هذي ليمات تقفل وذنيك لأنو الناس كامل عندهم شهادة بروفيسورا في التدبار ، كل واحد يغنيلك دير هذي مليحة و فيها الخدمة و هذي في الدراهم و هذي يحتاجوهم في قطر و هذا التخصص يحتاجوه في الامارات ،
و الناس المتشائمين ، الطبيب محقور ف دزاير ، الاستاذ محقور ، لخلاص قليل
طبيب تقرا 7 سنين شكون يصرف عليك اخطيك منها روح دير مدرسة عليا تاع اساتذة....الخ
خاوتي راني نهدر عن تجربة و الله كي ديتا لباك الناس كامل ظهرت تفهم تقول كامل داو الباك و لا كامل يعرفو الغيب
نوصيكم و نعاود على التخلي عن الهدف لغياب المال ، غير هذي ما ديرهاش حاول بكل الاساليب انك دبر محاينك ف هذا الشهر و نص بش تستر روحك ، و غدوة تقول حققت حلمي و حققت هدفي ماشي تقول الله غالب كنت حاب نقرى هذاك التخصص بصح كنت زاوالي و بابا ماشي لاحق خيرت هذا التخصص باش نزرب نتخرج و نبدى نخلص ....
التخصصات كي تبداو تخيرو ابدا باللي راك حابها اذا المعدل تاعك ما سمحلكش عندك احتمالات :
اذا شايف روحك تقدر تعاود الباك و تجيب معدل خير اقرى التخصص لي يعاونك لوكان تنجح العام الجاي و دير تخصص لي راك حاب ، مثلا راك حاب طب و ديت 15 و هوما طلبو 16 فما فوق تقدر تخير فرنسية او بيولوجيا لانو الاثنين يعاونوك
اذا شايفروحك بعيد و كرهت من الباك خير التخصص لي تقدر تقراه ماشي تبدا تيري برك ف التخصصات ،دير حفظ التراث ول فنون جميلة ول ماعلاباليش (مع احتراماتي لكل التخصصات) ، خطر راح تقراه هذا التخصص و راح تخدم بيه و راح تبني بيه دار
كي تخير(الرغبات) باينة تبدى بلي راك حابها و الثانية ربما تقدر تقراها ، النصيحة هي انو حتى لو انك ديرت معدل مليح ، اثناء الاختيار كل التخصصات لي تخيرها من 1 حتى لآخر تخصص دير اللي راك قادر تقراه ما تبداش تقول خلي برك
لأنو الكثير من الناس داروها و ندمو يوصل الرغبة 10 يتيري تخصص ماكاش منو (مباعد كي يمدولكم بطاقة الرغبات تعرفوهم) و للأسف يعطيولو هذاك التخصص و يولي كاره حياتو و حتى حق الطعن ما عندكش
هذا ما تيسر إراده و ربي يوفق الجميع
و السلام عليكم و رحمة الله









 


رد مع اقتباس
إضافة رد

الكلمات الدلالية (Tags)
باكالوريا نصائح

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 10:38

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc