تورتتي البسيطة السهلة واللديدة بالبنان

[*سماح 94*]

سلام الله عليكن اخواتي
درت هاد العشية التارت المفضلة عند عائلتي وحبيت نحطهالكم نتوما ثاني
مقاديرها بسيطة جدا واعدادها اسهل واكيد لديييييييييييدة جداااااااااااااااااااااااااااااااااااا
بالنسبة للبات =العجينة =انا كنت نستعمل السابلي لي نخلطو الزبدة والفرينة ونلرملوهم ونلموهم ببيضة وشوية ماء بارد لكن بعد ما جربت هادي عدت طول نديرها هي تجي اهش وابن وتدوب في الفم
200 غ زبدة نخدمها مليح مع 4 م سكر رطب ثم نزيد بيضة ونخدم كيما نخدمو القاطو عادي ثم نص م ص خميرة القاطو ونلمو بالفرينة تماما كي عجائن القاطو لي نخدمه
نخليها ترتاح نص ساعة في الفريجيدار ثم نحللها مع شوية فرينة باش ماتلصقش






بعد ما نطيبها نحضر الكرام باتيسيار لي نحطوها فيها والصراحة انا طول ندير تاع حورية المطبخ تجيني الاروع من بين الكريمات لي جربتهم
نخفق 2 بيض مع سكر حوالي 100غ او حسب الدوق ثم نزيد عليهم 2 م ك ونص نشا ونخفق ثم نصب عليهم نص ل حليب سخون ونخلط ثم نرجع كلش للطاوة ونحطهم فوق النار ونحرك حتى تعقد وتخثار ونصبها مباشرة فوق التارت ونزين باي فاكهة انا كل عائلتي يحبوها بالبنان واكيد كل ما كانو فواكه منوعين ومشكلين تجي احسن
نخليها تبرد ونثدمها بالهناء والشفاء






.......... سلااااااااام وفي امان الله........