طريقة التعمير من مطبخ ليزابال

[lyzzabel]

البسملة1



حبيباتي نظرا لطلب الأخوات لطريقتي في التعمير حطيت اليوم هاذ الموضوع الذي أتمنى ان ينال إعجابكن
و لتحضير التعمير ماكاينش مقادير مضبوطة خاطرش كلشي على حسب نوعية السميد و حجم البيض لي نستعملوهم
نحتاج الى :
كمية من السميد المتوسط حساب شحال راني باغية ندير
حبة بصل مرحية
فصوص ثوم تاني حسب الحجم نكثر انا درت 4 فصوص كبار
معدنوس مقطع رقيق
قصبر مقطع رقيق
ملح حسب الحاجة
فلفل اسود
شوييية قرفة غبرة
راس الحانوت انا استعملت م ص مملوءة
البيض حسب الحاجة انا استعملت 5 حبات

الطريقة :
في وعاء عميق نحط السميد البصل و الثوم المرحيين القصبر و المعدنوس تاني مرحيين ، ملح فلفل راس الحانوت و القرفة و نخلط ، من بعد نبدأ نضيف البيض بالحبة و نخلط و نشوف لازم يكون الخليط جاري شوية كما في الصورة انا كمية السميد لي درتها تطلبت خمس حبات بيض



من بعد نعمر الخليط في كيس نظيف طبعا و نربط الكيس مليح لمنع التسرب و باستخدام إبرة نثقب هذاك الكيس من كل النواحي و نكون محضرة المرق يطيب لي ندير فيه التعمير ،، نرمي الكيس يطيب مع المرق حتى ينضج كليا و نفتح الكوكوطة او الطاجين و ننزع التعمير و نحطه في صحن يبرد شوية و منبعد ننحيه مالكيس و نقطعه بالسكين الى قطع حسب الرغبة و نصب عليه شوية مرق باش يتشرب و ما يجيش ناشف بيلاما حضرت الأكل







ملاحظة :
نقدر ندير التعمير مع المرق تاع البركوكس و تاع الرقاق و كذلك نعمر بيه دجاجة ما بين الجلد و اللحم بصح ما يكونش الجلد تاعها ممزق و نخيطها و نغلق جهة الفتحات مثلا عند الرقبة بكيس نظيف نكمشه مليح و نستعمله كسد حتى ما يتسربش التعمير اثناء الطهي
انا اليوم درته مع البركوكس ممممممم جا فييييييلم هههههه تفضلو

و للمرق تاع الطعام كاين طريقة اخرى تختلف على هاذي ممممم رهيييييب هههه ،،كاش نهار انشالله نديره و نحطه موضوع

الى اللقاء حبيباتي في موضوع جديد من مطبخ ليزابال و طبعا دعوة خير بزاف عليا
سلاااااااامي لكن جمييييعاااااا

[DIDA34]

بارك الله فيك روعة

[lahna moka]

يا عمري يا ليزابيل الوصفة رووووووووعة روووووعة رووووووعة يعطيك الصحة و موااااااااح كبيرة ليك يا أحلى عسلاية

[FLEURBLANCHE]

اممممممم الله يعطيك الصحة فكرتيني به حنا نديروه نفس الطريقة غير نخلطو معاه لحم مطحون او الكبدة يجي فيه لذة لا تقاوم ايه حقا اعطيني هادك الطبسي سالو ريوقي عليه

[أم عبد الكريم]

شكرا لك بارك الله فيك حنا منديروش خلاص التعمير اول مرة نسمع بيه هنا في المنتدى

[sidali 2007]

رووووووعة يعطيك الصحة

[مرام 1987]

الله يبارك دائما مبدعة وأطباقك في القمة
والعيش صراحة شهااااااني لهيه هههههههههه بصح بيناتنا كنت حاسبة التعمير هذا يديروه باللحم مرحي وهو خرج حاجة وحد أخرى
بارك الله فيك كي نرتاح إن شاء الله نجربو

[lilouchaf]

فكرة هايلة ليزابيل احنا عندنا القبايل واحد الوصفة تشبه شوية لطرقتك هادي تع التعمير يقولولها تاحبولت نتملالين ولكن احنا مانديرولهاش البصل والتوم والخليط هاداك نقليوه في المقلاة ومن بعد نقسموهم براج ونرموهم في صوص حمرا مع البطاطا

[lamis.imen]

روووووووووعة يشهي بارك الله فيك

[أم إناس]

ياعمري اليزابل يعطيك الصحه.
بارك الله فيك

[lyzzabel]

المشاركة الأصلية كتبت بواسطة dida34

بارك الله فيك روعة

و فيك بارك الله حبيبتي ،، مرورك الاروع

[بشرى2008]

مشكووووووووووووووووووووووووورة حبيبتي
علابالي من يديك تجي بنيييييييييييييييييييييييييييييييييييييييييييييييي يييييييينة

[ام سهام 02]

نسمع بالتعمير بصح عمري ما درتو طريقتك عجبتني رووووووعة كنفرغ انجربو بارك الله فيك .

[natacabell]

شكرا لكي ليزا يعطيك الصحة وصفتك تشبه لواحد الطبق هو قبائلي في الاصل يقولولو تيكربابين يعطيك الصحة

[lyzzabel]

المشاركة الأصلية كتبت بواسطة lahna moka

يا عمري يا ليزابيل الوصفة رووووووووعة روووووعة رووووووعة يعطيك الصحة و موااااااااح كبيرة ليك يا أحلى عسلاية

انت لي اررررروع يا حلوة الحلويييين وربي يخليك يا لعميرة و 1 و 2 و 3 مواااااحاااااات