اقتراح ادخلوا شاركوني - الصفحة 2

ام محمد ميدو · 2011-11-17, 08:57

سلام
باش تجيك البطاطا المقلية(frite) بنينة اضيفي للزيت و انت تقلي فص ثوم كبير بقشرته

ميمنة الجزائر · 2011-11-17, 09:46

شكرا على الموضوع اقول لكم اذا اردت ان تنزعي الريحة السيئة من الثلاجة جيبي كاس صغير وديري فيه شوية بيكابوتات

وحطيه في الثلاجة راح ينزع اي ريحة من الثلاجة وتجدد العملية كل اسبوع

وايضا اذا اردت انو الحمص يصبح طري كثير ديريه في ما وبيتيه في ماء به خميرة القاطو واغلقيه راهو الغد كي تحبي طيبيه

يجي ذايب وما يديش وقت

وايضا اذا اللحم اردتي ان و يطيب في سرعة تقدري ديري شوية خميرة القاطو يعني قرصة فقط وتغلقي عليه راهو يطيب تم تم

وخاصة الكرشة تاع الدوارة تجي طايبة عسل وما تديش وقت كثير

ارجو انني افدتكم ولو بطريقة

سَلْسَبِيّلْ · 2011-11-17, 12:00

بارك الله فيكن حبيباتي
اذا اردت مقروط يذوب في الفم وبلا مايتفتت ديريلو قرصة بيكاربونات في الدقيق

ام احمد الغالي · 2011-11-19, 13:11

اذا حبيتي الستيك يجي طايب وطري في نفس الوقت ومش قاسح لما تتبليه حطي عليه مغرفة خل في التتبيلة عن تجربة

BACHIRA2 · 2011-11-19, 13:22

اهلا اختي هذه طريقتي المستعملة في طياب اللحم اذا كان ما يطيبش بالخف اضيفي خميرة الحلوي او اذا وجد في البيت نواة تمر اضيفيهم للمرق و شوفي بنفسك ما تنسايش تنحيهم كي يكيب اللحم

** موحدة 02 ** · 2011-11-20, 08:17

كاين نوعية تع بطاطا كي تجي تقليها تحمار في الزيت بلخف وما تطيبش اكيد راكم شفتوها.امالا الفكرة هي انك تحطيها في ماء طابخ على النار لمدة 5 دقائق فقط تبقى شادة روحها تم تنحيها و تصفيها و تخليها تبرد و قليها راح تطيب نورمال

islam1aya · 2011-11-20, 08:59

السلام عليكن اخواتي العزيزات والله ركن هايل ينفع كل ست بيت
كتغلي في القدر الماء باش تفوري كاش حاجة دائما حطي نصف قطعة من الليمون باش ماتقعدش طبقة الكالكار وما تكحالش القدرة

ام محمد ميدو · 2011-11-20, 09:21

سلام
اذا كان الثوم صغير و هبلك باه تقشريه

حطيه في ماء عادي 5 دقائق ثم قشريه
اما الطماطم فحطيها في ماء ساخن دقيقة ثم في ماء بارد رايحة تتقشر بسهولة

**هبة الله** · 2011-11-20, 15:01

السلام عليكم

شكرا لك اختي ام محمد

بارك الله فيك

حقا افكار جميلة وجيدة تساعد

كل طباخة في المطبخ

ساضيف الجديد باذن الله

موفقين

ام محمد ميدو · 2011-11-21, 13:38

مساء الخير
اذا حبيتي تقطعي الباتيسري لي درتيه جينواز او ميلفاي...الخ حطي السكين في ماء ساخن جدا ثم امسحيه بسرعة وقطعي بيه راه رايح يجوك الحبات كيما المشري

ام محمد ميدو · 2011-11-22, 10:59

باش الطماطم المصبرة ما تخسرلكش ديري ثقب(فتحة تكون شوية كبيرة مش ثقب صغير) في وسط غطاء العلبة

~~هفين~~ · 2011-11-22, 11:11

اذا كانت عندك مقلى تلصق الاكل ما عليك الا ان تقلي فيها شوي ملح قبل الاستعمال وهكذا تقدري تطيبي فيها وكرري الطريقة كل ما حبيتي الاستعمال
اذا حبيتي مايطيرش عليك الزيت كي تكوني تقلي ومايحرقكش اضيفي للمقلى نتاعك عرف معدنوس
كي تكوني تغلي فالزيتون غليه المرة الاولى عادي وفي المرة الثانية زيدي 2 ملاعق كبار نتاع سكر باش تحصلي على ذوق مميز
كي تكوني تغلي فالخرشف زيديلو فصات ثوم مع ورقة رند باش مايجيش مر

trouble · 2011-11-22, 17:13

i like this idea

ميرة31 · 2011-11-22, 17:35

موضوع جميل ........................
اذا ما حبش اللحم يطيبلك .........زيدي حبة تمر ............او نواة التمر .......راح يولي يتفتت وطري .....

ام محمد ميدو · 2011-11-23, 08:56

اذا حابة البيتزا طيبلك زين ديريها فوق حجرة سيراميك والفرن يكون سخون ياسر