|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
أجمل وصفة بيتزا في المنزل أحسن من المطاعم بأسهل طريقة خطوة بخطوة - pizza مع klodia26 _ dz
 |
|
|
أدوات الموضوع | انواع عرض الموضوع |
2016-01-25, 15:34
|
رقم المشاركة : 1 | ||||||||
|
أجمل وصفة بيتزا في المنزل أحسن من المطاعم بأسهل طريقة خطوة بخطوة - pizza مع klodia26 _ dz
البسملة1
السلام عليكم ورحمة واش راكم خياتي ؟ ان شاء الله بخير وعافية  لمرة الي فاتت حطيتلكم بريوش وكان الحمد لله ناجح لما جربوه لبنات ونشكركم على تشجيعكم ودعمكم ليا كامل العضوات سواء في هاذ القسم أو قسم الجمال بدون دعمكم وتشجيعكم ما كنتش هنا وبعد ما طلبتو مني طريقتي الخاصة للبيتزا وخاصة امولة ما شرحتهالكش مليح ذيك النهار اليوم لبنات جبتلكم طريقة رووعة رووعة للبيتزا وهاذ العجينة نستعملها لكل معجناتي  https://cutt.us/klodia26_dz_ ننصحكم تجربوها والله مش رح تندمو وذوقها أحسن من تع المطاعم ولبيتزيريا   ما نطولش عليكم نخليكم مع الوصفة : للعجينة نحتاجو : - 1 كلغ فرينة - نص لتر من الماء الدافيء - مغرف كبيرة خميرة خبز - ربع ملعقة كبيرة ملح - 2 مغارف كبار سكر عادي - و 2 فناجل تع آتاي زيت ( تحبو تديرو فنجان زيت زيتون وفنجان زيت عادي تحبو تديرو مباشرة 2 فناجن زيت عادي ) على حسب الذوق الطريقة : نخلطو السكر + الخميرة مع شوية ماء نخلوها شوي ونضيفولها الزيت + نصف الكمية تع الفرينة ( يعني فقط 500 غ ) ونفرغو عليهم الماء ونخلطوهم مع بعض مليح نتحصلو على خليط شبه سائل ( مثل تع البغرير ) ثم نضيفولو كمية الفرينة الي بقات يعني 500 غ المتبقية نخلطو مليح رح نتحصلو على عجينة طرية غطيها وخليها تخمر حتى يتضاعف حجمها نروحو للصلصة : نحتاجو 1 كلغ طماطم مغسولة ومقطعة قطع عشوائية + معدنوس مغسول ومقطع نزيدولها الملح + الفلفل الأسود + الفلفل الأحمر + الثوم مهروس ( مقدار 5 سنات كبار ثوم ) + وريقة رند + الزعيترة + وأكيد الزيت مقدار زوج مغارف كبار والأهم + نص فنجان ماء ( بلاك تقولو الطماطيش ديجا فيها الماء علاه نزيدولها الماء ؟ انا نقوللكم جربو الطريقة ورح تعرفو لأنو الماء هذاك رح يطلق في لاصوص ويزيد يعطي النكهة للرند والزعيترة .. وبصراحة انا جربتها مرة بالماء ومرة بلا ماء والله بالماء فرق كبير  .. لانو الماء هذاك ينقص الحموضة تع الطماطم ويزيد من النكهات لخرين ) وأكيد نضيفولهم ربع ملعقة كبيرة طماطم مصبرة ( المعلبة ) نخلوها فوق النار على نار متوسطة تكتك لمدة 20 دقيقة ومبعد ارحيهم بالميكسور روحي للحم المفروم ديريه في مقلات مع شوية زيت وقلبيه كي يبدى يطلق فالماء تاعو زيديو زوج سنات ثوم مهروسين + شوية ملح + شوية فلفل أسود خلطيه شوية ونحيه من فوق النار / في نفس المقلاة الي طيبتي فيها اللحم بدون ما تغسليها زيدي فوقها قطرة زيت ولوحي فيها الفطر ( الشومبينيو ) وقلبيه على نار هادية لمدة 2 دقائق ... علاه قلتلكم ما تغسلوهاش لأنو رح يبقى فيها هذاك الدسم تع اللحم المفروم الي طيبتوه ومع الي نطيبو بعدو الشومبينيو رح ياخذ النكهة هاذيك تع الثوم والبهارات نقطعو الطرشي ( الفلفل لحلو ) ونجهزو الفرماج انا ستعملت هاذ النوع لأنو نحبو قع أحسن من لخرين للبيتزا امممم  الآن روحي للعجينة رح تلقايها تضاعف حجمها حبطيها واقسميها دوائر متوسطين ماشي كبار وماشي صغار بالزاف باش كي تحليهم تكون العجينة ماشي رقيقة بالزاف وماشي غليظة بالزاف تكون مليحة حليها على شكل دائري بالحلال وبعدو روليها على الحلال غير باش تساعدك باش ترفديها للطابونة طيبيها فوق هاذيك الي يطيبو فيها لمسمن حطي العجينة واثقبيها وبمجرد ما تبدى تتنفخ شغل تعمل كيما الفقاعات اقلبيها ومباشرة ابداي عمريها ديري لاصوص مشيها مليح وزيدي باقي المكونات وخلي الجبن والزيتون في الأخير غير تعمريها وتكملي ارفديها من الطابونة وديريها في سنيوة باش تدخليها للفرن اشعلي عليها من فوق برك وخليها لمدة 3 دقائق أو 5 فقط باش يذوب هذاك الجبن وتاكلوها بالصحة والعافية و ما تنساوش الهريسة والمايوناز  ان شاء الله تجربوها وتعجبكم الي تحب تشوف الطريقة بالتفصيل وبمراحل مصورة ... ادخلو لهذا الرابط تع الفيديو الي مشروحة فيه الوصفة في قناتي على اليوتوب هنا : https://cutt.us/klodia26_dz_ نتمنى يكون عجبكم الموضوع ما تنساونيش من التقييم وردودكم الي تشجعني نمدلكم أكثر انتظروني مع موضوع جديد ان شاء الله  اختكم في الله klodia26_dz * * تجارب البنات للوصفة : اقتباس:
اقتباس:
اقتباس:
اقتباس:
|
||||||||
|
|
2016-01-25, 16:19
|
رقم المشاركة : 3 | ||||
|
اقتباس:
الله يسلمك غاليتي نورتي الموضوع ربي يهنيك
 اممم لالا عادي باسك ديجا حنا فالدار ما نحبوش لعجين يكون غليظ يعني تحسي بذوق العجين وبذوق الخليط في نفس الوقت أحسن من يكون العجين أكثر من الخليط ( كيما فالمطاعم ) وانتي وعلى حساب الذوق تاعك وتع العائلة اذا موالفين بيها ماشي رقيقة تقدري تجربي وحدة تحليها واذا شفتيها رقيقة نقصي منهم وزيدي كبري في حجم الدوائر تع العجين ان شاء الله تجربيها وتعجبكم مع اني نظن رح تدمني الوصفة هههههههههه انا راهم هبلوني بيها فالدار  ربي يوفقك حبيبتي |
||||
|
|
|
2016-01-25, 17:44
|
رقم المشاركة : 5 | ||||
|
اقتباس:
إن شااء الله أختي ربي يخليك ... موالفة نديرهاا بعجينة العشر دقائق بصح المرة هذي نجرب وصفتك .. |
||||
|
|
|
2016-01-25, 21:55
|
رقم المشاركة : 7 | |||
|
مشكورة اختي على الوصفة من الجمال الى الطبخ يا فنانة |
|||
|
|
|
2016-01-25, 22:08
|
رقم المشاركة : 8 | |||
|
رااااااااااااااااااااااه تبان هااايلة كي نجربها مع العائلة نردلك الخبر باسكو ما يعجبهمش العجب اه حنونة بليز ادا تعري للمحاجب اعطيني لاغوسات للعجين و للحشو الصوص بريسكو كيما دتها ما عجبتهم و يعطيك الصحة و يخليلك عائلتلك ان شاء الله |
|||
|
|
|
2016-01-25, 22:16
|
رقم المشاركة : 10 | |||||
|
اقتباس:
الله يسلمك ويحفظك ويهنيك حبيبتي ربي يخليك نورتي الموضوع بطلتك البهية بارك الله فيك اقتباس:
آميـن ويخليك ويهنيك غاليتي
ان شاء الله تجربيها وتعجيك |
|||||
|
|
|
2016-01-25, 22:22
|
رقم المشاركة : 11 | |||||
|
اقتباس:
الرووعة في تواجدك غاليتي نورتي ربي يهنيك ويخليك اقتباس:
العفوو غاليتي ربي يبارك فيك نورتي هههههههه راكي تشوفي احم احم هههههه ربي يسعدك |
|||||
|
|
|
2016-01-25, 22:27
|
رقم المشاركة : 12 | |||||
|
اقتباس:
ايه رووعة جربيها ورديلي الخبر ان شاء الله مضمونة فقط اتبعي الخطوات مليح واذا ما فهمتيش شوفي الفيديو بالصور وتبعيهم وان شاء الله هاذ المرة بالذات رح يعطوك 10 /10 حتى لمحاجب ان شاء الله مش رح نبخلك خيتي بيهم رح نبعثلك الطريقة ان شاء الله غدا في رسالة خاصة لحين نحطها موضوع للأخوات وأي شي تحتاجيه آمري وأنا حاضرة والله يسلمك ويحفظك حبيبتي نورتي الموضوع بطلتك ربي يهنيك اقتباس:
الله يسلمك غاليتي نورتيني بطلتك الباهية ربي يهنيك
|
|||||
|
|
|
2016-01-27, 11:01
|
رقم المشاركة : 13 | |||
|
يعطيك الصحة |
|||
|
|
|
2016-01-27, 11:06
|
رقم المشاركة : 14 | |||
|
صندوق راسايلك معمراختي كلوديا |
|||
|
|
|
2016-01-27, 13:18
|
رقم المشاركة : 15 | |||
|
َوصفة هذي ناجحة وانا ديما نخدم بيها بصح انا نطيب قاع الخبزات اولا ومبعد نبدا نحشي ونطيب في فرن حاجة لي متعجبنيش فيها فلفل يبقى ني ياسر وكي نذبلو يتغيرطعمو مشكورة اختي على وصفة نتمنالك مزيد من التالق ولي يجربها ميندمش عليها ولي ميجربهاش طفرت فيه |
|||
|
|
|
| الكلمات الدلالية (Tags) |
| بيتزا, عجينة البيتزا |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
