كل وحدة تدخل و تحط سر من اسرار الطبخ ولها جزيل الشكر

[wala]

السلام عليكم خبز المطلوع تخبزيه فى منادل او قماش كل واحد واش يسميها المهم بين القطعتين خيطى النيلون بيناتهم كما لى تخبزى عليه ولاتغطى بيه اوواحد كبير هدا يدفى الخبز ويخمر بسرعة باش تخمرى الخبز او الكرواصو سخنى الفرن شوية وضعى اسفل رف صينية الخبز طبسى المنيوم به ماء مغلى وعند طبخ الخبز سخنى الفرن وماتنزعيش طبسى به الماء لان دلك البخار يساعد على الرطوبة والانتفاخ

[ريان 7]

شكرا ربي يحفظكم
فعلا استفدت

[ام العباس]

بارك الله فيكي الاخت ريان موضوعك رائع
وربي يبارك في الاخوات الكريمات على معلوماتهم الرائعة

السر المطبخي الذي اشارك به هو: وضع الجير أو الكلس في دوارة الكبش أو كما نقول لها الكرشة ونصبر عشر دقائق ثم نحكها بالسكين تخرج بيضا ناصع

[nounoutoto]

السلام عليكم.شكرا على الموضوع ومشاركتي في اسرار الطبخ اضافة قطرات الخل الابيض او قطرات عصير الليمون الى الماء الذي يغلي فيه الشفلور و لا تغلقي عليه فيصبح ابيض ناصع و رائحتحه رائعة المجربة تدعي لي.

[أم محمد تاج]

حبيبتي شكرا على الفكرة هايلة وأنا فكرتي هي كي تشري قراعي مايوناز الصغار تاع الزجاج ماترميهمش احتفظي بيهم وكي تلمي مجموعة أعملي فيهم الياؤورت المنزلي وأغلقيهم وحطيهم في كوكوط فيها ماء ساخن وحطيهم وراء الشوفاج يوم كامل ومبعد حطيهم يبردو وهكذا كل واحد تكون عندو القرعة تاعو مثلا أنا 2 شكاير حليب يعمرولي6 قراعي مايوناز لوسيور الصغار نشالله نكون أفدت وشكرا جزيلا على الموضوع القيم.

[إلهام07]

باش يجيك المايونيز خفييف ،استعملي البيضة كاملة بدلا من استعمال الصفار وحده لأن البياض لما يخفق يصبح مثل الرغوة.
و لجعل المايونيز ألذ بعد الانتهاء من تحضيره ، أصيفي له الجبن و اخلطي و انتهى

[إلهام07]

لما تحبي تخفقي البيض لتحصير كيكة أو ميرانق أو مايونيز ...الخ، من الأحسن ان يكون البيض بحرارة الغرفة لأنه إذا كان بارد ممكن ما يطلعش و يفسدلك الميرانق ، وإذا نسيتي ما خرجتيهش من الثلاجة قبل الاستعمال ، حطي الإناء اللي رايحة تخفقي فيه البيض في إناء آخر فيه ما ساخن ( يعني bain marie ) و رايحة يطلع البيض بسرعة و يجي هايل

[ريان 7]

ربي يحفظكم
مشكورات

[wala]

السلام عليكم كل واحد عندو طريقة فى معالجة رائحة الكاوكاو انا نغلى الكاوكاو فى ماء الزهر او ماء به ليسترى لوز بضع دقائق فقط ثم نحمصو فوق الفورنو او شوفاج اوعلى نار هادئة فى الفرن او نفورو بالفانيلا كدلك نفور البرقوقة للحم الحلو بالفانيلا تخرج اكتر من رائعة الزبيب لى نضيفو لى الكسكس نغليه فى الشاربات خاصة طعام المناسبات

[ايمان16]

يعطيكم الصحة يستفاد منكم الواحد بزاااااااف انا كي نحب نطيب اللوز والكوكاو مالح نغطس يديا ف شوي زيت ونحكو مليح يجي بنين بزاف

[ريان 7]

مشكورات
حابة شوي نشاط

[om ahmed yacine]

شكرا استفدت منكم كثيرا موضوع هايل الفكرة الي نساهم بيها هي كي طيبي طبق مالح يحتاج لاكرام فراش وماتكونش عندك ارحي حبات فرماج مع شوية حليب وشوية زبدة واضيفيها للطبق تغلي شوية على نار هادئة وطفي تتحصلي على طعم شبيه للكرام فراش خاصة اذا استعملتي جبن كيري مربعات تصلح الفكرة مع شربة الفطر المقرونة البيضا......نتمنى نكون افدتكم كيما استفدت منكم.

[wala]

السلام عليكم شكرا على تتقدمون به من نصائح يجعللكم ان شاء الله فى كل خطوة الستر انا عندى اليوم لى بولات الخاصة بالمثوم او ضىفهم فى اى شيى المهم كريات اللحم باش تزكيه خاصة فى الاعراس حتى فى بيت كى يكون عندى لحم مرحى قليل نضيفلو الروز مغلى ومصفى ومرحى فى رحيوة او الروبو او استعمل الكسكس يابس او تشيشة المرمز او الفريك او خبز يابس مرحى ومحمر شوية فى الكوشة مع قطعة جمبو بقر فتيها مع الخبز المهم كاين بزاف يعرفو الوصفة هده وكاين العكس انا اريد منكم ان تزودونا حبيباتى بمعالجة الكوكاو لانى لااحب رائحته واجر الجميع عند المولى عز وجل

[ريان 7]

وين رحتو ؟؟؟؟؟؟؟؟؟؟؟؟؟؟؟؟

[wala]

السلام عليكم الجلبانة باش تتقشر بسرعة غليها بقشورها فو الماء لمدة 3 دقائق ثم قشريها ونشفيها وانثرى عليها قليل من سكر قلاصى لى جلبانة نتاعهم صامطة لان الحلاوة حسب المناطق ثم عمريهم فى قارورات سعيدة الصغار او قارورات لى يفرغوا فى العرس احسن من صاشيات اريد ان اسال لمدا هدا الصفحة مايزوروهاش باش يكسبو الحسنات فى عطائهم