شاركونا ... جازاكم الله خيرا

[*أم جابر*]

السلام عليكم ورحمة الله و بركاته

هل تعلموا أن جلد #الدجاج الدهني من أخطر أنواع الدهون التي تتراكم في جسم الانسان وبذات في الشرايين

كما تكمن اثار تناول #جلد الدجاج على الاتي :-

- ظهور حب الشباب بكثرة .
- #الحموضة الزائدة في الصباح عند اكل جلد الدجاج قبل النوم .
- امراض القلب #المزمنه .
- #التعب والارهاق .
- الاملاح الموجودة به تسبب حصوات #بالكلى .
- الرائحة الكريهة في الفم .
واخطر انواعه عندما يكون الدجاج مثلج لفترة طويلة

ولتجنب كل هذه الاعراض يرجى نزع جلد الدجاج قبل أو بعد الطبخ.

من الافضل عليك نزعه قبل الطهي لانه يوفر لك عناء تنقيتها من الريش

[ام ماسين]

موضوع رائع اختي يعطيكم الصحة والمواضيع لي طرحوها عضوات رائعة ان شاء الله نتعاونو كامل ونقصو ولو بقليل من الاكل لي عتدنا عليه خطراه من المستحيل الانسان تتغير حياتو بين يوم وليلة بعد مكان ياكل الاطباق لي عتاد عليها

[زينب 83]

شكرًا ام ماسين ، والنجاح يبدأ بخطوة

[زينب 83]

ام أسيد شكرًا اختي عل الطرح المميز ، و ربي يجازيك على كل حرف تكتبيه

[ام ساجد]

اختي زينب شكرا على الطرح يعطيك الصحة

الاولاد يحبو غير لحوايج لي ماشي صحية والمشكل الاكبر في الزوج كي ما يفهمشهو كيفاش تحبي الاولاد يفهمو هههههه

انا زوجي مستحيل انو ما يجيبش المشروبات الغازية وولادي يموتو عليها نولي نخففها بالماء يعني ممكن هكا انقص ظرر

وثاني كاين معلومة انو تقلية الاكل كيما نقولو قلي البصل في الزيت والللحم هذا يضر اكثر من انك تنصبي طول في الماء بارد في بارد

عندي اختي دركة تحاول انها تطبخ طبخ صحي ما ديرش الزيت تنقص الطماطم والتوابل والملح الكل ولاو ما يحبوش ما كلتها ويقلولها اعععععع ماكلت سبيطار

[زينب 83]

ام ساجد صح عنك الحق الزوج يعاون ، في هذه المواضيع و زوجي كان كيما زوجك لكن كي مرض بقرحة المعدة و لا يخاااااف ، ام على الأكل و الله انا نطيب بارد في بارد و مانقليش ، جدتي الله يرحمها كانت هكذا طيب و ماكلتنا بنيييييييينة ، و انا و الحمد لله طبيخ طيب و الحمد لله حتى عجوزتي ولا تعيطلي في الولائم باه نطيب ، و الله كاين وصفات والله ما يفيقو بلي محرفيييين يعني صحيين ،الانسان لازم يكون ذكي في طيابو يعني يطيب بطريقة صحية لكن أطباق منوعة و لذيذة و انا دائماً نحاول نهز وصفاتنا العادية و نقص منها المضر فقط هكذا باه ما نتحرموش و ما ننضروش

[أم تيم الله]

شكرا اختي زينب على هدا الموضوع الرائع و ان شاء الله نستفادوا من بعضنا البعض و نبعد قدر الامكان المرض علينا و على عائلاتنا

[*أم جابر*]

السلام عليكم ورحمة الله و بركاته

[font="scheherazade"]

اطعمة اوصى بها النبي صلى الله عليه و سلم

[/font]

-العسل مع الماء: قال صلى الله عليه وآله وسلم" عليكم بشراب العسل ".
اخلطي ملعقة كبيرة من العسل مع حوالي 200 مل من الماء مع التقليب حتى الذوبان الكامل للعسل.
ومن أبرز فوائده :
- التنبيه لكامل الجهاز الهضمي من الفم إلى الامعاء .
-الحصول على كمية كافية من الطاقة اللازمة لبدء النشاط اليومي مع الأملاح والمعادن والفيتامينات التي يحتاجها الجسم.
- التمر مع اللبن: قال رسول الله (صلى الله عليه وسلم)"من تصبح بسبع ثمرات عجوة لا يصيبه في هذا اليوم سم و لا سحر".
انقعي سبع تمرات عجوة في كوب من الحليب وتناوليه في وقت الضحى.
فوائده التالية:
-توافر خلاصة الفيتامينات والمعادن المستخلصة من الاشجار في اللبن.
-يساعد التمر (العجوة) الكبد على مقاومة السموم وذلك عن طريق مضادات السموم (الأكسدة) المتوافرة فيه.
-يضبط معدل إنزيمات الكبد إلى معدلاتها الطبيعية.
-يخلص الجسم من المعادن الثقيلة الضارة التي تدخله.
النبي (صلى الله عليه وسلم) هو خير قدوة لنا في مأكله ومشربه وملبسه منذ آلاف السنين.

[Farida_dz]

السلام عليكم
براك الله فيك اختي على الموضوع للاسف حنا ماعدناش تقافة الاكل الصحي اللي تهدريولو يقولوك الاعمار بيد الله ةراكي تشوفي كاين هنا اخوات يحالوا يثبطوك
ناعجبكومش الكوضوع ما تعلقوش
المهم انا نحاول نقص الزيت مكسلتي البطاكطا المقلية دوك نحرب طريقتلك قدر المستطاع مقاطعة المشوربات الغازية نحب العصائر تاع الدار هذا عصير الجزر هايل
https://www.djelfa.info/vb/showthread.php?t=772180
نحاول تدخل الخضار في كل شي نحبها الله غالب ودايكن نستعمل البصل والتوم ممم نموت عليهم نحب les gratin ودايمن نحاول ندخل الخصار
مثلا اللحم المفروم ندير كمية قليلة قبل ما نحمسو ندير الزرودية والكورجات مسكرفجين ومطارق تاع المعدنوس نقطعهم رقاث نخليهم يتحسو تم نصيف اللحم وندير به الغرااتان او حسو تاع لكيش يجي هايل
تان ممكن غرتان الشفلور فوريه الشفلور وديري صوص بلونش بالبصل والتوم زيدي الزيتون مع les épices ديري الشفلور يشري شوية صوص ديريه في plat وزيديلو المعدنوس بشامل على طريقتك همداك نديرها هنا بدون زبدة https://www.djelfa.info/vb/showpost.p...postcount=1568
ديريها في الكوشة يجي هايل
تان دوك رانا في الشتا نحاولو نديرو les soupes كل يوم يدفو ومغديين
تان كاين فراتان البسباس كنديرة نصورلكم الطريقة
عحبني هذا لتوست قلت نديرو هايل يبان


المقادير : 600 غ دقيق القمح الكامل + م ك سكر + م ك

حليب غبرة (بودرة ) 1 خميرة حلويات وزن 20 غ + م ك

خميرة الخبز + م ص ملح + 75 غ زبدة دايبة + 2 م ك زريعة

الكتان مطحونة + حليب دافي لجمع العجين +

للتزيين : حفينة من زريعة الكتان + حفينة زنجلان + شوية حليب

الطريقة : خلطت الدقيق مع كل المكونات وجمعتهم بالحليب الدافئ وعجنتهم مزيان حتى حصلت على عجين لين مدلوك مزياااان

خليت العجين يرتاح 20 دقيقة كيف قالت الغالية ريم ومنبعد طلقتو ولويته وطبعا ملي نلوي العجين منزيرش يدي باش تبقا شوية مساحة فين يخمر


الطوست بالقمح الكامل زريعة الكتان gdhhd1h0e24x6b7tboq.

دهنت الخبز بالحيب ورشيت عليه كمية مهمة من خليط زريعة الكتان والزنجلان

خليتو خمر مزيان ودخلتو للفران سخون من قبل على 180 درجة مئوية حتى يطيب عينك ميزانك

[زينب 83]

اختي فريدة باين عليك طباخة ماهرة و عندك وصفات ما شاء الله ، لوكان ديري وصفاتك مواضيع احسن باه كامل الناس تشوفهم و يعرفو بلي نقدرو ناكلو صحي و بنين في نفس الوقت ، بوركت اختي و ربي يجازيك

ام تيم الله بارك الله فيك اختي العزيزة

[أم ملك]

أخواتي السلام عليكم و رحمة الله و بركاته
شكون تعرف غبرة الشونتي باه مخدومة ﻷني شريتها و مترددة في إستعمالها
و جوزيتم خير الجزاء

[Farida_dz]

100h ta3 chantier m3akasse hlib bien glassé w tal3khâ belbateur

[زينب 83]

ام ملك دوك نبحث لك و نردلك بإذن الله

[أم ملك]

المشاركة الأصلية كتبت بواسطة farida_dz

100h ta3 chantier m3akasse hlib bien glassé w tal3khâ belbateur

شكرا حبيبتي مش الطريقة لكن مناه مستخرجة
شكرا على المجهود

[أم ملك]

المشاركة الأصلية كتبت بواسطة زينب 83

ام ملك دوك نبحث لك و نردلك بإذن الله

شكرا زينب والله مجهودات كبيرة راكي تبذلي فيها ربي يجازيك و يعطيك على قد نيتك
هدي مدة و أنا نحوس عليها ما لقيت حتى معلومة بخصوصها
شكرا مرة ثانية