و عليكم السلام
بالنسبة للمصطلحات مافهمتش قصدك لأنه في المقال الفلسفي تكتبي مقالة ( بمراحلها الثلاثة ) مكانش سؤال للمصطلحات من غير لا تغير البرنامج و أنا ماعلبليش
أما أقوال الفلاسفة ماشي شرط عليك تحطي القول هداك في المكان نفسه لي قريتيه فيه ، انت المهم حافظة القول و انت حرة توضعيه في المقال تاعك حسب إرادتك لكن يكون في محله طبعا ، اذا كنت حافظة أسماء الفلاسفة وضعيها و اذا نسيتي قولي ( قال أحد الفلاسفة ) لكن يستحسن توضعي اسم الفيلسوف إلا إذا تقدرت و نسيتي
العرض تعبري و تكتبي المقال تاعك كيما تحبي مع مراعاة المنهجية الصحيحة و الفهم الجيد و عدم الخروج عن الموضوع مع ذكر الحجج والبراهين و الأقوال لتقوية المقالة
في البكالوريا ما تكتبيش العناوين الصغيرة
اكتبي الكبيرة فقط مثل طرح المشكلة ، محاولة حل المشكلة ... بعيدا عن التركيب ... و لكن اتركي فراغ بين كل عنصر و عنصر الذي يليه ( المصحح وحده يفهم و مقالتك تكون واضحة و بسيطة )
بالنسبة للتوسع حاولي تكوني مقالة بالأفكار التي استخرجتها من ذلك الدرس
يعني انت تكوني فاهمة الدرس و حاطة ملخص عليه ( أهم الأفكار + الحجج و البراهين + الأقوال ) و بها شكلي المقالة تاعك يعني غير هاديك الأفكار و عبري بها ماتجيبيش أفكار خارجية هنا تقدري تهربي عن الموضوع
أنا لست أدبية أو أستاذة في المادة لكن أجبتك حسب تجربتي في 3 بكالوريات
الأولى تحصلت على 13 في الفلسفة
و الثانية 16,5
و الثالثة 14 ( هنا وقعلي مشكل أني خرجت عن الموضوع لأني لعبتها فاهمة ههه و رحت نزيد من عندي )
ان شاء الله نكون أفدتك و لو بالقليل
بالتوفيق لك
( تقرير عن مشاركة سيئة )، و الموجودة أسفل كل مشاركة .
2020-02-22, 16:51
الى الادبين او الاحرار بخصوص الفلسفة
كيفاه مالا يقولك احفظ مصطلحات بيداغوجيا 
العرض العادي
