ماني فاهم والو في الموفقات

[korourou]

المشاركة الأصلية كتبت بواسطة toulay

خاصية 3 n و p عددان طبيعيان
a و b عددان صحيحان
اذا كان a يوافق b بترديد n فان a اس p يوافق b اس p بترديد n
مثال a يوافق 4 بترديد 5
اوجد باقي قسمة a اس 3 على 5
a يوافق 4 بترديد 5
a اس 3 يوافق 4 اس 3 بترديد 5 نجد 64 و64 اكبر من مقياس الترديد 5 اذن نقسم 64 على 5 ونجد الباقي 4
اذن a اس 3 يوافق 4 بترديد 5

تسما a اس 3 هو 4 اس 3 اي 4 اس 3 هو 64 و 64 يوافق 4 بترديد 5
هكا ولا لالا ?

[korourou]

المشاركة الأصلية كتبت بواسطة toulay

هو لما يمدلك مثلا كيما راك تقول 400 اس 2011 متروحش دير 400 تضربها في نفسها 2011 مرة هكذا تقعد حياتك كاملة ومتفضش اصلا فالالة الحاسبة بلاك تجيك e يعني خلاص فوق طاقتها هذاك العدد
انت تروح تخدم بالباقي لمدهولك هو لما يقولك احسب هكذا يكون من قبل مدلك 400 قسمة عدد ولقيتي النتيجة يا تكون 1 ولا ناقص 1 مستحيل يمدلك رقم كبير
وكاين قاعدة تقول لما يكون العدد ناقص واحد اس 2011 تشوف رقم الاحاد تاع الاس اذا كان فردي راح تبقى النتيجة ناقص واحد واذا كان زوجي راح ترجع 1
والارقام الزجية هي 0 2 4 8 6 ان شاء الله تكون فهمتي عليا اخي المحترم واذا مفهمتيش نزيد نعاودلك

انا مافهمتش ماعليش تعاودلي تعيش

[liela ben]

الموافقات الدوال المتتاتليا نعرفهم بصح كيفاه نفهمكم لازم الايمايل ولا ال***** والتي تسكن غي عين البيضاء تجي نفهمها انا تاني باك

[korourou]

المشاركة الأصلية كتبت بواسطة liela ben

الموافقات الدوال المتتاتليا نعرفهم بصح كيفاه نفهمكم لازم الايمايل ولا ال***** والتي تسكن غي عين البيضاء تجي نفهمها انا تاني باك

kifash neb3tlek les msg sa passe pas

[toulay]

لا لا اختي 64 مشي يوافق 4 بترديد 5 بل a اس 3 يوافق 64 بترديد 5 و64 هذا اكبر من مقياس الترديد لهو 5 معناه تقسم 64 على 5 وتلقى الباقي 4 اذن a اس 3 يوافق 4 بترديد 5

[kamikaz-dz]

المشاركة الأصلية كتبت بواسطة toulay

الجواب رقم 5 نحكمو الباقي تاع 2011 قسمة 5 لهو 1 ونديروه اس هاذوك الاعداد لمدونا 10 20 30 40 50 تقسيم 5 نلقو النتيجة 1 بعد لانو 1 تضربو في اي عدد تلقى النتيجة نفسها مبعد تولينا 1+1+1+1+1 تساوي 5 وحنا قلنا لما يكون النتيجة تساوي او اكبر من مقياس الترديد نقسموها عليه اذن 5 تقسيم 5 تلقى النتيجة 0 ومنه هاذوك الاعداك كامل تاع 1 اس 10+1 اس 20 الخ توافق 0 بترديد 5

بارك الله فيك ختي راني فهمت هذ الجواب
بصح مايبانلكش في هذ التمرين ناقص سؤال لي هو حساب الدور ؟؟؟؟

[kamikaz-dz]

شوفو خاوتي هاني لقيت تمرين واحد هههه علابالي كثرت عليكم بصح ماعليش باه نستفادو كامل

ـــــ
a و b عددان طبيعيان حيث a= 1428 b= 2006

عين باقي القسمة الاقليدية للعددان على 9

بيّن ان : b يوافق ناقص واحد ترديد 9

ماهو باقي قسمة العدد a زائد b مربع بين قوسين على 9 ( المربع داخل القوس فوق الـ b )

استنتج باقي قسمة a زائد b مربع على 3

[kamikaz-dz]

فيما يخص الاجابة عن التمرين السابق راه عاوني واحد والاجابة تاع الاسئلة ( 3 /4 )

استنتج باقي القسمة الاقليدية للعدد aاس10 على 5
بما ان باقي قسمة 2011 على 5 هو واحد فان باقي 2011اس10 هو 1اس 10 وهو 1

3/ تحقق انه من اجل كل عدد طبيعي n يكون العدد A أس N زائد 4 يقبل القسمة على 5
بما ان 2011 اس n على 5 هو 1 و 1+4=5 ف aاسn+4 يقبل القسمة على 5

/ عين العدد الطبيعي m حتى يكون : a اس 10 زائد 2m ناقص 3 يوافق 0 بترديد 5 حيث 27 اكبر M اكبر 25
حل المعادلة 2m-3=5k-1 تلقى m=(5k+2)/2 نورمالمون تلقى k=10 اذن m=26

[toulay]

ياك قتلك من قبل بلي ناقص سؤال تاع احسب حسب قيم n بواقي العدد كذا على العدد كذا

[toulay]

حل التمرين
دير 1428 تقسيم 9 تلقى الباقي 6 اذن 1428 يوافق 6 بترديد 9
نفس الشيء يطبق على 2006 تقسمها على 9 تلقى الباقي 8 اذن 2006 توافق 8 بترديد 9
اخي غلطتي فالسؤال تاع بين ان b يوافق ناقص 1 بترديد 9 نورمالمو يوافق 1 برك مكانش الناقص درك نقولك علاش
لخاطرش الباقي تاع 2006 على 9 هو 8 مبعد ندير 2006 يوافق ناقص 8 بترديد 9 ولما يكون الباقي ناقص نضيفو مقياس الترديد لهو 9 يعني تولي ناقص 8 + 9 ويساوي 1 لانو ناخذ اشارة العدد الاكبر والفرق بين العددين بمعنى اشارة 9 هي موجبة والفرق بين 9 و8 هو 1
لدينا 2006 يوافق 1 بترديد 9
و1428 يوافق 6 بترديد 9
ندير الباقي تاع a لهو 6 + الباقي تاع b لهو 1 ونديروه 1 مربع تولي 6+1 والنتيجة 7 يعني b+a مربع يوافق 7 بترديد 9
باقي قسمة b+a مربع على 3 يعني
1+ 6 مضروبة في 6 وتساوي المجموع 37 مبعد 37 تقسمها على 3 تلقى الباقي 1
اذن b+a مربع يوافق 1 بترديد 3

[ka_ak1000]

رانـــــــــــا كيف كيف
رانـي مع الدوال وموفقـــــــات ربي يجـيب

[oussama77]

المشاركة الأصلية كتبت بواسطة toulay

الدور درك راسك يدور تاع الصح هههههههههههه
مثلا يقولك فالسؤال ادرس بواقي قسمة 3 اس n على 7 حسب قيم العدد الطبيعي n
3 اس 0 يوافق 1 بترديد 7
3 اس 1 يوافق 3 بترديد 7
3 اس 2 يوافق 2 بترديد 7
3 اس 3 يوافق 6 بترديد 7
3 اس 4 يوافق 4 بترديد 7
3 اس 5 يوافق 5 بترديد 7
3 اس 6 يوافق 1 بترديد 7
اذن دورية ودورها 6 انت وقتاش تحبس من الحسابات انت دير في بالك بلي نتيجة الاولى تلقاها 1 والاخيرة 1 كيما 3 اس 0 لقيناها 1 و3 اس 6 لقيناها 1
ملاحظة اي عدد اس صفر هو 1
3 اس 6k يوافق 1 بترديد7
3 اس 6k+1 يوافق 3 بترديد 7
3 اس 6k+2 يوافق 2 بترديد 7
3 اس 6k+3 يوافق 6 بترديد 7
3 اس 6k+4 يوافق 4 بترديد 7
3 اس 6k+5 يوافق 5 بترديد 7
انت باش تعرف دير هكذا شوف الدور قداه لقيتيه مبعد ضيفو للاس وابدا من الاس الاخير كيما هنا عدنا 6 يعني دير 3 اس 6k مبعد تكمل من العدد للاس تاعو 1 يعني تزيد الدور للعدد 1 مبعد تزيد الدور ل2 وتكمل
ان شاء الله تكون فهمتي عليا اخي المحترم

بارك الله فيك أختي ربي يجعلها في ميزان حسناتك
دركا فهمت تاع الصح
ربي ينجحك وينجحنا انشاء الله

[oussama77]

يا جماعة هذا اسمي على الفايسـ بـ و ك
oussama omeyer
تفهموني في الرياضيات ونفهمكم في اللغات
وبارك الله فيك أختي toulay وخويا kamikaz

[oussama77]

المشاركة الأصلية كتبت بواسطة toulay

ياك قتلك من قبل بلي ناقص سؤال تاع احسب حسب قيم n بواقي العدد كذا على العدد كذا

يعطيك الصحة
بالرغم أني تلميذ مبتدأ في الموافقات مي اكتشفت هذا
أعطونا موافقات صحاح وشابين وزينين نحلوهم

[toulay]

الله يسلمك ان شاء الله النجاح للجميع المهم تكون وصلتك المعلومة وفهمتي مليح مليح