أول شي لازم تعرفو هو أن الخجل هذا موجود بكثرة لدى الشباب والشابات يعني ماراكش وحدك هناك الكثير من يعانون من هاته المشكلة وكيما يقولو إذا عمت خفت
ثانيا: اتقبل نفسك كيما راك بالخجل تاعك ما تبقاش تفكر فيه، يعني حتى ولو أنت شخص خجول مي مايمنعكش على أنك تقرى وتدير الرياضة وتكون عندك مواهب ويكونو عندك أصدقاء
ثالثا: الخجل ماهوش مرض عضوي يروح يقدر الإنسان أنو يتخلى عليه في نهار واحد، إنما هي حالة نفسية تروح بالتدريج وغير بالعقل لا داعلي للقلق منه كثيرا
أهم شي اعتاد على نفسك الخجولة وااتقبلها كيما راهي وعيش حياتك عادي
اتخيل انسان معوق مايقدرش يمشي على رجليه، في بالك يقنط ويحزن على نفسو ويغلق على روحو ومايدير والو؟ أو يتقبل نفسو كيما راهو ويحاول يتكيف مع الوضع ويدير حاجات يقدر عليهم أو يعمل عمل مناسب لحالتو مايبقاش قاعد
هكداك انت إذا بقيت تفكر في حالتك وفي خجلك راك ماتقدر تدير والو وتغلق على روحك وتقعد ، ولكن إذا انت تقبلك حالتك كيما راهي وقلت معليش أنا انسان خجول ولكن خجلي مايمنعنيش أنو نتفوق في دراستي، ومايمنعنيش أنو ندير الرياضة ومايمنعنيش أنو نخدم أكيد فالحالة هادي يولي حاجز تقدر تتخطاه ومايعيقك على والو
ممكن تروح تزور أخصائي نفساني كاينين في كل المستشفيات والمستوصفات أحسن
بالتوفيق أخي الصغير